చన్నీటి స్నానం వల్ల కలిగే ప్రయోజనాలేమిటి?
'ఓ పక్క ఎముకలు కొరికే చలి.. మరో పక్క చన్నీటి స్నానం..' ఇది వింటేనే ఒళ్లు చలితో బిగుసుకుపోతుంది కదూ.. మరి స్నానం చేసేస్తే? అమ్మో! మేం అంత సాహసం చేయలేం అంటారా.. కానీ చలికాలంలో చాలామంది ఈ పద్ధతిని ఫాలో అవుతుంటారు.
'ఓ పక్క ఎముకలు కొరికే చలి.. మరో పక్క చన్నీటి స్నానం..' ఇది వింటేనే ఒళ్లు చలితో బిగుసుకుపోతుంది కదూ.. మరి స్నానం చేసేస్తే? అమ్మో! మేం అంత సాహసం చేయలేం అంటారా.. కానీ చలికాలంలో చాలామంది ఈ పద్ధతిని ఫాలో అవుతుంటారు. ముఖ్యంగా కార్తీక మాసంలో ఇలా చన్నీళ్లతో చేసే స్నానాన్ని చాలా పవిత్రంగా భావిస్తారు కూడా.. కేవలం పవిత్రతే కాదు.. చన్నీటి స్నానం వల్ల ఆరోగ్యానికి కూడా ఎన్నో రకాలుగా మేలు జరుగుతుంది. అవేంటో చూద్దాం రండి..
పాపాలను కడిగే పవిత్ర స్నానం..
కార్తీక మాసం శివుడికి అత్యంత పవిత్రమైంది. కాబట్టి ప్రతిరోజూ శివలింగానికి ఈ పవిత్ర జలంతో ఎలాగైతే అభిషేకం చేస్తుంటారో.. అలాగే మన దేహాన్ని కూడా శివలింగంలాగా భావించి ఆ నీటితోనే స్నానం చేస్తుంటాం. దీనివల్ల గతంలో చేసుకున్న పాప కర్మలన్నీ సమసిపోతాయని భక్తులందరి విశ్వాసం. అలాగే కొంతమంది రోజుకు మూడుసార్లు కూడా చన్నీటి స్నానం చేస్తుంటారు. ఈ క్రమంలో శారీరకంగా, మానసికంగా మనలో ఉండే మలినాలను కడిగివేసే లక్షణం కేవలం నీటికే ఉంటుందన్నది కూడా చాలామంది అభిప్రాయం!
మెరుగయ్యే రక్త ప్రసరణ..
చన్నీటి స్నానం వల్ల శరీరంలోని అన్ని అవయవాలకు ఒక క్రమపద్ధతిలో రక్తప్రసరణ జరుగుతుంది. దీనివల్ల ఆరోగ్య పరంగా ఎలాంటి సమస్యలూ తలెత్తకుండా ఉంటాయి. అలాగే ధమనుల్లో కూడా రక్తప్రసరణ బాగా జరిగి గుండెను సురక్షితంగా ఉంచడంలో చల్లటి నీళ్లు తోడ్పడతాయి. ఈ స్నానం వల్ల బీపీ అదుపులో ఉండడంతో పాటు రోగనిరోధక శక్తి కూడా పెరుగుతుంది.. ఈ క్రమంలో శరీరంలోని మలినాలు, విషపదార్థాలు సులభంగా వేరై తొలగిపోతాయి.
శక్తినిస్తుంది..
చలికాలంలో ఉదయాన్నే చల్లటి నీళ్లు శరీరంపై పడగానే ఒళ్లు బిగుసుకుపోయినట్లుగా అనిపిస్తుంటుంది. దీంతో శ్వాసక్రియ రేటు కూడా పెరుగుతుంది. ఫలితంగా ఎక్కువ ఆక్సిజన్ను పీల్చుకుంటాం. అలాగే దీని వల్ల గుండె కొట్టుకునే వేగం పెరిగి శరీరంలోని అన్ని అవయవాలకు రక్తప్రసరణ వేగంగా జరుగుతుంది. ఈ క్రమంలో ఆ రోజంతటికీ కావలసిన శక్తి శరీరానికి లభిస్తుంది.
వ్యాయామం తర్వాత..
వ్యాయామం చేసే క్రమంలో కాసేపటి తర్వాత మన శరీరంలోని కండరాలు అలసిపోయి 'విశ్రాంతి తీసుకుంటే బాగుంటుంది..' అనే భావన మనలో కలుగుతుంది. అలాగే ఎక్కువసేపు చేయడం వల్ల కొన్ని సందర్భాల్లో కండరాలలో నొప్పిగా కూడా అనిపిస్తుంది. ఇలాంటప్పుడు కండరాల పైన చల్లటి నీళ్లు పోస్తే ఉపశమనం లభిస్తుంది.
మెరుగయ్యే జీవక్రియలు..
వాతావరణం చల్లగా అనిపిస్తే ఎలాగైతే మనం వెచ్చదనం కోసం స్వెట్టర్లు, శాలువాలు ధరిస్తామో.. అలాగే శరీరంపై చల్లటి నీళ్లు పడగానే శరీరంలోని కార్బోహైడ్రేట్లు, కొవ్వులు కరిగి వేడి పుడుతుంది. దీనివల్ల కేవలం బరువు తగ్గడం మాత్రమే కాదు.. శరీరంలోని జీవక్రియల పనితీరు కూడా మెరుగవుతుంది.
మానసిక ప్రశాంతతకు..
ఒత్తిడి, డిప్రెషన్తో బాధపడుతున్నారా?? అయితే ఒకసారి చన్నీళ్లతో స్నానం చేయండి. తేడా మీకే తెలుస్తుంది. దీనివల్ల ఒత్తిళ్లన్నీ మాయమై మానసిక ప్రశాంతత సొంతమవుతుంది. కాబట్టి ప్రతిరోజూ చన్నీళ్లతో స్నానం చేయడం వల్ల రోజంతా ప్రశాంతంగా ఉండచ్చు.
సో.. చన్నీటి స్నానం వల్ల ఎన్ని లాభాలున్నాయో తెలుసుకున్నారు కదా! అయితే.. ఆరోగ్య పరంగా ఏవైనా సమస్యలు ఉన్నవాళ్లు; జలుబు, జ్వరం, సైనసైటిస్.. వంటి సమస్యలతో బాధపడే వాళ్లు మాత్రం చన్నీటి స్నానం చేయడం మంచిది కాకపోవచ్చు. ఇలాంటి సందర్భాల్లో వైద్య నిపుణులను సంప్రదించి వారి సూచనలు, సలహాలు పాటించడం మంచిది.
ఆ మాటకొస్తే- స్నానం విషయంలో- చన్నీళ్లు, వేణ్ణీళ్లు.. ఆరోగ్య పరంగా వేటి ప్రయోజనాలు వాటికున్నాయి. ప్రత్యేకించి వేడి నీటి వల్ల కలిగే ప్రయోజనాల గురించి మరో సందర్భంలో తెలుసుకుందాం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- అడ్డిగ... అందాల నగ!
- వేసవిలో ట్యాన్ సమస్య తగ్గాలంటే..!
- ఇలా చేస్తే.. అందం తగ్గదు..!
- నాకు ఏ క్రీమ్?
- స్ట్రెచ్ మార్క్స్.. తగ్గట్లేదా..?
ఆరోగ్యమస్తు
- వసంతంలో ఆరోగ్య జాగ్రత్తలు..!
- అందుకే వీటిని ఇలా తీసుకోవాలట..!
- ప్రెగ్నెన్సీ.. ఈ జాగ్రత్తలు పాటిస్తున్నారా?
- ఉత్తేజంగా మారాలంటే..!
- రక్తహీనత తగ్గించే బీట్రూట్!
అనుబంధం
- ఒక మెట్టు దిగితే చాలు...
- ఆ అమ్మాయితో ఆ చాటింగ్.. ఆయన్ని నమ్మలేకపోతున్నా..!
- అలా చదివితే మేలే...
- చిన్నవే... చక్కదిద్దుతాయి!
- యుక్త వయసు నుంచీ...!
యూత్ కార్నర్
- అప్పుడు ఫ్యాన్... ఇప్పుడందరి ఫేవరెట్!
- భూగోళాన్ని చుట్టేస్తానంటోంది!
- దాంతో మాట్లాడుతుంటే మతి పోయిందనేవాళ్లు!
- ఎరీ... ఆ ఊరి పట్టు..!
- అందరికీ నచ్చేవి.. నాకు నచ్చవు.. ఎందుకిలా?
'స్వీట్' హోం
- రిస్క్ లేకుండా దాచేద్దాం!
- వేసవిలో ఇల్లు చల్లగా...
- పుల్లటి పెరుగుతో.. పెరిగే రుచి!
- కళ్లు తిరిగే కార్పెట్లు...
- ఆ చోటు గుర్తిస్తే చాలు...
వర్క్ & లైఫ్
- పనికి ‘బ్రేక్’ వేయండి!
- మీకు ‘ట్రావెలింగ్’ అంటే ఇష్టమా..?
- ఇవి టైంపాస్ కోసమే కాదు.. సంపాదనకూ..!
- మారాలని గట్టిగా అనుకోండి!
- Samantha: చిన్న చిట్కాలతోనే 45 కిలోల బరువు తగ్గా..!