ఇంటి నుంచే రూ.కోట్లు!
దేన్నైనా ఆడుతూ పాడుతూ చేయడం రుచికి అలవాటు. ఖాళీ దొరికితే బొమ్మలు చేయడం, పెయింటింగ్ వేయడం తన వ్యాపకాలు. ఉద్యోగంలోకి అడుగుపెట్టాక వాటికి సమయమే దొరికేది కాదు. జీవితం నిస్సారంగా అనిపించడంతో దాన్నుంచి బయటపడాలనుకుంది. తను నిఫ్ట్ ముంబయి నుంచి ఫ్యాషన్ డిజైనింగ్లో డిగ్రీ చేసింది. టాటా వెస్ట్సైడ్, స్పెన్సర్స్ సంస్థల్లో ఏడేళ్లు పనిచేసింది.
పెద్ద సంస్థల్లో ఉద్యోగం..
డిజైనర్గా ఏళ్ల అనుభవం.. ఆకర్షణీయమైన జీతం. ‘కానీ ఇందులో నా ప్రత్యేకత ఏముంది?’ ఈ ప్రశ్న ఆమెను వేధించేది. దీంతో ఉద్యోగానికి స్వస్తి పలికి సృజనాత్మకతకు పని చెప్పింది. ఇప్పుడదే కోట్ల వ్యాపారమైంది. రుచీవర్మ వ్యాపార ప్రయాణమిది
దేన్నైనా ఆడుతూ పాడుతూ చేయడం రుచికి అలవాటు. ఖాళీ దొరికితే బొమ్మలు చేయడం, పెయింటింగ్ వేయడం తన వ్యాపకాలు. ఉద్యోగంలోకి అడుగుపెట్టాక వాటికి సమయమే దొరికేది కాదు. జీవితం నిస్సారంగా అనిపించడంతో దాన్నుంచి బయటపడాలనుకుంది. తను నిఫ్ట్ ముంబయి నుంచి ఫ్యాషన్ డిజైనింగ్లో డిగ్రీ చేసింది. టాటా వెస్ట్సైడ్, స్పెన్సర్స్ సంస్థల్లో ఏడేళ్లు పనిచేసింది. సొంతంగా ఏదైనా చేయాలని 2020లో ‘ఆరువి రుచి వర్మ’ బ్రాండ్ని మొదలుపెట్టింది. రూ.2.5 లక్షలతో ప్రారంభమైన తన వ్యాపారం ఏడాదిలోనే రూ.1.8 కోట్లకు చేరుకుంది.
‘చదువవ్వగానే ఉద్యోగం. పెద్ద సంస్థలు, తోటి అమ్మాయిలు అసూయపడే జీతం. కానీ ఈ 9-5 గంటల జీవితంలో నా వ్యాపకాలు, సృజనాత్మకత పక్కకు వెళ్లిపోయాయి. ఏదైనా ప్రయత్నిద్దామనుకున్నా సమయమేది? సొంత వ్యాపారానికేమో అనుభవం లేదు. బిహార్లోని ఓ చిన్న పట్టణం నుంచొచ్చా. త్వరపడి ధైర్యం చేయలేను. అయినా ఆలోచన మానలేదు. ఓసారి ఆన్లైన్లో ఏదో కొంటోంటే భిన్న డిజైనర్ల వస్త్రాలు ఒకేచోట దొరుకుతున్నాయి కదా.. నేనూ ప్రయత్నిస్తే అన్న ఆలోచన తట్టింది. వెంటనే చాలా అధ్యయనం చేశా. అయినా తెలియని భయం. అసలు వ్యాపారం మొదలుపెట్టడమెలా అని గూగుల్లో వెతికా. కంపెనీ రిజిస్టర్ చేయడం దగ్గర్నుంచి టాక్స్, మార్కెటింగ్.. ఇలా ఒక్కోదాని గురించీ నేర్చుకున్నా. అంతే ఉద్యోగానికి రాజీనామా చేశా. నా నిర్ణయం విన్నప్పుడు ఇంట్లోవాళ్లు నిరాశపడ్డారు. మంచి ఉద్యోగాన్ని వదులుకోవద్దన్నారు. నష్టాలు తట్టుకోలేనన్నారు. నేను వినలేదు. నా సంస్థలో నేనొక్కదాన్నే. ఇంట్లో కంప్యూటర్పై డిజైన్ చేసి, బయట కుట్టిచ్చేదాన్ని. గర్భిణులకు పెద్దగా డిజైన్లు దొరకవు కాబట్టి, వాళ్లపై దృష్టిపెట్టా. ఒకటి బాగుందనుకున్నాక పెద్ద సంఖ్యలో కుట్టించా. వాటిని అమెజాన్, మింత్రా, ఫ్లిప్కార్ట్ వంటి ఆన్లైన్ వేదికల్లో ఉంచా. 24 గంటల్లోనే మొదటి ఆర్డర్ వచ్చింది. ఇక వెనుతిరిగి చూసుకోలేదు. ప్రతివారం కొత్త డిజైన్లు తెస్తుంటా. స్వల్పవ్యవధిలోనే వ్యాపారం రూ.కోటిని దాటింది. ఈ ఏడాది ఇప్పటికే రూ.3 కోట్ల వ్యాపారం జరిగింది. ఏడాది చివరికి రూ.5కోట్లకు చేరుకుంటా. ఇదంతా ఇంటి నుంచే’ అని సంబరంగా చెబుతోంది రుచి. ఈ మధ్యే క్యాజువల్ వేర్పైనా దృష్టిపెట్టింది. చేయలేవేమో అన్నవారే ఇప్పుడామెను ఇంటి నుంచి భలే సంపాదిస్తున్నావంటూ అభినందిస్తున్నారు. ‘కలను సాకారం చేసుకోవడానికి వెనకాడొద్దు. ప్రయత్నించాలే కానీ అవకాశాలు బోలెడు’ అనే చెప్పే ఈ 34 ఏళ్ల అమ్మాయి.. వ్యాపారం మనవల్ల కాదు అనుకునే ఎంతోమందికి తన కథ స్ఫూర్తిగా నిలిస్తే చాలంటోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- అడ్డిగ... అందాల నగ!
- వేసవిలో ట్యాన్ సమస్య తగ్గాలంటే..!
- ఇలా చేస్తే.. అందం తగ్గదు..!
- నాకు ఏ క్రీమ్?
- స్ట్రెచ్ మార్క్స్.. తగ్గట్లేదా..?
ఆరోగ్యమస్తు
- వసంతంలో ఆరోగ్య జాగ్రత్తలు..!
- అందుకే వీటిని ఇలా తీసుకోవాలట..!
- ప్రెగ్నెన్సీ.. ఈ జాగ్రత్తలు పాటిస్తున్నారా?
- ఉత్తేజంగా మారాలంటే..!
- రక్తహీనత తగ్గించే బీట్రూట్!
అనుబంధం
- ఒక మెట్టు దిగితే చాలు...
- ఆ అమ్మాయితో ఆ చాటింగ్.. ఆయన్ని నమ్మలేకపోతున్నా..!
- అలా చదివితే మేలే...
- చిన్నవే... చక్కదిద్దుతాయి!
- యుక్త వయసు నుంచీ...!
యూత్ కార్నర్
- అప్పుడు ఫ్యాన్... ఇప్పుడందరి ఫేవరెట్!
- భూగోళాన్ని చుట్టేస్తానంటోంది!
- దాంతో మాట్లాడుతుంటే మతి పోయిందనేవాళ్లు!
- ఎరీ... ఆ ఊరి పట్టు..!
- అందరికీ నచ్చేవి.. నాకు నచ్చవు.. ఎందుకిలా?
'స్వీట్' హోం
- రిస్క్ లేకుండా దాచేద్దాం!
- వేసవిలో ఇల్లు చల్లగా...
- పుల్లటి పెరుగుతో.. పెరిగే రుచి!
- కళ్లు తిరిగే కార్పెట్లు...
- ఆ చోటు గుర్తిస్తే చాలు...
వర్క్ & లైఫ్
- పనికి ‘బ్రేక్’ వేయండి!
- మీకు ‘ట్రావెలింగ్’ అంటే ఇష్టమా..?
- ఇవి టైంపాస్ కోసమే కాదు.. సంపాదనకూ..!
- మారాలని గట్టిగా అనుకోండి!
- Samantha: చిన్న చిట్కాలతోనే 45 కిలోల బరువు తగ్గా..!