ఆ అమ్మదే అసలైన విజయం
అనారోగ్యాలను అధిగమించి విజయం సాధించడం పెద్ద విశేషం కాదనిపిస్తుంది, ప్రణవ్ బక్షీ గురించి విన్నప్పుడు. అతను తన చెప్పుచేతల్లో ఉండని ఆటిజాన్నే ఎదిరించాడు మరి. అలాంటి వైకల్యం ఉన్నా సూపర్
అనారోగ్యాలను అధిగమించి విజయం సాధించడం పెద్ద విశేషం కాదనిపిస్తుంది, ప్రణవ్ బక్షీ గురించి విన్నప్పుడు. అతను తన చెప్పుచేతల్లో ఉండని ఆటిజాన్నే ఎదిరించాడు మరి. అలాంటి వైకల్యం ఉన్నా సూపర్ మోడల్గా ఎదిగి ఆశ్చర్యపరిచాడు. ఇది నమ్మశక్యం కాని నిజం. దీని వెనుక అతని తల్లి అనుపమా బక్షి ఎనలేని శ్రమ, నిరంతర కృషి ఉన్నాయి...
21 సంవత్సరాల క్రితం సరిగ్గా ఇదే నెలలో ఒక అందమైన పిల్లాడికి జన్మనిచ్చింది అనుపమ. ప్రణవ్ పుట్టింది మొదలు ఆరోగ్య సమస్యలే. ప్రతి నిత్యం వైద్యులను సంప్రదిస్తూ చికిత్స చేయించేది. స్పష్టంగా మాట్లాడలేడు. తిన్నగా చూడలేడు. మనుషుల్నీ వస్తువుల్నీ గుర్తించలేడు. అకారణ విషయాలకు విపరీతంగా స్పందిస్తాడు. ఇతరుల మాటలను బిగ్గరగా పదేపదే వల్లిస్తుంటాడు. రెండేళ్ల వయసులో బుద్ధిమాంద్యతగా (ఆటిజం) తేలింది. అది విని అనుపమ విషాదంలో కూరుకుపోలేదు. ఆటిజం గురించి క్షుణ్ణంగా చదివి తెలుసుకుంది. దాన్నుంచి ఎలా బయటకు తేవచ్చో ఆలోచించింది. ‘కొడుకు సంతోషంగా ఉండాలి, ఎక్కడా భంగపడకూడదు’ అనుకుంది. ఐదేళ్ల వయసులో ప్రణవ్ ప్రవర్తనలో సమస్యలు తలెత్తాయి. ‘ఉన్న పరిస్థితికి బాధపడకూడదు, డీల్ చేయడం నేర్చుకోవాలి’ అంటూ పదేపదే చెప్పేది. స్పీచ్ థెరపీ ఇప్పిస్తూ, అవసరమైన చికిత్సలన్నీ చేయిస్తూ, నిరంతరం ధైర్యం చెప్పేది. ప్రోత్సహించేది. కొడుకు కోసం తల్లి, సోదరి, సోదరులతో ఒక సమాంతర ప్రపంచాన్ని సృష్టించింది. ఘోరమైన సమస్యలతో వాళ్లు అనుభవించే వేదన, సందర్భానికి తగిన నిర్ణయాలు తీసుకోవడం లాంటివన్నీ విడమర్చి చెప్పేది. అర్థమయ్యేలా ఓర్పుగా బోధపరిచేది. ఇలాంటి సామాజిక ఇతివృత్తాలు, భావోద్వేగాల విన్యాసాలూ వ్యాయామాలూ ప్రణవ్ మీద బాగానే పనిచేశాయి.
అతను ఎదిగే క్రమంలో ఎన్నో సవాళ్లు ఎదుర్కొన్నాడు. కానీ తల్లి తర్ఫీదులో, ఆమె కల్పించిన ఆరోగ్యకరమైన వాతావరణంలో తన సమస్యలను అధిగమించగలిగాడు. ఇప్పుడతన్ని ఏవీ, ఎప్పుడూ ఇబ్బందిపెట్టడంలేదు. సుఖంగా, సౌఖ్యంగా జీవించే శక్తియుక్తులను అలవరచుకోగలిగాడు. బుద్ధిమాంద్యత ఉన్నప్పటికీ ప్రణవ్లో చిన్నతనం నుంచీ సృజనాత్మకత కనిపించేది. సంగీతమంటే ఇష్టం, బొమ్మలంటే మక్కువ. వక్తగా వేదిక ఎక్కుతాడు. గోల్ఫ్ ఆడతాడు. ఫొటోలు తీస్తాడు. ప్రయాణాలిష్టం. ఈ సరదాలన్నీ ఒక ఎత్తయితే తొలిసారి బెంగళూరు సిటీ మాల్లో 500 మందితో పోటీలో నెగ్గి ర్యాంప్ వాక్ చేశాడు. అలా మోడలింగ్ ప్రారంభించాడు. ఇక ఇప్పుడు సూపర్ మోడల్గా ఎదిగి కితాబులందుకుంటున్నాడు. ఆ విజయమంతా తెర వెనుకనున్న అతని తల్లిదే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ఫోనుకో క్యూట్ లుక్!
- ఈ గింజలతో అందంగా మెరిసిపోదాం!
- చెమట ఎక్కువగా పడుతోందా?
- జోరుమీదున్నాయి... జిప్ నగలు!
- స్పోర్ట్స్ బ్రా.. ఎలా ఎంచుకోవాలి?
ఆరోగ్యమస్తు
- పురుటినొప్పులు మగవారికి కూడా..!
- కండరాల బలానికి వశిష్ఠాసనం..!
- మీ కోసమే ఈ ‘ఎవ్రీథింగ్’!
- ఆహారంలో ఇవి ఉన్నాయా?
- ఈ అలవాట్లు మార్చుకుంటే.. కాలేయం పదిలం!
అనుబంధం
- నేనంటే ప్రాణమంటోంది.. కానీ!
- ‘ఇంటి నుంచి వెళ్లిపో’ అంటున్నాడు..!
- అపరాధ భావం లేకుండా...
- గర్భస్రావం అయ్యాక..!
- సీత... ఎప్పటికీ వాళ్ల పెద్ద కూతురే!
యూత్ కార్నర్
- Japnit Ahuja : మాతృభాషలో కోడింగ్ పాఠాలు!
- తల్లి పారిశుద్ధ్య కార్మికురాలు... కూతురు అగ్నివీర్!
- UPSC Results : సంకల్ప బలంతో సాధించారు!
- గెలుపు కథ రాసుకున్నారు!
- అమ్మాయిలు...అదరగొట్టేశారు!
'స్వీట్' హోం
- చూయింగ్ గమ్ని వదిలించాలంటే..!
- వంటిల్లు పొందిగ్గా
- మామిడి పండు ఇడ్లీలు!
- ఎంబ్రాయిడరీతో రామకథ!
- వార్డ్రోబ్.. సువాసనభరితంగా!
వర్క్ & లైఫ్
- ప్రయాణాల కోసం ‘సోప్ పేపర్’!
- నెలసరి కాలుష్యం లేకుండా!
- నిండైన నీల లత అందం!
- ఇంటికో సీతమ్మ తల్లి!
- ముందున్నాం..!