సంవత్సరానికి పెద్ద పండుగ సంక్రాంతి. పిల్లలు, పెద్దలు కలసి ఆనందంగా జరుపుకునే చక్కని సంబరాల వేడుక. మా పుట్టింటి వారితో, అత్తింటి వారితో సంతోషంగా గడుపుతాము. ముఖ్యంగా భోగి రోజున పొద్దున్నే లేచి భోగి మంటలు వేసి, అందరం తలంటు స్నానం చేసి కొత్త బట్టలు వేసుకుని బొమ్మలు పెడతాము. ఆమ్మ చేసిన పులగం నివేదన, పిల్లలకు భోగి పళ్ళు, సందె గొబ్బెమ్మలు, బొమ్మల పేరంటం ఆబ్బో చెప్పలేని హడావిడి ఆంతా భోగి రోజే. ఇక సంక్రాంతి రోజు పిండివంటలతో పెద్దలం బిజీ, గాలిపటాలతో పిల్లలు బిజీ. మకర సంక్రమణం రోజున సూర్యారాధన తప్పక చేస్తాము. అందరూ బాగుండాలని కోరుకుంటూ ఈసారికి కొవిడ్ కారణంగా ఎక్కడివాళ్ళం అక్కడే సంతోషంగా పండుగ జరుపుకుంటాము.
నాగ శ్రీ అపర్ణ
