అమ్మాయిలూ.. ఈ స్కాలర్‌షిప్‌ మీకోసమే
close
Updated : 29/11/2021 17:01 IST

అమ్మాయిలూ.. ఈ స్కాలర్‌షిప్‌ మీకోసమే!

కెరీర్‌లో ఏ లక్ష్యాన్ని సాధించాలన్నా దానికి ప్రతిభే కొలమానం. ప్రముఖ సెర్చ్‌ ఇంజిన్‌ ‘గూగుల్‌’ కూడా ఇదే చెబుతోంది. ప్రతిభ ఉన్న అమ్మాయిలకు స్కాలర్‌షిప్‌ ఇస్తూ వారికి ఆర్థికసహాయాన్ని అందించాలనుకుంటోంది. వారు తమ లక్ష్యాలను చేరుకునేందుకు ఈ విధంగా ప్రోత్సాహం అందించడానికి ముందుకొచ్చింది. 'జనరేషన్ గూగుల్ స్కాలర్‌షిప్' పేరుతో ఇవ్వనున్న ఈ ఉపకార వేతనానికి కంప్యూటర్‌ సైన్స్‌లో డిగ్రీ చదువుతోన్న అమ్మాయిలు అర్హులు. దీనికి ఎంపికైన అమ్మాయిలకు 2022-23 విద్యాసంవత్సరానికి గాను 1000 డాలర్లను ఈ సంస్థ ఇవ్వనుంది. అంటే మన కరెన్సీలో 75000 రూపాయలన్నమాట. మరి, ఈ స్కాలర్‌షిప్‌కి కావాల్సిన అర్హతలు.. ఎలా దరఖాస్తు చేసుకోవాలి? వంటి వివరాలను ఓ సారి చూద్దాం రండి...

కావాల్సిన అర్హతలు...

* 2020-21 విద్యాసంవత్సరం బ్యాచిలర్‌ డిగ్రీ కోర్సులో రెగ్యులర్‌ విద్యార్థిగా పేరు నమోదు చేసుకొని ఉండాలి.

* గుర్తింపు పొందిన యూనివర్సిటీలో రెండో సంవత్సరం చదువుతుండాలి. ఆ విశ్వవిద్యాలయం ఆసియా పసిఫిక్‌ పరిధిలోనే ఉండాలి.

* కంప్యూటర్‌ సైన్స్‌, కంప్యూటర్‌ ఇంజినీరింగ్ లేదా టెక్నాలజీకి సంబంధించిన కోర్సులు చదువుతున్న వారు మాత్రమే అర్హులు.

* మంచి అకడమిక్‌ రికార్డు కలిగి ఉండాలి.

* నాయకత్వ లక్షణాలు కలిగి ఉండాలి.

కావాల్సిన డాక్యుమెంట్లు..

* సాంకేతిక అంశాలకు సంబంధించి ఇది వరకు చేసిన ప్రాజెక్టులు, కమ్యూనిటీ ఎంగేజ్‌మెంట్‌ కార్యక్రమాల్లో పాల్గొన్న అంశాలను ప్రస్తావిస్తూ రెజ్యూమే రూపొందించాలి.

* విద్యార్హతలకు సంబంధించిన డాక్యుమెంట్లు దీనికి జతచేయాలి.

* ఈ క్రింది అంశాలపై వ్యాసాలు రాయాలి. ఈ రెండు వ్యాసాల ద్వారా మీలోని సృజనాత్మకత, నిబద్ధత, పనితీరు, మీకున్న ఆర్థిక అవసరాలు.. వంటి అంశాలను పరిశీలిస్తారు. ప్రతి వ్యాసం 400 పదాలకు మించకుండా ఆంగ్లంలో రాయాలి.

1) టెక్నాలజీ రంగంలో మహిళలు ఎలాంటి సవాళ్లను ఎదుర్కొంటున్నారని మీరు భావిస్తున్నారు? ఒకవేళ ఆ సవాళ్లను పరిష్కరించే బృందంలో మీరు భాగమైతే ఏం చేస్తారు? మీరిచ్చే సమాధానం ఎంతో మందిని ఎన్నో రకాలుగా ప్రభావితం చేస్తుందన్న విషయం గుర్తు పెట్టుకోండి.

2) ఒకవేళ ఈ స్కాలర్‌షిప్‌కి మీరు ఎంపికైతే.. ఇది మీ చదువుకు ఎలా ఉపయోగపడుతుంది? ఈ స్కాలర్‌షిప్‌ పొందడానికి గల మీ అవసరాలను వివరించండి. మీకు ఈ స్కాలర్‌షిప్‌ లభించడం ద్వారా భవిష్యత్తులో ఎలాంటి లక్ష్యాలను చేరుకోగలుగుతారు?
ఈ డాక్యుమెంట్లను పీడీఎఫ్‌ రూపంలో అటాచ్‌ చేయాల్సి ఉంటుంది.

ఈ స్కాలర్‌షిప్‌కి దరఖాస్తు చేసుకోవడానికి చివరి తేది: డిసెంబర్‌ 10, 2021

గూగుల్‌ ఉద్యోగులు దీనికి అనర్హులు. దీనిపై ఏవైనా సందేహాలు ఉంటే generationgoogle-apac@google.com మెయిల్ ఐడీలో సంప్రదించవచ్చు.

మరిన్ని వివరాలకు ఈ వెబ్‌సైట్‌ను చూడండి...

https://buildyourfuture.withgoogle.com/scholarships/generation-google-scholarship-apac


Advertisement

మరిన్ని

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని