Breaking | Feedback | ePratibha | E-PAPER | Pratibha

మూడాఫ్‌కు ఆయింట్‌మెంట్‌

ఎప్పుడో ఒకసారి, కొద్దిసేపు మూడ్‌ పాడయితే ఫరవాలేదు. కానీ తరచుగా, అదీ గంటల తరబడి కొనసాగితే మటుకు ప్రమాదమే. ఆరోగ్యాన్నీ దెబ్బతీస్తుంది. ఈ విషయంలో మానసిక విశ్లేషకుల సూచనలు ఇవీ... మనసెందుకు వికలమైందో విశ్లేషించుకోండి. మీ ప్రమేయం లేకుండా ఎవరి వల్లో బాధ కలిగితే ఇలాంటివి మామూలే అని సర్ది చెప్పుకొని, వీలైనంత త్వరగా బయటపడండి.

Updated : 22 Oct 2021 12:59 IST

మనసెందుకు వికలమైందో విశ్లేషించుకోండి. మీ ప్రమేయం లేకుండా ఎవరి వల్లో బాధ కలిగితే ఇలాంటివి మామూలే అని సర్ది చెప్పుకొని, వీలైనంత త్వరగా బయటపడండి.

* ఆశావహంగా, ఆనందంగా ఉండేవాళ్లని తల్చుకోండి, మీ వేదన తగ్గిపోతుంది.

* మూడ్‌ బాగాలేదని ముడుచుకుపోయి దాన్ని జటిలం చేసుకోక కాసేపు వ్యాయామం చేయండి, హుషారొచ్చేస్తుంది.

* చాక్లెట్లు బ్యాడ్‌మూడ్స్‌ని క్షణాల్లో మారుస్తాయి.

* చక్కటి పాటలు వినండి, వచ్చినట్లుగా డ్యాన్స్‌ చేయండి, నచ్చినవాళ్లతో మాట్లాడండి. ఇవన్నీ అలజడి, ఆందోళనలను మాయం చేసేవే.

* పెంపుడు జంతువులుంటే కాసేపు వాటితో ఆడుకోండి. లేదంటే పక్షులకు ధాన్యం గింజలు వేసి, అవి తింటుంటే చూసి ఆనందించండి.

* మాటిమాటికీ మూడాఫ్‌ అవుతుంటే అందుక్కారణమైన వాళ్లని దూరం పెట్టండి.

* మూడాఫ్‌ చేసుకుని దిగులుపడితే నష్టమే తప్ప లాభం లేదు. కనుక దాన్నెలా పరిష్కరించుకోవాలో ఆలోచించండి. తట్టకపోతే ఆత్మీయులతో చర్చించండి. అదే మీ సమస్యకు లేపనం.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.