Published : 19/10/2021 01:57 IST

అది మామూలు విషయం కాదు

నెలసరి ముందు, ఆ సమయంలో కాస్త చిరాకు, విసుగు వంటివి సాధారణం. హార్మోనుల్లో వచ్చే మార్పులు అందుకు కారణం. ఒక్కోరోజు నిద్ర సరిపోకపోయినా, రోజు బాగా గడవకపోయినా కాస్త చికాకుగా ఉండటం, పక్కవారిపై అరవడం మామూలే. కానీ అదే ప్రతిరోజూ కనిపిస్తే మాత్రం మామూలు విషయం కాదంటున్నారు నిపుణులు. దాన్ని మార్చుకోవడానికి సూచనలిస్తున్నారు.

ముందు మీలో మార్పును అంగీకరించండి. సొంతంగా గమనించకపోయినా పక్కవాళ్లు గమనిస్తారు. అలా చెబుతుంటే.. మిమ్మల్ని మీరు ఓసారి పరీక్షించుకోండి. తర్వాత ఒకటికి రెండుసార్లు ఆలోచించాకే బదుల్విండి. అప్పుడు బంధాలు దూరమవ్వవు. తరచూ అసహనానికి గురవుతుంటే కారణం కనుక్కోవడానికి ప్రయత్నించాలి. ఏదీ తట్టలేదంటే ఒత్తిడిగా భావించొచ్చు. సరిగా తినకపోవడం వల్ల కూడా ఇలా కావొచ్చు.  దాని ఆధారంగా జీవనశైలిలో మార్పులు చేసుకుంటే సరి.

విసుగు అనిపించినప్పుడల్లా అన్నీ తమకు వ్యతిరేకంగానే జరుగుతున్నాయన్న భావన కలుగుతుంది. ఈ రకమైన ఆలోచనకి శరీరంలో కార్టిసాల్‌ అధిక మోతాదులో ఉత్పత్తి కావడమే కారణం. ఇలాంటప్పుడు ప్రశాంతమైన చోట కూర్చొని దీర్ఘంగా శ్వాస తీసుకుని వదిలేయడం లేదా కొద్దిసేపు శ్వాసను బంధించి ఉంచడం లాంటివి చేయాలి.

మెదడుకి తగినంత విశ్రాంతి కావాలి. గంటలపాటు పనిచేయడం, ఒకేపనిని దీర్ఘకాలంపాటు చేయడం వంటివీ ఒత్తిడి కలిగించేవే. చిన్న విరామాలు తీసుకొని పాటలు వినడం, కాసేపు నడవడం వంటివి  చేయాలి. చిన్నపాటి వ్యాయామాలూ సహకరిస్తాయని అధ్యయనాలు చెబుతున్నాయి. ఆతృత, ఆందోళన, భావోద్వేగాల్లో మార్పులు, తిండిపై అనాసక్తి వంటి ఎన్నింటికో ఇదే పరిష్కారమట. రోజులో కొంత సమయం కేటాయిస్తే సరి.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి