Shreya Dhanwanthary: ఆ సినిమా 267సార్లు చూశా!
శ్రేయా ధన్వంతరి... అచ్చ తెలుగమ్మాయి. హిందీ సినిమాలు, వెబ్సిరీస్లు చూసే వాళ్లకు బాగా తెలిసినమ్మాయి. మిస్ ఇండియా పోటీలతో మొదలుపెట్టి అగ్రశ్రేణి మోడల్ ఎదిగింది. తెలుగులో ‘స్నేహగీతం’, హిందీలో ‘వై చీట్ ఇండియా’ సినిమాలతో వెండితెరపై మెరిసింది. ది ఫ్యామిలీ మ్యాన్, స్కామ్ 1992 వంటి వెబ్ సిరీస్లలో నటనతో ఆకట్టుకుంటోంది. ‘మీటూ’
శ్రేయా ధన్వంతరి... అచ్చ తెలుగమ్మాయి. హిందీ సినిమాలు, వెబ్సిరీస్లు చూసే వాళ్లకు బాగా తెలిసినమ్మాయి. మిస్ ఇండియా పోటీలతో మొదలుపెట్టి అగ్రశ్రేణి మోడల్ ఎదిగింది. తెలుగులో ‘స్నేహగీతం’, హిందీలో ‘వై చీట్ ఇండియా’ సినిమాలతో వెండితెరపై మెరిసింది. ది ఫ్యామిలీ మ్యాన్, స్కామ్ 1992 వంటి వెబ్ సిరీస్లలో నటనతో ఆకట్టుకుంటోంది. ‘మీటూ’ ఉద్యమం లోనూ గళాన్ని బలంగా వినిపించిన శ్రేయతో వసుంధర ముచ్చటించింది.
ప్రతి ఒక్కరికీ ఓ లక్ష్యం ఉంటుంది. నాకు నటనా రంగంలో స్థిరపడాలని కోరిక. నాకో గుర్తింపు రావడానికి చాలా ఏళ్లు పట్టేసింది. అయినా నేనెక్కడా నిరాశ పడలేదు. నా ప్రతిభను నిరూపించుకునే ప్రతి అవకాశాన్నీ సద్వినియోగం చేసుకున్నా. అదే నన్ను నిలబెట్టింది. నిజానికి నటినవ్వాలని నాలుగేళ్ల వయసులోనే అనుకున్నా.
నేను పుట్టింది హైదరాబాద్లోనే. కానీ నాన్న విజయ్ విమాన రంగంలో పనిచేయడంతో నాకు పదిహేడేళ్లు వచ్చే వరకూ మధ్య ప్రాచ్యంలోనే నివసించాం. అమ్మ రేణుక గృహిణి. నాకో చెల్లి శ్రుతి, తనిప్పుడు ఎడ్యుకేషన్ రంగంలో ఉంది. నా ప్రాథమిక, ఉన్నత విద్య అంతా... బ్రిటిష్ విధానంలో సాగింది. అందులో కళలు ఓ భాగం. అలా చిన్నప్పటి నుంచే థియేటర్ ఆర్ట్స్, స్క్రిప్ట్రైటింగ్ అలవడ్డాయి. అప్పట్లో మన దేశంతో అనుబంధం పెంచుకోవడానికి ఉన్న ఏకైక మార్గం సినిమాలే. ఏ కాస్త ఖాళీ దొరికినా... నాన్న హిందీ, అమ్మ తెలుగు సినిమాలు చూపించేవారు. దాంతో నాకు తెలియకుండానే యాక్టింగ్పై ఆసక్తి పెరిగింది. అలా గుండమ్మ కథ, ఆదిత్య 369, క్షణక్షణం వంటి చిత్రాలెన్నో చూశా. క్షణక్షణం ఇప్పటిదాకా 267 సార్లు చూశానంటే నమ్ముతారా! అంతేకాదు మన సంస్కృతి గురించీ చెప్పేవారు. దానిపై ఇష్టంతోనే కూచిపూడి, కథక్, భరతనాట్యం నేర్చుకున్నా. తెలుగు చదవడం, రాయడమూ వచ్చు!
దిల్లీకి మారాక...
నా కాలేజీ చదువు కోసం మా కుటుంబం దిల్లీకి వచ్చి స్థిరపడింది. వరంగల్ ఎన్ఐటీలో బీటెక్ చేశా. మూడో ఏడాదిలో ఉండగా ఫెమినా మిస్ ఇండియా సౌత్ పోటీల్లో పాల్గొనే అవకాశం దొరికింది. మొదటి రన్నరప్గా నిలిచా. ఆపై ‘మిస్ ఇండియా’లో ఫైనలిస్టుగా పోటీపడ్డా. అందరిలానే మా అమ్మానాన్నలు కూడా చదువు పూర్తయ్యాకనే ఏదైనా అనేవారు. అనుకోకుండా స్నేహగీతం చిత్రంలో నటించే అవకాశం వచ్చింది. అదో గొప్ప అనుభవం. తర్వాత పెద్దగా అవకాశాలు రాలేదు. దిల్లీ... ముంబయిల మధ్య తిరుగుతూ మోడలింగ్ చేసేదాన్ని. ఆ సమయంలో భూమీ పెడ్నేకర్, షానూ శర్మలు ముంబయి వస్తే నీ లక్ష్యం నెరవేరుతుంది అని సలహా ఇచ్చారు. దాంతో బాలీవుడ్ అడ్డాకు వచ్చేశా. కానీ ఇక్కడ జీవితం అంటే... బోలెడు ఖర్చు. ఇంటి అద్దెకైనా వస్తాయి కదా అని పార్ట్టైమ్ మోడలింగ్ చేయాలనుకున్నా. ఎయిర్టెల్, పాంటలూన్స్, సఫీ, ప్రోవోగ్, వోగ్ ఐవేర్, గీతాంజలి మాయ బంగారు ఆభరణాలు, డిడామాస్ ఆభరణాలు, జాష్న్ చీరలు, లిబర్టీ ఫుట్వేర్ వంటి ప్రముఖ సంస్థల ప్రచార చిత్రాల్లో అవకాశం దక్కింది. అవి చేస్తూనే నటనలో మెరుగుపరచుకోడానికి కొన్ని నెలలు థియేటర్ ఆర్ట్స్ లో శిక్షణ పొందా. ముంబయి రావడం మంచిదైందని ఎప్పుడూ అనుకుంటూ ఉంటా.
