Updated : 10/05/2021 00:58 IST

మనసు విప్పి మాట్లాడండి

కొంతమంది తమ మనసులో ఏమున్నా బయటపడరు. జీవిత భాగస్వామి ఏమనుకుంటారో, ఎలా స్పందిస్తారో అనుకుని, తమ అభిప్రాయాలను వెలిబుచ్చరు. దాంతో అవతలివారి మనసులో ఏముందో తెలియక ఎవరికి వారే యమునా తీరులా బతికేస్తారు. ఇది సరి కాదు. దాంపత్య జీవితం సంతోషంగా ఉండాలంటే...
* భాగస్వామి ఏదైనా మాట్లాడుతుంటే కొంతమంది వంత పాడతారు లేదా మౌనంగా ఉండిపోతారు. ఈ రెండూ సరైనవి కావు. ఎదుటివారికి మంచేదో చెడేదో తెలియజేయాలి. లేకపోతే వారు చేసేదే రైట్‌ అనుకుని తప్పులు చేసే అవకాశముంది.
* భార్య/భర్త చేసే పని చిన్నదా, పెద్దదా అని ఆలోచించకండి. తను వేసే ప్రతి అడుగులో నేనున్నానని ప్రోత్సహించాలి.
* మీ ఇష్టాలు, అభిరుచులను భాగస్వామితో పంచుకోవాలి. అప్పుడే మీకు ఏం కావాలో తనకు తెలుస్తుంది. దాన్ని బట్టి ఏం కొన్నా, ఏంచేసినా ఇద్దరికీ నచ్చేరీతిలో ఉంటాయి. దాంతో ఇద్దరి మధ్యా అనుబంధం పెరుగుతుంది.
* కొంతమంది తమకి ఏదైనా కష్టం వస్తే, అది మనసులోనే పెట్టుకుని సతమతమవుతారు. ఎదుటివారిని ఒత్తిడి గురి చేయడం ఎందుకని  చెప్పకుండా దాచేస్తారు. ఇలాంటివే తర్వాత గొడవలకి దారితీయొచ్చు. కాబట్టి ఇద్దరిలో ఏ ఒక్కరికి సమస్య వచ్చిన స్నేహితుల్లా పంచుకోండి. అప్పుడు ఎలాంటి కష్టాన్నైనా సునాయాసంగా దాటగలరు.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి