Breaking | Feedback | ePratibha | E-PAPER | Pratibha

ప్రతి రూపాయీ లెక్కే!

డబ్బు పొదుపు చేయాలని మనసులో ఉన్నా... ఎలాగో తెలియదు కొందరికి. దాంతో అవసరానికి మించి ఖర్చు చేస్తూ ఆ తర్వాత బాధపడతారు. మీరూ అలానే చేస్తుంటే...ఇది చదవండి.

Published : 05 Jul 2021 00:41 IST

* పొదుపు గురించి తెలియకపోతే... ఎంత సంపాదించినా నిరుపయోగమే! ఖర్చుపెట్టేప్పుడు చిన్న మొత్తమే అనిపించొచ్చు కానీ నెల తిరిగేసరికి అమ్మో ఇంత ఖర్చు చేసేశామా అనిపిస్తుంది. అందుకే చిల్లర వాడుకున్నా సరే.. లెక్క రాయండి. అప్పుడు వృథాని గుర్తించి అడ్డుకట్ట వేయొచ్చు.

* చాలామంది అమ్మాయిలు... ట్రెండ్‌లపై ఆసక్తి పెంచుకుని తరచూ ఏవో ఒకటి కొంటూనే ఉంటారు. సందర్భాన్ని బట్టి కొనుక్కుంటే... కొత్తదనం కనిపిస్తుంది. డబ్బులూ ఆదా అవుతాయి. ఒకవేళ ఏదైనా కొనాలనిపిస్తే... దానికి పెట్టాలనుకున్న మొత్తాన్ని తీసి పక్కన ఉంచండి. ఇలా నెల మొత్తంలో మీరు దాచిన డబ్బులతో... బంగారమో మరొక విలువైన దానిపైనో ఉపయోగించొచ్చు. ఇలా చేయడం వల్ల మీ మనసు మీ నియంత్రణలో ఉంటుంది.

* చాలామంది తేలిగ్గా తీసుకుంటారు కానీ.. సంపాదనలో కనీసం పది శాతమైనా పొదుపు కోసం పక్కన పెట్టే అలవాటు ప్రతి ఒక్కరూ చేసుకోవాలి. అమ్మాయిలం ఆర్థిక లావాదేవీలతో మాకేం పని అనొద్దు. చిన్న మొత్తాలతో డబ్బులు భద్రపరుచుకోవడం మొదలుపెడితే... అవే మీకు అవసరానికి ఉపయోగపడతాయి. పొదుపు చేయాలనే ఆలోచన వచ్చిన వెంటనే... మరో ఖర్చుని తగ్గించుకునైనా ఇందుకోసం డబ్బు కేటాయిస్తే మేలు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.