Updated : 03/04/2021 03:40 IST

ఇద్దరి లోకం ఒకటే కావాలంటే...

కొంతమంది భార్యాభర్తలను చూస్తే భలే ముచ్చటేస్తుంది. వాళ్లు ఒకరికోసం మరొకరు అన్నట్టుగా ఉంటారు. అందరూ వాళ్లలాగే సంతోషంగా ఉండాలంటే ఏం చేయాలంటే...
ప్రశంస: చేసిన పనులను తగిన గుర్తింపు దక్కాలని ప్రతి ఒక్కరూ కోరుకుంటారు. అందుకే కుటుంబ సభ్యులందరి క్షేమం కోసం అనునిత్యం తపించే ఇల్లాలి సేవలను ప్రశంసించాలి. అలాగే ఎవరి వల్ల పొరపాట్లు జరిగినా క్షమించమని అడగడానికి అహం అడ్డురాకూడదు.
పారదర్శకత: దంపతులు ఎలాంటి అరమరికలూ లేకుండా అన్ని విషయాలూ మాట్లాడుకోవాలి. అందులో వ్యక్తిగత అలవాట్లు, అభిరుచులు ఉండొచ్చు. ఇంటి విషయాలే కాకుండా.. ఇద్దరూ ఉద్యోగులైతే ఆఫీసుకు సంబంధించిన సమస్యలూ ఉండొచ్చు. ఒకరికి చిక్కుముడిగా అనిపించిన సమస్యకు మరొకరు క్షణాల్లో పరిష్కారం చూపించొచ్చు.
బాధ్యతలను పంచుకోవాలి: సంసారమనే సౌధానికి దంపతులిద్దరూ రెండు స్తంభాల్లాంటి వాళ్లు. బాధ్యతలను సమానంగా పంచుకుంటేనే ఆ సౌధం ఠీవిగా నిలబడుతుంది. నిజానికి చాలా కుటుంబాల్లో బరువంతా ఒక్కరి మీదే పడుతుంది. ఒకరు ఆఫీసుకు వెళ్లి వచ్చి సోఫాలో కూర్చుని ఎంతో దీక్షగా టీవీ చూస్తుంటారు. మరొకరూ ఉద్యోగం చేసి వచ్చినా... ఇంటికి రాగానే మళ్లీ పనుల్లో మునిగిపోతారు. ఇలా ఇంటి పనుల భారమంతా ఒక్కరి మీదే పడటంతో విపరీతమైన ఒత్తిడికి గురై.. అనారోగ్యాల బారినా పడుతుంటారు.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని