Breaking | Feedback | ePratibha | E-PAPER | Pratibha

ఈ తరహా స్నేహాలు వద్దు...

జీవితంలో ఎదురయ్యే సమస్యలకు చాలాసార్లు స్నేహితులిచ్చే చేయూతే పరిష్కారాన్ని చూపిస్తుంది. స్నేహం పేరుతో మన పతనాన్ని కోరుకునే వాళ్లకీ కొదవ లేదు. ఇలాంటి వాళ్లకి మాత్రం దూరంగా ఉండాలి. మరి వారిని గుర్తించడమెలా అంటారా? ఇదిగో ఇలా!

Updated : 01 Dec 2021 05:36 IST

ఏదైనా కష్టమైన, ఛాలెంజింగ్‌గా ఉండే పనుల్ని పూర్తిచేసినప్పుడు నిజమైన స్నేహితులు అభినందిస్తారు. అలాకాకుండా వారిలో అసూయ కనిపిస్తే మాత్రం ఆ స్నేహాన్ని నమ్మొద్దు. మీ అభివృద్ధిని కోరుకోలేని వారు మిత్రులు కాలేరు.

* మీ జీవిత లక్ష్యాలు, కలలను నిజమైన స్నేహితులైతే ప్రోత్సహిస్తారు. వీలైతే సాయం చేయడానికీ ముందుకొస్తారు. నిరుత్సాహపరుస్తూ, ఇది నీవల్ల కాదంటూ వెనకడుగు వేసేలా చేస్తే మాత్రం హితులు కానట్లే. వీళ్లకి దూరంగా ఉండాలి.

* సాయం అవసరమైనప్పుడు మొహం చాటేసి, సాధించినపుడు పక్కన చేరేవాళ్ల వల్ల ఉపయోగమేమీ ఉండదు. మీకోసం సమయాన్ని వెచ్చించకుండా, వారికి అవసరమైనప్పుడు మాత్రం మీ చేయూత కోసం చూసే వారినీ నమ్మొద్దు.

* స్నేహితులంటే.. మీరు చెప్పిన ప్రతి దానికీ ఊ కొట్టనక్కర్లేదు. కానీ కనీసం చెప్పేది వినాలి కదా! దీనికితోడు నలుగురిలో ఎప్పుడూ విమర్శిస్తున్నా, వెనుక చెడుగా మాట్లాడుతున్నా.. అలాంటివాళ్లని దూరం పెట్టడంలో తప్పులేదు. ఇతరులతో అమర్యాదగా ప్రవర్తించే వారి స్నేహమూ వద్దు. ఆ చెడ్డపేరు మీకూ వస్తుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.