Updated : 15/06/2021 13:02 IST

మామిడి... మరక మాయం!

మామిడి పండ్ల రుచి గురించి ఎంత చెప్పినా తక్కువే. కానీ వాటి మరకలూ మొండివే. వాటిని ఎలా తొలగించాలో చూద్దామా...
వెనిగర్‌... మరక పడిన చోట కాస్త వెనిగర్‌ వేసి కాసేపు పక్కన పెట్టాలి. ఆ తర్వాత గోరువెచ్చని నీటితో శుభ్రం చేయాలి. మరకలు సులువుగా వదిలిపోతాయి.
వంటసోడా... చల్లి కాసేపటి తర్వాత బ్రష్‌తో రుద్దాలి. ఆ తర్వాత గోరువెచ్చటి నీటితో శుభ్రం చేస్తే సరి.
టూత్‌పేస్ట్‌... ఇది కూడా మామిడి రసం మరకలను త్వరగా వదిలిస్తుంది. మరకపై పేస్ట్‌ రుద్ది పావుగంట తర్వాత వెచ్చటి నీటితో కడిగేయాలి.
బ్లీచ్‌... గోరువెచ్చని నీటిలో ఒకట్రెండు చెంచాల బ్లీచ్‌ వేసి ఆ నీటిని మరకపై పోయాలి. ఆ తర్వాత చేత్తో లేదా బ్రష్‌తో మరకపై రుద్దితే సరి.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని