close
Updated : 01/12/2021 05:41 IST

పరిమళాల గదులు

వాతావరణంలో తేమ పెరిగినప్పుడు.. ఒక్కోసారి ఇల్లు ఒకరకమైన వాసన వస్తుంటుంది. వెంటిలేషన్‌ తక్కువగా ఉన్నా ఆ పరిస్థితి తప్పదు. అలాంటి వాసనల్ని పోగొట్టే చిట్కాలివీ...

అరలీటరు నీటిలో రెండు చెంచాల బేకింగ్‌ సోడా, నాలుగైదు చుక్కల లెమన్‌ గ్రాస్‌ ఆయిల్‌ కలిపి ఇల్లంతా స్ప్రే చేస్తే దోమలు రావు.

* బేకింగ్‌ సోడాలో చెంచా వెనిగర్‌, రెండు చుక్కల లావెండర్‌ నూనె కలిపి ఉండల్లా చేయాలి. వీటిని గది మూలల్లో చిన్న కాగితాల్లో వేసుంచితే దుర్వాసనల్ని పీల్చేసి సువాసనల్ని ఇస్తాయి.

* బేకింగ్‌ సోడా, దాల్చిన చెక్కపొడి, ఎండబెట్టిన తులసి ఆకులపొడిని... ఓ వస్త్రంలో చుట్టి అరలు, గది మూలల్లో వేలాడదీయాలి. దీంతో దోమలు తగ్గడంతోపాటు దుర్వాసనా పోతుంది.

* పావు కప్పు బేకింగ్‌ సోడాలో పావు కప్పు సిట్రిక్‌ యాసిడ్‌, రెండు చెంచాల లిక్విడ్‌ డిష్‌వాషర్‌ కలుపుకోవాలి. ఈ మిశ్రమాన్ని పాత ఐస్‌ ట్రేలో వేసి ఆరనివ్వాలి. గట్టిగా అయ్యాక వీటిని స్నానాల గదిలో అక్కడక్కడా పెడితే దుర్వాసన పోతుంది.


Advertisement

మరిన్ని