Breaking | Feedback | ePratibha | E-PAPER | Pratibha

ప్రతికూల ఆలోచనలకు చెక్‌

పని పెరిగినా, ప్రాధాన్యం తగ్గినా.. నెగెటివిటీ, చిన్న విషయాలే పెద్దగా కనిపిస్తాయి. ఇది అనారోగ్యకరమే. ఇవి మరీ పెరిగితే పతనానికి దారితీస్తాయి. కొన్ని మంచి లక్షణాలను అలవాటు చేసుకుంటే వీటి నుంచి బయటపడొచ్చు.

Published : 04 Dec 2021 00:47 IST

మాట, ఆలోచన... అన్నీ సానుకూలంగా ఉండేలా చూసుకోండి. అలాగే ఉండటానికి ప్రయత్నించండి. మిమ్మల్ని సంతోషంగా ఉంచే పనులు చేయండి. అభిరుచులకు మెరుగులు దిద్దండి. రోజూ తప్పనిసరిగా కాసేపు ధ్యానం చేసినా ఫలితం ఉంటుంది. రోజులో కొద్దిసేపు కుటుంబానికి కేటాయించండి. మనసు హాయిగా, తేలికగా ఉంటుంది. సామాజిక మాధ్యమాల్లోనూ నెగెటివిటీకి దూరంగా ఉండండి.

క్షమించేయండి... కోపం ఎదుటివారి కంటే మనకు చేసే చేటే ఎక్కువ. వీలైతే క్షమించడం నేర్చుకోండి. ఆపదలో ఉన్నవారికి సాయం చేయండి. మనసులోని బాధ, ప్రతికూల భావనలు తగ్గి సంతోషం కలిగించే గొప్ప మార్గమిది. కాబట్టి అవసరమైన వారికి స్నేహపూరిత హస్తం అందించడానికి సిద్ధంగా ఉండండి.

వ్యాయామం.. తప్పకుండా ఓ గంట చేయాలి. వాయిదా వేయొద్దు. నృత్యం, జిమ్‌లో వర్కవుట్లు, యోగా... ఇలా నచ్చిన దాంట్లో దేన్నైనా ఎంచుకోవచ్చు. వ్యాయామంతో సంతోషాన్నిచ్చే ఎండార్ఫిన్లు విడుదల అవుతాయి. ఇవి మానసిక స్థితిని మెరుగుపరుస్తాయి. శరీరమూ ఫిట్‌గా ఉంటుంది.

గాసిప్స్‌కి నో.. వీటికి ఎంత దూరంగా ఉంటే అంత మంచిది. వీటివల్ల ఎదుటి వారికేమో కానీ మీ మనసు, మెదడు రెండూ అనారోగ్యంగా మారతాయి. ఇవన్నీ పాటించి చూడండి. సంతోషం మీ చెంత చేరుతుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.