Breaking | Feedback | ePratibha | E-PAPER | Pratibha

మీరే మెంటార్‌ అయితే!

అబ్బాయిలతో సమానంగా అమ్మాయిలూ కార్పొరేట్‌ నిచ్చెనలపైకి ఎగబాకుతున్నారు. టీమ్‌ లీడర్లుగా సత్తా చూపుతున్నారు. మరి మీరు మెంటార్‌గా ఉండాల్సి వస్తే... ఎలా నడుచుకోవాలి?

Updated : 12 Nov 2021 05:43 IST

ఉన్నత స్థానాల్లో ఉన్నప్పుడు హోదాను ప్రదర్శించడం, అన్నీ నాకే తెలుసన్నట్లుగా వ్యవహరించడం సరికాదు. ఆత్మవిశ్వాసం అవసరం... దాన్ని అతిగా మార్చుకుంటే ప్రమాదం. కింది ఉద్యోగులకు మీ అనుభవాలే స్ఫూర్తి పాఠాలు కావాలి. ఇందుకు కెరియర్లో మీ ప్రతి అనుభవాన్నీ వారితో పంచుకోవడంలో తప్పు లేదు. అప్పుడే ప్రతికూల పరిస్థితుల్ని ఎదుర్కొనే మానసిక స్థైర్యం వారూ కూడగట్టుకోగలరు.

* కింది ఉద్యోగుల బాధ్యత తీసుకోవడమంటే.. అన్నీ విడమరచి చెప్పడమే కాదు.. వారితో సంబంధిత పనులూ చేయించాలి. నిర్ణయాలు తీసుకునే స్వేచ్ఛ ఇవ్వాలి. ఈ క్రమంలో జరిగే తప్పొప్పులను సరిదిద్దాలి. అప్పుడే సరిగ్గా అర్థం చేసుకోగలరు. ఉన్నతంగా ఎదగగలరు.

* సిబ్బంది సమస్యలను అర్థం చేసుకోవడానికి ప్రయత్నించండి. మీరు జోక్యం చేసుకోవాల్సిన సందర్భంలో మౌనంగా ఉండొద్దు. తరచూ వారితో మాట్లాడి ఇబ్బందులు తెలుసుకోండి. అప్పుడే స్నేహపూర్వక వాతావరణం పెరుగుతుంది.

* కొన్నిసార్లు కఠినంగా కూడా చెప్పాల్సి రావొచ్చు. అలాంటప్పుడు మొహమాటాలకు పోవద్దు. చూసీ చూడనట్లు వదిలేయొద్దు. అప్పుడే వారికి క్రమశిక్షణ, నేర్చుకోవాలన్న తపన అలవడతాయి.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.