ఉత్తమ ఉద్యోగి మీరే..
close
Published : 29/11/2021 01:27 IST

ఉత్తమ ఉద్యోగి మీరే..

బాస్‌తో శెభాష్‌ అనిపించుకోవాలి. ప్రమోషన్ల నిచ్చెన ఎక్కాలి. అన్నింట్లో అప్‌డేట్‌ కావాలి.. అని మీకుందా? అయితే ఈ చిట్కాలు పాటించండి.

* ప్రతి పనికి ప్రణాళిక వేసుకోండి. కొత్త విషయాలను నేర్చుకునేందుకు ఆసక్తి చూపండి. అవసరమైతే ఆన్‌లైన్‌ క్లాసులకు హాజరుకండి.

* సంస్థ అభివృద్ధికి జరిగే చర్చల్లో చురుకుగా పాల్గొనండి. అయితే ఏ విషయం గురించి చర్చ జరుగుతుందో దానికి సంబంధించి పూర్తి సమాచారాన్ని తెలుసుకోండి. మీరే సారథి అయితే మీ బృందాన్ని ఎల్లప్పుడూ ఉత్సాహంగా ఉండేలా చర్యలు తీసుకోండి. వారికి తగిన సహాయ సహకారాలు అందించండి.

* ఎదుటివారు చెప్పేది విన్న తర్వాతే మీరు చెప్పాల్సిన విషయం చెప్పండి. పరిస్థితులకు తగ్గట్లుగా మిమ్మల్ని మీరు మలుచుకోండి.

* సవాళ్లను సంతోషంగా, ధైర్యంగా స్వీకరించాలి. ఈ క్రమంలో కొన్ని అవరోధాలు ఎదురైనా ధైర్యంగా నిలబడాలి. కొన్నిసార్లు పరాజయం పలకరించినా బాధపడొద్దు. మరింత ఉత్సాహంతో ముందుకు అడుగులు వేయాలి. ఆపత్కాలంలో కూడా దృఢంగా నిలబడి ఇబ్బంది నుంచి బయట పడే మార్గాలను అన్వేషించాలి. విపత్కర పరిస్థితులు మిమ్మల్ని మరింత శక్తిమంతంగా మారుస్తాయని విశ్వసించాలి.

* రోజుకో కొత్త విషయం తెలుసుకోవాలి/నేర్చుకోవాలి. పుస్తక పఠనం ద్వారా జ్ఞానాన్ని పెంచుకోవాలి. మీకు తెలిసిన విషయాలను ఇతరులతో పంచుకోవాలి.


Advertisement

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి