నాణ్యమైన పుచ్చకాయని గుర్తించేదెలా?
నోరూరించే, ఆరోగ్యాన్ని పంచే సమ్మర్ ఫ్రూట్స్ చాలానే ఉన్నాయి. వాటిలో పుచ్చకాయ ఒకటి. దాదాపు 95 శాతం నీటితో ఉండే ఈ పండును వేసవిలో రోజూ తింటుంటాం.. తద్వారా వేసవి వేడిని దూరం చేసుకొని....
నోరూరించే, ఆరోగ్యాన్ని పంచే సమ్మర్ ఫ్రూట్స్ చాలానే ఉన్నాయి. వాటిలో పుచ్చకాయ ఒకటి. దాదాపు 95 శాతం నీటితో ఉండే ఈ పండును వేసవిలో రోజూ తింటుంటాం.. తద్వారా వేసవి వేడిని దూరం చేసుకొని, శరీరానికి చల్లదనాన్ని అందిస్తాం. అంతేకాదు.. శరీరాన్ని డీహైడ్రేషన్ బారి నుంచి కాపాడుకోవడానికీ ఈ పండును మించింది మరొకటి లేదంటే అతిశయోక్తి కాదు. అయితే ఈ పండును కొనేటప్పుడు ఏది పడితే అది కాకుండా.. కొనేముందు కొన్ని అంశాల్ని దృష్టిలో ఉంచుకుంటే.. పండు రుచిని ఆస్వాదించడంతో పాటు సంపూర్ణ ఆరోగ్యాన్నీ సొంతం చేసుకోవచ్చు. మరి, ఆ విశేషాలేంటో తెలుసుకుందాం రండి...
పెద్దదే మంచిదా?
పుచ్చకాయల్ని కొనేటప్పుడు చాలామందిలో ఉండే అపోహ ఏంటంటే.. పుచ్చకాయ ఎంత పెద్దగా ఉంటే అంత నాణ్యమైందని, గుజ్జు ఎక్కువగా ఉంటుందని అనుకుంటారు. అయితే ఇది నిజం కాదు. అలాగని మరీ చిన్నగా ఉన్నవి కూడా రుచిగా ఉంటాయని చెప్పలేం. కాయ ఏ పరిమాణంలో ఉన్నా.. చేతిలో పట్టుకున్నప్పుడు బరువుగా ఉండాలి. అప్పుడే లోపల నీళ్లు, గుజ్జు ఎక్కువగా ఉన్నట్లు అర్థం. అందుకే పుచ్చకాయ బరువును బట్టి, సాధారణ పరిమాణంలో ఉన్న పుచ్చకాయలను ఎంచుకోమని సూచిస్తున్నారు నిపుణులు.
రంగుని బట్టి..
కొంతమంది పుచ్చకాయ పచ్చగా, నిగనిగలాడుతూ కనిపించేసరికి కాయ తాజాగా ఉందని కొనేస్తుంటారు. తీరా ఇంటికెళ్లి చూస్తే కాయ పూర్తిగా పండకపోవడం, చప్పగా ఉండడం, గుజ్జు తక్కువగా ఉండడం.. వంటివి గమనిస్తుంటారు. వాస్తవానికి పూర్తిగా పండిన కాయ ఎప్పుడూ బాగా ముదురు రంగులోనే ఉంటుందట. కాబట్టి పైకి కనిపించడానికి తాజాగా ఉందా, లేదా అన్న విషయం పక్కన పెట్టి ముదురు వర్ణంలో ఉన్న కాయని ఎంపిక చేసుకోవాలి.
మచ్చలుంటే..
కొన్ని పుచ్చకాయల్లో ఒకవైపు తెలుపు లేదంటే గోధుమ రంగులో మచ్చలుంటాయి. పండించేటప్పుడు పుచ్చకాయలు నేలకి ఆనుకుని ఉండడం వల్ల ఈ మచ్చలు ఏర్పడతాయట! అయితే ఈ మచ్చలు ఎంతటి ముదురు రంగులో ఉంటే ఆ కాయలు అంత మంచివంటారు నిపుణులు. ముఖ్యంగా గోధుమ రంగు మచ్చలున్న పుచ్చకాయలను నిరభ్యంతరంగా కొనచ్చుట.
తొడిమను బట్టి..
తొడిమను బట్టి కూడా పుచ్చకాయ పక్వానికి వచ్చిందో లేదో తెలుసుకోవచ్చట. ఒకవేళ తొడిమ ఎండిపోయి ఉంటే కాయ బాగా పండినట్లు, అలా కాకుండా తొడిమ కాస్త పచ్చిగా ఉంటే.. ఇంకా పక్వానికి రానట్లు భావించాలి.
వాసనను బట్టి కూడా!
మామిడి పండుకు పదడుగుల దూరంలో ఉన్నా కూడా సువాసన గుప్పుమంటూ నోరూరిస్తుంది. దీనంత కాకపోయినా పుచ్చకాయని కూడా వాసనను బట్టి పండిందో, లేదో గుర్తించచ్చు. పండిన పుచ్చకాయను ముక్కుకు దగ్గరగా పెట్టుకుని వాసన చూస్తే తియ్యటి వాసన వస్తుంది. ఒకవేళ మరీ ఎక్కువ తీపి వాసన వస్తే తీసుకోకపోవడం మంచిది.. ఎందుకంటే అది కుళ్లడానికి సిద్ధంగా ఉన్నట్లే లెక్క!
టక్ టక్..
కొంతమంది పుచ్చకాయని చేతిలోకి తీసుకుని వేలితో కొట్టి పరీక్షించడం మనం చూస్తూనే ఉంటాం. ఇలా కొట్టినప్పుడు టక్ టక్ అనే శబ్దం వినిపిస్తే కాయ బాగా పండినట్టన్నమాట! అలా కాకుండా చప్పుడేమీ రాకుండా ఉంటే అదింకా పండలేదని అర్థం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
- పసిడి మెరుపులు... పంచలోహ పట్టీలు!
- Summer Beauty: మేకప్ చెదిరిపోకుండా..!
- జుట్టుకు జామాకు!
ఆరోగ్యమస్తు
- Mangoes: అందుకే తినేముందు నీళ్లలో నానబెట్టాలి!
- ఆరుబయట ఆడుతున్నారా..!
- నొప్పులు తగ్గించే నిమ్మగడ్డి...
- బెల్లంతో ప్రయోజనాలెన్నో!
- బిగుతు దుస్తులతో సమస్యా?
అనుబంధం
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
- నేనంటే ప్రాణమంటోంది.. కానీ!
- ‘ఇంటి నుంచి వెళ్లిపో’ అంటున్నాడు..!
యూత్ కార్నర్
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
- ఆ సమయంలో... అయిదేళ్ల పిల్లనైపోతా!
- కేరళ కుట్టికి... ‘టీన్’ కిరీటం!
'స్వీట్' హోం
- ప్రకృతికి కోపం తెప్పిస్తున్నారా?
- ఎయిర్ ప్యూరిఫయర్కు బదులు ఇవి!
- వంటింట్లో కీటకాల బెడదా..
- పొందికగా... సర్దేయొచ్చు!
- ఈ బాక్సులు బుజ్జాయిలకెంతో ఇష్టం..!
వర్క్ & లైఫ్
- నేను బాగా పనిచేయడం లేదు!
- గెలవాలంటే నేర్చుకోవాలి..
- మళ్లీ పెళ్లి వద్దంటోంది..!
- ప్రతిసారీ మర్చిపోతున్నారా?
- కొత్త ఉద్యోగంలో కొన్ని విషయాలు...