చదువొక్కటే చాలదు!
కష్టపడి చదవడం అనగానే అమ్మాయిలే ఎక్కువ గుర్తొస్తారు. కానీ ఎంత మంచి పర్సంటేజీలు సాధించినా కొందరు ఉద్యోగాల విషయానికొచ్చేసరికి వెనుకబడుతుంటారు. కారణమేంటి అంటే.. ప్రాక్టికల్‌ పరిజ్ఞానం లేకపోవడమే అంటున్నారు నిపుణులు. సాయపడే సూచనలిస్తున్నారిలా..!
కష్టపడి చదవడం అనగానే అమ్మాయిలే ఎక్కువ గుర్తొస్తారు. కానీ ఎంత మంచి పర్సంటేజీలు సాధించినా కొందరు ఉద్యోగాల విషయానికొచ్చేసరికి వెనుకబడుతుంటారు. కారణమేంటి అంటే.. ప్రాక్టికల్‌ పరిజ్ఞానం లేకపోవడమే అంటున్నారు నిపుణులు. సాయపడే సూచనలిస్తున్నారిలా..!
* పుస్తకం బోలెడు సమాచారాన్ని అందిస్తుంది. కానీ దాని ఉపయోగం నిజజీవితంలో ప్రయత్నిస్తేనే కదా తెలిసేది! ఇదేమో అన్ని సార్లూ సాధ్యం కాదు. అందుకే మెంటార్లను ఏర్పరచుకోవాలి. లెక్చరర్లు, పరిశ్రమలో నిలదొక్కుకున్న వాళ్లు ఇలా ఎవరినైనా మెంటార్‌గా ఎంచుకోవచ్చు. వీళ్ల అనుభవం, ఒక్కో పరిస్థితిని ఎలా ఎదుర్కొన్నారు వంటివన్నీ మీకు పాఠాలే. ్య కెరియర్‌లో ముందకెళ్లడానికి అదే రంగంలోని వారితో స్నేహం మామూలే. కానీ వేరే రంగాల వారితోనూ మాట్లాడాలి. కొత్త విషయాలు తెలుస్తాయి. ఆలోచనా పరిధీ పెరుగుతుంది. ఒక విషయాన్ని భిన్న కోణాల్లో ఆలోచించడమెలాగో అర్థమవుతుంది. అయితే ఎక్కువగా వినడానికి ప్రాధాన్యమివ్వాలి.
* చాలావరకూ ప్రాజెక్టు, డిబేట్‌ వగైరా ఉంటే.. బాగా తెలిసిన అంశాన్ని ఎంచుకుంటాం. ఈసారి కష్టమైన దాన్ని ప్రయత్నించండి. రిస్క్‌ అనుకోవద్దు. విద్యార్థి దశలో రిస్క్‌ తీసుకోకపోతే ఇంకెప్పుడు తీసుకుంటారు? తెలియని అంశం మీ సామర్థ్యానికి సవాలు లాంటిది. ఇక్కడ ఆ విషయాన్ని తెలుసుకోవడమే కాదు.. తెలుసుకునే క్రమంలో దాటిన దశలు, పరిచయాలు.. అన్నీ కెరియర్‌ను ముందుకు నడిపేవే.
* అమ్మాయిలు అనేసరికి ఎక్కడికైనా పంపాలంటే కంగారు. దీంతో ఇంటర్న్‌షిప్‌, ప్రాజెక్టు వంటివన్నీ తెలిసిన వాళ్ల ద్వారా ఇప్పించడమో, దగ్గరుండి తీసుకెళ్లడమో చేస్తుంటారు. జాగ్రత్త మంచిదే! అయితే అది మిమ్మల్ని బంధించేయకూడదు. ప్రయత్నమేదైనా సొంతంగా చేయండి. కొత్త ప్రాంతంలో ఇంటర్న్‌షిప్‌ ప్రయత్నించండి. కొత్త మనస్తత్వాలు, అన్ని పనులూ సొంతగా చేసుకోవాల్సి రావడం వంటివన్నీ తెలుస్తాయి.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
