Breaking | Feedback | ePratibha | E-PAPER | Pratibha

కాంతినిచ్చే చామంతి టీ!

Published : 23 Jun 2021 01:17 IST

ఇప్పుడు కాలంతో సంబంధం లేకుండా అన్ని పూలూ దొరుకుతున్నాయి. అలానే ప్రత్యేక పద్ధతుల్లో ఎండబెట్టిన రకాలూ అందుబాటులో ఉంటున్నాయి. అలాంటివాటిల్లో చామంతి కూడా ఒకటి. దీన్ని సౌందర్య పోషణకూ ఉపయోగించొచ్చు.
చామంతిరేకల్ని శుభ్రంగా కడిగి వేడినీళ్లల్లో మరిగించి దానికి కాస్త తేనె కలిపి ముఖానికి పూతలా రాయండి. ఇలా తరచూ చేయడం వల్ల ముఖంపై ఉన్న మచ్చలు తొలగిపోయి ముఖం కాంతిమంతంగా మారుతుంది. చర్మం తాజాగానూ కనిపిస్తుంది.
* చామంతి టీ నీళ్లలో కాస్త గులాబీనీరు, నిమ్మరసం చేర్చి ముఖం కడుక్కోండి. ఇది చర్మంపై ఉన్న టాన్‌ని తొలగిస్తుంది. కాంతిమంతంగా కనిపించేలా చేస్తుంది.
* ముఖంపై మొటిమలు ఇబ్బంది పెడుతుంటే కప్పు నీళ్లలో కొన్ని చామంతులు, నాలుగు తులసి ఆకులు వేసి మరగనివ్వండి. ఈ మిశ్రమం చల్లారాక కాస్త ఉలవపిండి, చెంచా తేనె కలిపి ముఖానికి ప్యాక్‌లా వేస్తే సరి. మృతకణాలు తొలగుతాయి. మీ సమస్య దూరమవుతుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.