Updated : 08/02/2022 05:04 IST

మొక్కలకీ తేమ కావాలి

చలికాలం.. తేమ కోల్పోయి చర్మమంతా పొడిబారుతుంటుంది. దాన్ని తిరిగి అందించేందుకు మాయిశ్చరైజర్‌ రాస్తాం. ఈ పొడి వాతావరణం.. మొక్కలకీ ఇబ్బందే. అవి పచ్చగా కళకళలాడాలంటే.. తగిన జాగ్రత్త తీసుకోవాల్సిందే.

* కిటికీలు, చల్లగాలి నేరుగా తాకే ప్రదేశాల్లో మొక్కల్ని ఉంచకండి. ఇది ఆకుల్ని వడలేలా చేయగలదు. ఈ కాలంలో నీరు పెద్దగా అవసరముండదు. కాబట్టి, తక్కువ మొత్తంలోనే అందించండి. ఈ విషయంలో సందేహమనిపిస్తే మట్టిలో వేలిని గుచ్చి చూడండి. మరీ పొడిగా అనిపిస్తే అప్పుడు నీరందిస్తే సరి.

* ఆరోగ్యం, అందం దృష్ట్యా ఇప్పుడు ఇండోర్‌ మొక్కలకి ప్రాధాన్యం పెరుగుతోంది. పూర్తిగా నీటి ఆధారితమైనవి అయితే.. నీటిని ఎప్పటికప్పుడు మార్చాలి. మామూలు మొక్కల్ని దుమ్ము, పురుగుల నుంచి దూరంగా ఉంచాలి.

* కొత్తగా మొక్కల పెంపకాన్ని మొదలుపెడుతోంటే తేలిగ్గా పెరిగేవాటిని ఎంచుకోండి. వీళ్లకి పీస్‌ లిల్లీ, పెట్యూనియా, స్వీట్‌ అలిసమ్‌ మొదలైనవి ఉత్తమం. ఏవి ఎంచుకున్నా పెంచే విధానం, అందించాల్సిన నీరు, వేయాల్సిన ఎరువులు, వాటి కాలవ్యవధులతో సహా ముందే తెలుసుకోండి. తర్వాతే ఇంటికి తెండి.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని