గ్రేవీలో నూనె ఎక్కువైందా?

వంటిల్లనే ప్రయోగశాలలో మహిళలు కొత్తవి కనిపెడుతూనే ఉంటారు. కొన్ని సార్లు పొరపాట్లు జరుగుతుంటాయి. మరి వాటిని సరిదిద్దుకుని వంటల రుచులను పెంచుకోవడం ఎలానో చూడండి...
వంటకాల్లో నూనె/ నెయ్యి ఎక్కువైతే దాన్ని కాసేపు ఫ్రిజ్‌లో పెట్టండి. అప్పుడు నూనె గ్రేవీపై పేరుకుంటుంది. ఇంకేముంది దాన్ని గరిటెతో సులభంగా తొలగించవచ్చు.
* పకోడీలు కరకర లాడకపోతే బజ్జీల పిండిలో ఒకట్రెండు చెంచాల బియ్యప్పిండి కలిపి చూడండి.
* సెనగలను ఉడికించిన నీటిని పారబోయకుండా చపాతీ పిండి తడపడానికి వాడొచ్చు.
* సేమ్యా హల్వా మరింత రుచిగా రావాలంటే చెంచా సెనగపిండి కలపాలి.  
* ఖీర్‌, పాయసం లాంటివి చేసేటప్పుడు చిటికెడు ఉప్పు కలిపితే రుచి పెరుగుతుంది.
* అన్నం అడుగు అంటకుండా ఉండాలంటే దానిలో చెంచా నెయ్యి, కొన్ని చుక్కల నిమ్మరసం కలిపితే సరి. అన్నం తెల్లగా, పొడిపొడిగానూ అవుతుంది.
* గ్రేవీ రుచి పెరగాలంటే... మసాలా దినుసులను వేయించేప్పుడు అర చెంచా చక్కెర జత చేసి చూడండి. చక్కటి రంగుతోపాటు రుచి రెండింతలవుతుంది.