Published : 05/01/2022 01:49 IST

పుదీనాపెంచేద్దామా!

మటన్‌, చికెన్‌... లాంటి మాంసాహార వంటకాల్లో ఇదుంటే ఆ రుచే వేరు. సలాడ్స్‌, కాక్‌టైయిల్స్‌లో కావాల్సిందే. పచ్చడి చేస్తే ఆవురావుమంటూ లాగించే యాల్సిందే. కాస్త ఓపికా, మరికాస్త సృజనాత్మకత ఉంటే ఔషధాల పుదీనాని  పెంచడం కష్టం కాదు. దీన్ని సులువుగా ఎలా పెంచాలో, ఏం జాగ్రత్తలు పాటించాలో తెలుసుకుందామా..

ఎండ బాగా వచ్చే ప్రాంతంలో ఈ పుదీనా మొక్కల కుండీలను పెట్టాలి. సూర్యరశ్మి తగలకుండా ఉంటే మొక్క వడలిపోయి కొన్నాళ్లకు చనిపోతుంది.

కుండీలు, బకెట్‌లు, వెడల్పుగా ఉన్న ట్రేల్లో చక్కగా పెంచుకోవచ్చు.

పుదీనా వేళ్లు త్వరత్వరగా పెరుగుతాయి. దీన్ని ఇతర మొక్కలతో కాకుండా విడిగా, ప్రత్యేకంగా నాటుకోవాలి. వీటికి ఎక్కువ నీళ్లు కూడా అవసరం ఉండదు.

మొక్క పెరిగిన తర్వాత దాన్ని కొమ్మలను కత్తిరించి నీటిలో వేసి పెడితే వాటికీ వేళ్లొస్తాయి. వీటిని రెండు వారాలాగి కుండీల్లో నాటుకోవచ్చు.

ఆకులను ఎప్పటికప్పుడు కోసుకుంటూ ఉంటే కొత్తవి వస్తాయి. మొక్కకు మొగ్గలొస్తే అవి విరియకముందే తీసేయాలి.

పుదీనాలో బోలెడు రకాలున్నాయి. ఇది వంటకాలకు సువాసన, రుచినే కాదు, ఆరోగ్యానికి ఎంతో మేలు చేస్తుంది. పుదీనా రసం, టీ తాగితే కడుపులో చల్లగా ఉంటుంది.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని