కొత్త కొలువులో కుదురుకోవాలా?
close
Updated : 30/11/2021 06:21 IST

కొత్త కొలువులో కుదురుకోవాలా?

కళాశాల తర్వాత వెంటనే ఉద్యోగంలో చేరే అమ్మాయిలు రెండింటి మధ్యా తేడా చూసి కొంత ఇబ్బందిపడతారు. కొన్ని పొరబాట్లూ సహజమే. వీటి నుంచి తప్పించుకోవాలంటే ఈ విషయాలను ముందుగానే తెలుసుకోవాలి!

వాయిదా వద్దు.. తర్వాత చేద్దామనే భావన విద్యార్థుల్లో సహజమే. ఉద్యోగ విషయంలో ఇది పనికిరాదు. కాబట్టి పనులను వాయిదా వేయొద్దు. లేదంటే చివర్లో ఇబ్బంది పడతారు. పైగా ఒత్తిడి. ఆలస్యమైనా, తప్పు చేసినా వ్యతిరేక అభిప్రాయం ఏర్పడే ప్రమాదముంటుంది.

సామాజిక మాధ్యమాలు.. మొబైల్‌ దానిలో వాట్సాప్‌, ఫేస్‌బుక్‌, ట్విటర్‌, ఇన్‌స్టా సర్వసాధారణమయ్యాయి. విద్యార్థిగా ఉన్న స్వేచ్ఛ ఉద్యోగంలో ఉండదు. ఇక్కడ బాధ్యతలుంటాయి. వాటిని నిర్వర్తించాల్సిందే. పని ఏమీ లేదనిపిస్తే ఫోన్‌వైపు మళ్లడం, ఆ విశేషాలను సామాజిక మాధ్యమాల్లో పంచుకోవడం చేయొద్దు. కొత్త కాబట్టి, కాస్త వెసులుబాటు కల్పిస్తుండొచ్చు. చొరవ తీసుకుని నేర్చుకునే ప్రయత్నం చేయండి.

సాయం అవసరమమే.. సహోద్యోగులతో కలసిమెలసి ఉండాలి. పని విషయంలో సహాయాన్నీ అందించాలి. అయితే దీనికీ పరిమితి ఉండాలి. కొత్త అనో, మొహమాటం కొద్దో వీలు లేకపోయినా పనులన్నీ మీదేసుకోవద్దు. వీలైనప్పుడు చేయండి. ఏమాత్రం కుదరకపోయినా చెప్పేసేయండి. మొదట్లో అలవాటు చేసి తీరా ఎప్పుడైనా చేయలేకపోతే నెగెటివ్‌ అభిప్రాయం రావచ్చు. ముందు నుంచే చేయలేని స్థితినీ అలవాటు చేస్తే భవిష్యత్‌లో సమస్యలుండవు.

పరిసరాలు పరిశుభ్రంగా... ఆఫీసు డెస్క్‌లో మీరు కూర్చొనే చోటు శుభ్రంగా చక్కగా ఉండేలా చూసుకోవాలి. వస్తువులన్నింటినీ టేబుల్‌పై పరిచేయొద్దు. ఎప్పటికప్పుడు సర్దుకోవాలి.

వీరికి దూరంగా.. కొందరు సహోద్యోగులు నెగెటివ్‌ భావాన్ని కలిగిస్తుంటారు. అలాంటి వారికి వీలైనంత దూరంగా ఉండటం మేలు. పని విషయంలో తప్పనిసరి అయితే తప్ప దూరం పాటించడమే మేలు.


Advertisement

మరిన్ని

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని