Breaking | Feedback | ePratibha | E-PAPER | Pratibha

నేతృత్వానికి కావాలీ... నైపుణ్యాలు

కొందరమ్మాయిలకు ఉద్యోగంలో అర్హత, అనుభవం ఉన్నా నాయకత్వ అవకాశం రాదు. కెరియర్‌లో అభివృద్ధికి ఇది విఘాతమే. అయితే కొన్ని సామర్థ్యాలు, నైపుణ్యాలు లేకపోవడమూ కారణమవొచ్చు అంటున్నారు కెరియర్‌ నిపుణులు.

Updated : 29 Feb 2024 15:02 IST

బాధ్యతనెరిగి.. బృంద సభ్యురాలిగా ఉన్నప్పుడే సొంతంగా నిర్వర్తించాల్సిన బాధ్యతలను గమనించుకోవాలి. పని తీరుపై పూర్తిగా అవగాహన తెచ్చుకుంటేనే ఇది సాధ్యం. అప్పుడే సమస్యలకు మీరు పరిష్కారాలు చూపగలుగుతారు. తోటి బృంద సభ్యులకు మర్యాదనిస్తూ, వారి అభిప్రాయాలకు విలువనిస్తూ సాగాలి. అందరినీ కలుపుకుంటూ సాగడం అలవరచుకోవాలి. మీ హద్దుల్లో మీరుంటూనే పనులు చేయించగలగాలి.

సానుకూలంగా.. పనిచేసే చోట సానుకూలమైన వాతావరణాన్ని కల్పించాలి. అప్పుడే ఒత్తిడికి గురి కాకుండా పని పూర్తవుతుంది. ఎవరైనా సమస్యలను మీ ముందుంచితే పూర్తిగా వినాలి. వాటికి పరిష్కారాన్ని అందిస్తారనే నమ్మకాన్ని కలిగిస్తేనే మీపై నమ్మకం కుదురుతుంది. అందుకోసం కృషి చేయగలగాలి. తోటివారి సూచనలకు మీ సలహాలు, ఆలోచనలను జోడించి విజయవంతంగా ముందడుగు వేస్తే చాలు. ఉన్నత స్థాయికి చేరుకునే అర్హత మీకు వచ్చినట్లే.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.