Updated : 11/11/2022 04:13 IST

పరిధులు దాటి ప్రయత్నించండి!

అనుభవపాఠం

చిన్నప్పుడు మా నాన్న నాకో సలహా ఇచ్చారు. ‘ఏదైనా సౌకర్యవంతంగా అనిపిస్తే.. అక్కడే ఉండి పోవాలనుకోవద్దు. నీకు సవాల్‌ విసిరేదేంటని వెతుక్కుంటూ వెళ్లు.. గొప్ప స్థాయికి చేరుకుంటా’వన్నారు.  ఇది నా మనసులో నాటుకుపోయింది. దీన్ని ప్రయత్నించడం 14 ఏళ్ల నుంచే ప్రారంభించా. ఇంటికి దూరంగా పాఠశాలలో చేరడం, ఆసక్తి లేకపోయినా ఇన్వెస్ట్‌మెంట్‌ బ్యాంకర్‌గా చేరడం, దానిపై పట్టు వచ్చిందని మార్కెటింగ్‌లోకి రావడం.. ఇవన్నీ ఇందుకు ఉదాహరణలే. ఫలితమేంటంటారా? నేనిప్పుడున్న స్థాయే! కంఫర్ట్‌ జోన్‌ నుంచి బయటకు వచ్చినప్పుడు ప్రతిదీ కొత్తదే. ఏం చేయాలన్నా నేర్చుకోక తప్పదు. ఎవరూ మనల్ని చిన్న చూపు చూడొద్దు, మన ఉనికిని చాటాలి అనుకున్నప్పుడు మామూలుగా కంటే ఇంకా ఎక్కువగా నేర్చుకుంటాం. తెలియకుండానే పోటీతత్వం అలవడుతుంది. కాబట్టి, హమ్మయ్య.. ఇప్పటికి సాగుతోంది కదా అని ఎప్పుడూ అనుకోవద్దు. పరిధుల్ని దాటి కొత్తగా చేయడంపైనే దృష్టిపెట్టండి. ప్రపంచమే మిమ్మల్ని నాయకురాలిని చేస్తుంది.

- అంజలీ సుద్‌, సీఈఓ, విమియో


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ఆ ప్రమాదం.. వ్యాపారవేత్తను చేసింది

సినిమా, కాలక్షేపం, స్నేహితులతో ముచ్చట్లు.. సందర్భం ఏదైనా మనకు చిరుతిళ్లు ఉండాల్సిందే! వాటిని నిల్వ ఉంచడానికి వాడే రసాయనాలు, చక్కెరలు, రిఫైన్డ్‌ ఆయిల్స్‌.. అన్నీ అనారోగ్యకరమైనవే! చదువుతున్నప్పుడు కంటే స్వీయ అనుభవంతో ఈ విషయం మరింత అవగాహనకు వచ్చింది అపూర్వ గురురాజ్‌కు. దీంతో ఆరోగ్యకరమైన చిరుతిళ్లను ఉత్పత్తి చేస్తూ.. విదేశాలకూ ఎగుమతి చేసే స్థాయికి ఎదిగారు. ఆమెను వసుంధర పలకరించగా తన గురించి చెప్పుకొచ్చారిలా.. మాది బెంగళూరు. ఆరేళ్లన్నప్పుడు అమ్మను కోల్పోయా. సివిల్‌ ఇంజినీర్‌ అయిన నాన్న వ్యాపారవేత్త కూడా. నాకేమో ఫోరెన్సిక్‌ శాస్త్రవేత్త కావాలని.. నాన్నేమో ఇంజినీరింగ్‌ చేయాలని.. రెండూ కాక కెమిస్ట్రీ, జువాలజీ, న్యూట్రిషన్‌లున్న ట్రిపుల్‌ మేజర్‌ కోర్సును ఎంచుకున్నా. అది చదివేప్పుడే ఎంటీఆర్‌, పెప్సీ సంస్థల్లో ఇంటర్న్‌గా ఉత్పత్తుల్లో పోషకాల ప్రమాణాల గురించి తెలుసుకున్నా. భారతీయ ఆహారశైలిలో పోషకాలకే ప్రాధాన్యం. కానీ మనకు లభ్యమయ్యే ప్యాకేజ్డ్‌ ఆహారంలో 90శాతం పాశ్చాత్యుల జీవనశైలికి అనువైనవే. పైగా వీటి నిల్వకు వాడే రసాయనాలు ఆరోగ్యానికి చేటని ఫీల్డ్‌వర్క్‌లో గుర్తించా. ఆసక్తికర విషయమేమిటంటే మన ధాన్యాలను ఎగుమతి చేసుకొని మనకే ఇలా అమ్ముతుండటం! అపోలో ఆస్పత్రిలో ఆంకాలజీ న్యూట్రిషన్‌ విభాగంలో కొన్నాళ్లు పనిచేసినపుడు వీటిపై మరింత స్పష్టత వచ్చింది.

తరువాయి