Published : 19/04/2021 00:56 IST

ఉప్పులోనూ రకాలున్నాయ్‌!

వంటకానికి రుచి రావాలంటే తగినంత ఉప్పు పడాల్సిందే. ఈ మధ్య ఇందులో బోలెడు రకాలు లభిస్తున్నాయి. అవేంటో, వాటి ప్రయోజనాలేంటో తెలుసుకుందామా?

హిమాలయన్‌ పింక్‌ సాల్ట్‌... : ఇది లేత గులాబీ, కాషాయం కలగలిసిన వర్ణంలో కనిపిస్తుంది. ఐరన్‌ ఆక్సైడ్‌ ఎక్కువగా ఉండటం వల్ల ఈ రంగులో ఉంటుంది. సాధారణ ఉప్పులో ఉండే సోడియం ఇందులో తక్కువ. ఆరోగ్యరీత్యా సాల్ట్‌ తక్కువ తినేవారు దీన్ని ఎంచుకుంటే మేలు. సూప్‌లు, సలాడ్లలో ఈ ఉప్పును ఎక్కువగా వినియోగిస్తారు.
సెల్జిక్‌ సాల్ట్‌... లేత బూడిద రంగులో ఉండే ఈ ఉప్పు మొదట వాడకంలోకి వచ్చింది ఫ్రాన్స్‌లో. కాస్త తేమ కలిగి ఉంటుంది. సాధారణ ఉప్పుతో పోల్చితే దీనిలో ఖనిజాల గాఢత, సోడియం తక్కువే కానీ వంటకాలకు రుచిని మాత్రం పెంచుతుంది.
నల్ల ఉప్పు: ఇనుము, ఇతర ఖనిజాలు ఉండటం వల్లే దీనికా పేరు. వేడి చేస్తే లేత రంగులో కనిపిస్తుంది. ఛాట్‌, పానీపూరి వంటి స్నాక్స్‌ తయారీలో ఎక్కువగా వాడతారు.
సీ సాల్ట్‌: రంగు, రుచిలోనూ ఇది అచ్చం మన ఉప్పులానే ఉంటుంది. ఇందులో ఖనిజాలు ఎక్కువ. దీన్ని సాధారణంగా సాస్‌లు, మసాలాలు, గ్రేవీల్లోనూ వేస్తారు.
కోషెర్‌ సాల్ట్‌... ఇది కాస్త ముతకగా ఉంటుంది. ఆహారపదార్థాలు నిల్వ చేయడానికి దీన్ని వేపుళ్లలో, గ్రిల్‌ వంటకాల్లో విరివిగా ఉపయోగిస్తారు.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి