Published : 24/11/2021 20:08 IST

వైట్‌ డిశ్చార్జికి అదే కారణమా?

మేడమ్.. నాకు థైరాయిడ్‌ ఉంది. వైట్‌ డిశ్చార్జి అవుతోంది. వెజైనా దగ్గర మంట, దురద కూడా వస్తోంది.. ఈ సమస్యలకు పరిష్కారమేంటో చెప్పండి. - ఓ సోదరి

జ: థైరాయిడ్‌ ఉందని రాశారు కానీ దాని స్థాయులు ఎలా ఉన్నాయో రాయలేదు. ఏదైనా కూడా తగిన మందులు వాడుతుంటే అదుపులోకి వస్తుంది. దీనికోసం ఎండోక్రైనాలజిస్ట్‌ని సంప్రదిస్తే మీ సమస్యను బట్టి తగిన తగిన మందులు సూచిస్తారు. ఇకపోతే దురద, మంటతో కూడిన వైట్‌ డిశ్చార్జికి రకరకాల కారణాలుండచ్చు. బ్యాక్టీరియా, ఫంగస్‌, ట్రైకోమోనాస్ వంటి ఇన్ఫెక్షన్ల వల్ల కావచ్చు లేదా అలర్జీలు, చర్మవ్యాధులు వంటి వాటి వల్ల కూడా కావచ్చు. అందుకే ముందుగా మీరు గైనకాలజిస్ట్‌తో పరీక్షలు చేయించుకుంటే వారు పాప్‌స్మియర్‌, వెజైనల్‌ పీహెచ్‌, కొన్ని రక్త-మూత్ర పరీక్షలు చేయడం ద్వారా దానికి కారణమేంటో నిర్ధారించి తగిన చికిత్స చేస్తారు. ఎందుకంటే పైన పేర్కొన్న వాటికి చికిత్సలు విడివిడిగా ఉంటాయి.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని