Published : 22/04/2021 00:28 IST

మాట పొదుపుగా...!

మనసుల్ని కలపాలన్నా, దూరం చేయాలన్నా...ఆ శక్తి మాటకి మాత్రమే ఉంది. ఆలుమగల అనుబంధంలో ఈ విషయంలో మరింత జాగ్రత్తగా ఉండాలి. ఎందుకంటే...
జీవితంలో పొరబాట్లు జరుగుతూనే ఉంటాయి. వాటిని సరిదిద్దుకోవాల్సిన బాధ్యత ఇద్దరి మీదా ఉంటుంది. అలాకాకుండా తప్పెప్పుడూ ఎదుటివారిదే ఉంటుందన్నట్లు సూటిమాటలు మాట్లాడటం సరికాదు. దీనివల్ల అసలు విషయం పక్కకెళ్లి వాదనలు మొదలవుతాయి. ఒకవేళ అవతలివారే పొరబాటు చేశారన్నా కూడా...సరిదిద్దుకునే అవకాశం ఇవ్వాలి.
* పెళ్లి అనే బంధంతో ఒక్కటయిన భార్యాభర్తల అభిప్రాయాలూ వేర్వేరు కావొచ్చు. కానీ అవతలివారు చెప్పేదాన్ని పూర్తిగా విని అర్థం చేసుకోవడానికి ప్రయత్నించండి. లేదంటే...మీరెలా అపార్థం చేసుకుంటారోనని చెప్పడమే మానేయొచ్చు. దీనివల్ల ఇద్దరి మధ్యా ఒకలాంటి నిస్తేజం ఆవరిస్తుంది. మనసులోని మాటను స్పష్టంగా చెబితే ఇలాంటి అసంతృప్తులకు దూరంగా ఉండవచ్చు.
* కొంతమంది సహజంగానే దురుసుగా మాట్లాడుతుంటారు. నలుగురిలోనూ ఇలా మాట్లాడే మాటలు మీ భాగస్వామి మనసుని నొప్పించొచ్చు. క్రమంగా మీ మధ్య దూరం పెరగడానికి ఇదే కారణం కావొచ్చు. అందుకే ఈ పరిస్థితి అడ్డుకట్ట వేయడానికి అభిప్రాయాల్ని చెప్పాల్సి వచ్చినప్పుడు ఓ పుస్తకంలోనో, చీటీలోనో రాయడం అలవాటు చేసుకోండి. దీనివల్ల క్రమంగా మీ క్షణికావేశాన్ని తగ్గించుకోగలుగుతారు.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని