Published : 11/07/2021 00:44 IST

కాసింత చోటులో కాయగూరలు

ఎంతో స్థలముంటే తప్ప మొక్కలు పెంచలేమనుకుంటే పొరపాటే. కాసింత జాగాలో.. ఇంకా చెప్పాలంటే చిన్న చిన్న బాల్కనీల్లో, కుండీల్లోనే ఇంటిక్కావలసిన కాయ గూరలు పండిస్తున్నారెందరో... అదెలానో చూడండి..

* బాల్కనీ బట్టలు ఆరబెట్టుకోడానికే కాదు, వంగ, బెండ, టొమేటో, మిరప లాంటి మొక్కలతో అందమైన తోటగా మార్చుకోవచ్చు. మట్టిలో వర్మికంపోస్ట్‌, కొబ్బరిపొట్టు కలిపితే సారవంతంగా తయారవుతుంది.

* మొక్కలకు సూర్యరశ్మి తగిలేలా చూడాలి. క్రమం తప్పక నీళ్లు పోయాలి. టీ పొడి, కూరగాయల వ్యర్థాలు, ఉల్లిపొట్టు ఎరువుగా వాడొచ్చు. ఎండిన వేపాకు పొడిని నీళ్లలో కలిపి చిలకరిస్తే మొక్కలకు పురుగు చేరదు.

* సాధారణ మొక్కలకు 14 అంగుళాల లోతైన కుండీలు సరిపోతాయి. దోస, సొర లాంటి తీగ పాదులకు నీళ్ల తొట్టి లేదా పెద్ద టబ్బు అనుకూలం.

* తోటకూర, గోంగూర, మెంతి, కొత్తి మీర, పుదీన లాంటివి త్వరగా పెరుగుతాయి.

* తక్కువ స్థలంలోనే ఎక్కువ కుండీలు అమరేలా స్టాండులు దొరుకుతాయి. కొన్ని కుండీలను కొక్కీలకు వేళ్లాడదీయొచ్చు. కొన్నిటిని కిటికీల్లోనూ పెట్టుకోవచ్చు. ఇంట్లో నీళ్లు కారకుండా కుండీని ట్రేలో పెట్టే మార్గమూ ఉంది.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి