Breaking | Feedback | ePratibha | E-PAPER | Pratibha

టెక్‌ విరామం తీసుకోండి

ఇంటి నుంచి పనిచేసే మహిళలకు.. సందేహాల నివృత్తి నుంచి పిల్లల చదువు వరకు ప్రతి దానికీ గాడ్జెట్స్‌ వాడక తప్పని పరిస్థితి. ఇది మానసిక ఆరోగ్యం, కుటుంబ సంబంధాల మీదా ప్రభావం చూపుతోందంటున్నారు నిపుణులు. దీనికి ఏం పరిష్కారాలు సూచిస్తున్నారో చూడండి...

Updated : 07 Oct 2021 00:49 IST

సిస్టమ్‌కీ, టీవీకీ ఆఖరికి మొబైల్‌కి కూడా దూరంగా ఉండాలి. ఉదాహరణకు- ఆదివారం ‘టెక్‌ హాలిడే’ అనుకున్నారనుకోండి. ఇవన్నీ పక్కన పెట్టేయాలి. ఫోను లేనిదే నిమిషం గడవదు. ఏవైనా అర్జెంట్‌ కాల్స్‌ వస్తే? అంటారా! దీనికీ ముందుగానే సిద్ధమవ్వండి. ఆరోజంతా మీకు ఫోన్‌ అందుబాటులో ఉండదన్న విషయాన్ని తోటి ఉద్యోగులకీ, కుటుంబ సభ్యులకీ తెలియజేయండి. స్విచాఫ్‌లో పెట్టండి. మొబైల్‌ లేకముందు ఎలా ఉండేవారో అలాగే ప్రయత్నించండి. అలాగని ఏ సినిమాకో.. టెక్‌ ఆటలకో మాత్రం చెక్కేయకండి. వీటన్నింటికీ దూరంగా ఉండటమే ఉద్దేశం. కాలక్షేపం కావాలంటే.. ఏ పుస్తకమో చదవండి, పచ్చగా ఉండే చోటికి షికారుకి వెళ్లండి. స్నేహితులతో కబుర్లు చెప్పండి. హాలిడే వంటి వాటికి వెళ్లినా అవసరమైతే తప్ప దీన్ని పక్కన పడేయాలి. డిజిటల్‌ డీటాక్సింగ్‌గా వ్యవహరిస్తున్న దీన్ని ఆచరిస్తే.. సృజనాత్మకతకీ ఆస్కారముంటుంది అంటున్నారు నిపుణులు. ఆడవాళ్లకి టెక్నాలజీ కారణంగా ఎక్కువ ఆత్రుత, ఒత్తిడి పెరుగుతున్న క్రమంలో
టెక్‌ విరామం ఆవశ్యకమంటున్నారు. విరామం ప్రకటించండి మరి!

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.