తానే గీసుకుంది గెలుపు చిత్రం
డిగ్రీ అయిందో లేదో అమెరికా సంబంధం వచ్చింది. పందిరేసినంత సేపు నిలవలేదా పెళ్లి. నిష్కారణ కోపం. హింస, కొట్టడం నుంచి అంతు చూసే స్థాయికెళ్లింది. ఆమె సాధించాల్సింది మిగిలే ఉంది కనుకనే మూడుసార్లు చావునుంచి తప్పించుకుంది. ఉన్నతోద్యోగాలు చేసింది. చిత్రకారిణిగానూ రాణిస్తూ అంతర్జాతీయ ఖ్యాతినార్జించిన హైదరాబాద్ అమ్మాయి హిమబిందు కథ ఇది...
డిగ్రీ అయిందో లేదో అమెరికా సంబంధం వచ్చింది. పందిరేసినంత సేపు నిలవలేదా పెళ్లి. నిష్కారణ కోపం. హింస, కొట్టడం నుంచి అంతు చూసే స్థాయికెళ్లింది. ఆమె సాధించాల్సింది మిగిలే ఉంది కనుకనే మూడుసార్లు చావునుంచి తప్పించుకుంది. ఉన్నతోద్యోగాలు చేసింది. చిత్రకారిణిగానూ రాణిస్తూ అంతర్జాతీయ ఖ్యాతినార్జించిన హైదరాబాద్ అమ్మాయి హిమబిందు కథ ఇది...
పెళ్లి కోసం రెండు వారాల సెలవుమీద వచ్చాడో ప్రవాసాంధ్రుడు. సంబంధాలు కుదరలేదు. పెళ్లి చేసుకోకుండా వెళ్తే గేలిచేస్తారని తపిస్తుండగా పదేళ్లు చిన్నదైన అమ్మాయిని చూపించారు. డిగ్రీ చదివింది. వీణ మీటింది. పాట పాడింది. డబ్బున్న కుటుంబం కాకున్నా చురుగ్గాఉందని చేసుకున్నాడు. తీరా అమెరికా వెళ్లాక డాక్టరు, ఇంజనీరు అమ్మాయిల సంబంధాలొచ్చాయి. తొందరపడి చేసుకున్నాననే చిరాకు కోపంగా మారి హింసగా మారింది.
ఆ అమ్మాయే హిమబిందు. రోజూ భర్త తిట్లు, దెబ్బలు దాటి హత్యాయత్నాలు జరిగాయి. ఒకరోజు సహనం నశించి, తిరగబడింది. పరువూ, ఉద్యోగమూ పోతాయని పుట్టింటికి పంపేశాడు. బిందు తండ్రి బాలకృష్ణ బంధుమిత్రుల్లో చులకన కావొద్దని సర్దిచెప్పబోతే తల్లి లీలాకుమారి మాత్రం కూతురి ఒంటిమీద గాయాలకు చలించింది. ‘మంచి కుటుంబం, ఆర్థికంగా నిలదొక్కుకున్నారని నచ్చచెబితే కాస్త పెద్దవాడైతేనేం అనుకున్నాం కానీ ఇంత ఘోరమా’ అని బాధపడింది. లెక్చరర్గా చేస్తోన్న ఆవిడ పరువుకంటే కూతురి ప్రాణమే ముఖ్యమనుకుంది. అయినవాళ్లు వెలేసినా ఖాతరుచేయలేదు. గతాన్ని మర్చిపోయి భవిష్యత్తును తీర్చిదిద్దుకోమంది. కుమార్తెలో ఆత్మవిశ్వాసాన్ని నింపింది. బిందుకది రెండో జన్మ. అప్పుడు కంప్యూటర్ కోర్సు, ఎంబిఎ పూర్తిచేసింది. జర్మనీకి చెందిన బహుళజాతి సంస్థలో ఉద్యోగం వచ్చింది. తెలివి తేటలు, అంకితభావం, కఠోర శ్రమతో కొద్దికాలంలోనే గ్లోబల్హెడ్గా ఎదిగింది. రెండు దశాబ్దాల కెరీర్లో సర్వీస్ ఎక్స్లెన్స్ అవార్డులెన్నో ఖాతాలో వేసుకుంది. విషాదమేమంటే ఉన్నత స్థాయి పొందినా, కీర్తి గడించినా ప్రశంసలకు బదులు ‘భర్త, పిల్లలు లేరు కనుక ఓవర్టైములు చేస్తోంది’ లాంటి అవహేళనలు ఎదురయ్యేవి. అధికారులతో సంబంధాలు అంటగట్టిన వ్యాఖ్యలకు కన్నీళ్లొచ్చినా, వాళ్ల స్థాయి అంతేలెమ్మని సర్దిచెప్పుకుంది. ఉద్యోగం చేస్తూనే హెచ్ఐవి బాధితులు, అంధులైన చిన్నారులతో క్యాండిల్స్, కాగితపు సంచులు తయారు చేయించేది. ఒకసారి సమ్మర్ క్యాంప్ నిర్వహిస్తుండగా బాల్యం గుర్తొచ్చింది. బొమ్మలంటే ఇష్టమున్నా ఎన్నడూ శ్రద్ధపెట్టలేదు. ఇప్పుడదే ఒత్తిడిని తగ్గించుకునే మార్గమని గ్రహించింది. తనకో ప్రత్యేకత ఉండాలని కాఫీ వ్యర్థాలతో బొమ్మలేయడం ఆరంభించింది. అక్కణ్ణించీ ఆమె దారంతా విజయకేతనాలే.
ఉద్యోగంలో భాగంగా దేశదేశాల పర్యటనలు, సేవా కార్యక్రమాలు, కాఫీ కళాఖండాల సృజన.. ఈ అత్యుత్సాహాన్ని శరీరం తట్టుకోలేక మొరాయించింది. ఫలితం గుండెపోటు. న్యూరోసర్జన్ హెచ్చరికలతో ఉద్యోగానికి రాజీనామా చేసింది. చిత్రలేఖనం మీద దృష్టిపెట్టింది. భారతీయ సంస్కృతిని ప్రతిఫలించే ఆమె పెయింటింగులు విదేశాల్లోనూ ప్రదర్శితమయ్యాయి. ప్రస్తుతం ఆన్లైన్లో చిత్రలేఖనం, ఇంగ్లీషు, స్పానిష్ తదితర భాషలు నేర్పిస్తూ బెంగళూరులో స్థిరపడింది.‘జీవితం చాలించాలనుకున్నప్పుడు నువ్వు చనిపోవడం కాదు, నిరాశని చంపు’ అంటూ అమ్మ స్థైర్యాన్నిచ్చింది. అలా అమ్మ నాకు రెండుసార్లు జన్మనిచ్చింది. వారితోపాటు మా ఫ్యామిలీ డాక్టర్ కెవిఆర్ ప్రసాద్ నాకెంతో ధైర్యాన్ని ఇచ్చారు. జీవితం ఒక వరం. దాన్ని అర్థవంతంగా మలుచుకోవాలిగా’’ అంటున్న బిందు ఎన్నో ప్రతిష్ఠాత్మక అవార్డులని దక్కించుకుంది. తాజాగా కర్నాటక ప్రభుత్వం నుంచి ఉమెన్ అచీవర్స్ అవార్డుని అందుకుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- చెమట ఎక్కువగా పడుతోందా?
- జోరుమీదున్నాయి... జిప్ నగలు!
- స్పోర్ట్స్ బ్రా.. ఎలా ఎంచుకోవాలి?
- స్ట్రెచ్ మార్క్స్కి బేకింగ్ సోడా..
- చీరపై... రామ చిత్రాలెన్నో!
ఆరోగ్యమస్తు
- బరువు తగ్గించే ‘బీరకాయ సూప్’!
- 5-9... 9-5 ఈ ట్రెండేంటో తెలుసా!
- చక్కెర పానీయాలు వద్దు... పండ్ల రసాలే ముద్దు!
- ఆరోగ్యాన్నిచ్చే.. నవమి నైవేద్యం!
- ఆరోగ్యానికి... శ్రీరామరక్ష!
అనుబంధం
- ‘ఇంటి నుంచి వెళ్లిపో’ అంటున్నాడు..!
- అపరాధ భావం లేకుండా...
- గర్భస్రావం అయ్యాక..!
- సీత... ఎప్పటికీ వాళ్ల పెద్ద కూతురే!
- విడాకుల విషయం పిల్లలకెలా చెప్పాలి?
యూత్ కార్నర్
- తల్లి పారిశుద్ధ్య కార్మికురాలు... కూతురు అగ్నివీర్!
- UPSC Results : సంకల్ప బలంతో సాధించారు!
- గెలుపు కథ రాసుకున్నారు!
- అమ్మాయిలు...అదరగొట్టేశారు!
- ఈ కవలలు... స్ఫూర్తి శిఖరాలు!
'స్వీట్' హోం
- వంటిల్లు పొందిగ్గా
- మామిడి పండు ఇడ్లీలు!
- ఎంబ్రాయిడరీతో రామకథ!
- వార్డ్రోబ్.. సువాసనభరితంగా!
- శ్రీరామ నీ నామం ఎంతో రుచిరా!
వర్క్ & లైఫ్
- ప్రయాణాల కోసం ‘సోప్ పేపర్’!
- నెలసరి కాలుష్యం లేకుండా!
- నిండైన నీల లత అందం!
- ఇంటికో సీతమ్మ తల్లి!
- ముందున్నాం..!