ఇబ్బందుల్ని అధిగమించి...
బాలీవుడ్లో ఎంట్రీకి తొమ్మిదేళ్లు పట్టింది. అయినా ఎప్పుడూ నిరాశపడలేదు. ఇమ్రాన్ హష్మితో నటించిన ‘వై చీట్ ఇండియా’ నా మొదటి హిందీ చిత్రం. మధ్యలో వెబ్చిత్రాలెన్నో చేశా. ది రీయూనియన్, దేవాంశి టైలర్, లేడీస్ రూమ్... వంటి వాటికి మంచి ఆదరణ లభించింది. 2019లో అమెజాన్ ప్రైమ్లో వచ్చిన ‘ది ఫ్యామిలీ మ్యాన్’ సిరీస్లో జోయా పాత్ర బాగా గుర్తింపు తెచ్చిపెట్టింది. 2020లో సోనీ ఎల్ఐవీ నిర్మించిన ‘స్కామ్ 1992’ సిరీస్లో సుచేతా దలాల్గా నా నటనకు మంచి మార్కులే పడ్డాయి. ‘వైరల్ వెడ్డింగ్’ సిరీస్కి డైరెక్టర్, ప్రొడ్యూసర్, రైటర్, నటిగానూ పనిచేశా.
బాలీవుడ్లో ప్రతిభకు అవకాశం దక్కుతుంది. ఆడిషన్లో నిరూపించుకోగలిగితే చాలు. రంగుని బట్టో, బరువుని బట్టో ఇంకో కారణంతోనో కాదనే పరిస్థితులు తక్కువే. తెలుగులో నటించాలని ఉంది. ఎందుకంటే అది నా మాతృభాష కదా!
ఫిట్నెస్ అంటే ప్రాణం. నా దినచర్యలో వ్యాయామం కచ్చితంగా ఉంటుంది. ఆటలన్నా ఆసక్తే. స్విమ్మింగ్ చేస్తా. చెస్, క్యారమ్స్ బాగా ఆడతా. ఫొటోగ్రఫీ, ట్రెక్కింగ్ అంటే సరదా.
నాకు చదవడం, రాయడమన్నా ఇష్టమే. ఫేడ్ టు వైట్ అనే పుస్తకాన్ని రాశా. ఇది 2016లో అచ్చయ్యింది.
ఎన్ని వందల ఆడిషన్లకు వెళ్లానో లెక్కేలేదు. ఎన్నో సార్లు ఈ రంగంలోకి వచ్చి తప్పు చేశానా అనిపించేది... కానీ మనసు మాత్రం ఎన్ని కష్టాలు పడైనా సరే! అనుకున్నది చెయ్... విజయం నీదే అని చెప్పేది. అందుకే నా మనసు మాటే విన్నా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ఈ గింజలతో అందంగా మెరిసిపోదాం!
- చెమట ఎక్కువగా పడుతోందా?
- జోరుమీదున్నాయి... జిప్ నగలు!
- స్పోర్ట్స్ బ్రా.. ఎలా ఎంచుకోవాలి?
- స్ట్రెచ్ మార్క్స్కి బేకింగ్ సోడా..
ఆరోగ్యమస్తు
- ఈ అలవాట్లు మార్చుకుంటే.. కాలేయం పదిలం!
- బరువు తగ్గించే ‘బీరకాయ సూప్’!
- 5-9... 9-5 ఈ ట్రెండేంటో తెలుసా!
- చక్కెర పానీయాలు వద్దు... పండ్ల రసాలే ముద్దు!
- ఆరోగ్యాన్నిచ్చే.. నవమి నైవేద్యం!
అనుబంధం
- నేనంటే ప్రాణమంటోంది.. కానీ!
- ‘ఇంటి నుంచి వెళ్లిపో’ అంటున్నాడు..!
- అపరాధ భావం లేకుండా...
- గర్భస్రావం అయ్యాక..!
- సీత... ఎప్పటికీ వాళ్ల పెద్ద కూతురే!
యూత్ కార్నర్
- Japnit Ahuja : మాతృభాషలో కోడింగ్ పాఠాలు!
- తల్లి పారిశుద్ధ్య కార్మికురాలు... కూతురు అగ్నివీర్!
- UPSC Results : సంకల్ప బలంతో సాధించారు!
- గెలుపు కథ రాసుకున్నారు!
- అమ్మాయిలు...అదరగొట్టేశారు!
'స్వీట్' హోం
- చూయింగ్ గమ్ని వదిలించాలంటే..!
- వంటిల్లు పొందిగ్గా
- మామిడి పండు ఇడ్లీలు!
- ఎంబ్రాయిడరీతో రామకథ!
- వార్డ్రోబ్.. సువాసనభరితంగా!
వర్క్ & లైఫ్
- ప్రయాణాల కోసం ‘సోప్ పేపర్’!
- నెలసరి కాలుష్యం లేకుండా!
- నిండైన నీల లత అందం!
- ఇంటికో సీతమ్మ తల్లి!
- ముందున్నాం..!