Breaking | Feedback | ePratibha | E-PAPER | Pratibha

అమ్మాయిలకీ.. అమ్మలకీ బైజూస్‌ సెలవులు

Published : 17 Nov 2021 02:03 IST

నెలసరిలో ఇబ్బందిని పంటి బిగువన భరించేవారే ఎక్కువ. ఆ పరిస్థితిని అర్థం చేసుకుని మహిళలకు ప్రత్యేక సెలవులను ప్రకటిస్తూ స్విగ్గీ, జొమాటో వంటి సంస్థలు ఇప్పటికే ముందడుగు వేశాయి. ఇవి తమ మహిళా సిబ్బందికి ఏడాదికి 12, 10 రోజుల చొప్పున సెలవులు ప్రకటించాయి. ఆ నెలసరి ఇబ్బందిని అర్థం చేసుకున్న జాబితాలోకి బైజూస్‌ కూడా చేరింది. అయితే ఈ సంస్థ ఓ అడుగు ముందుకేసి పిల్లల రక్షణ సెలవుల్నీ జోడించింది. దీని ప్రకారం.. మహిళలకు ఏడాదికి 12 పిరియడ్‌ లీవ్స్‌తోపాటు 12 ఏళ్లలోపు పిల్లలున్నవారికి ఏడు అదనపు సెలవుల్నీ ఇవ్వనున్నారు. వీటిని ఒక్కసారే అయినా తీసుకోవచ్చు. ఒక్కోరోజు చొప్పున అవసరమైతే సగం రోజుల చొప్పునా తీసుకునే వీలు కల్పించింది. అంతేకాకుండా 26 వారాల జీతంతో కూడిన మాతృత్వ సెలవులకు అదనంగా 13 వారాలను జోడించారు. అయితే వీటికి చెల్లింపు ఉండదు. ఇదంతా వాళ్ల ఉద్యోగులకు ఆనందంగా, సౌకర్యవంతంగా పనిచేసే వాతావరణం కల్పించడం కోసమే అని బైజూస్‌ చెబుతోంది. వీటిని ఉద్యోగులకే పరిమితం చేయకుండా ట్రైనీలూ వినియోగించుకునే అవకాశం కల్పించింది. అమ్మాయిలే కాకుండా అమ్మల పరిస్థితినీ అర్థం చేసుకున్నారన్న మాట. అభినందనీయమే కదూ!

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.