Updated : 21/10/2021 06:14 IST

ఇవి నెలసరి సెలవులు  

‘నాకీ రోజు బాగాలేదు’.. ‘నీరసంగా ఉంది..’లాంటి కారణాలు చూపించి నెలకోసారైనా సెలవు పెడుతుంటాం. కానీ అసలు కారణమైన ‘నెలసరి’ గురించి చెప్పడానికి బిడియ పడుతుంటాం. మహిళలకెదురయ్యే ఈ ఇబ్బందిని అర్థం చేసుకున్న ‘స్విగ్గీ’ తన ఉద్యోగుల కోసం నెలకి రెండురోజుల నెలసరి సెలవుల్ని ప్రత్యేకంగా ఇస్తోంది. బిడియపడకుండా ఈ పీరియడ్‌ సెలవుల్ని తీసుకోవచ్చని చెబుతోంది. ‘మా మహిళా ఉద్యోగుల్లో 99 శాతం మంది 45ఏళ్ల లోపువారే. వాళ్ల సమస్యని అర్థం చేసుకునే ఈ ఏర్పాటు’ అంటున్న స్విగ్గీ డెలివరీలు తీసుకోవడానికి వెళ్లే రెస్టరంట్ల దగ్గర శుభ్రమైన వాష్‌రూమ్‌లు ఉండేటట్టు మరో ఫుడ్‌ డెలివరీ సంస్థ అయిన జొమాటోతో కలిసి ఏర్పాట్లూ చేసింది. మహిళలకు ఉద్యోగాలు ఇవ్వడంతో పాటు వారికోసం సౌకర్యాలు ఏర్పాటు చేయడం మంచి విషయమే కదూ!


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి