Updated : 16/03/2021 18:53 IST

చిన్నారుల గదులను తీర్చిదిద్దండిలా!

ఇంటిని ఆకర్షణీయంగా సర్దుకోవడంలో అతివలది అందె వేసిన చెయ్యి అని చెప్పొచ్చు. అయితే చిన్నారుల గదిని అందంగా అలంకరించేటప్పుడు మాత్రం మరికొన్ని విషయాల పట్ల జాగ్రత్తలు తీసుకోవాలి. గది అలంకరణకు ఖరీదైన ఆటవస్తువులు, రంగులు, బొమ్మలే అక్కర్లేదు. మీ సృజనాత్మకతను జోడించి ఉన్నవాటితోనే మరింత అందంగా తీర్చిదిద్దవచ్చు.
సాధారణంగా చిన్నారులు రంగులను బాగా ఇష్టపడతారు. కాబట్టి వారి గదికి ప్రకాశవంతమైన వర్ణాలను వేయించండి. వీలైతే ఇంద్రధనస్సు రంగులను గోడపైకి తెచ్చేయండి. దాంతో వారి ఆనందం రెట్టింపవుతుంది. గడుగ్గాయిలు ఒక్కచోట కుదురుగా ఉండరు. ఎప్పుడూ ఎగురుతూ, గెంతుతూ సీతాకోక చిలుకల్లా ఉంటారు. కాబట్టి వారి గది వీలైనంత మటుకు విశాలంగా, వస్తువులు తక్కువగా ఉండేలా చూసుకోవాలి. దాంతో వారు హాయిగా బొమ్మలతో ఆడుకుంటారు. నచ్చిన కామిక్‌ పుస్తకాలు చదువుకుంటారు. అలాగే  బుజ్జాయిలకు ఇష్టమైన మిక్కీమౌస్‌, డోరేమాన్‌, బార్బీ, సీతాకోకచిలుకలు, మొక్కలు, జంతువులు..  లాంటి బొమ్మల చిత్రాలను వాల్‌పేపర్‌లుగా వారి పడగ్గది గోడలపై వేయిస్తే చాలా సంతోషపడతారు. పెద్ద మంచాలకు బదులుగా చిచ్చర పిడుగులకు అనువుగా ఉండే బంక్‌ బెడ్‌లను ఏర్పాటు చేస్తే అనుకూలంగా ఉండటంతోపాటు ఆనందం వారి సొంతమవుతుంది. వాటికి కావాల్సిన స్థలం కూడా తక్కువే. చివరగా చిన్నారులు స్వయంగా గీసిన బొమ్మలను కూడా గోడకు అందంగా అతికించండి. ఇలా చేస్తే గది అందంగా మారడంతోపాటు వారిలో ఆత్మవిశ్వాసమూ రెట్టింపు అవుతుంది.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని