Updated : 12/02/2022 20:02 IST

ఈ చాక్లెట్స్‌తో ‘దిల్’ పసంద్!

'వేలంటైన్స్ డే' అంటే గుర్తొచ్చే వాటిలో చాక్లెట్స్ కూడా ఒకటి. అయితే ఈసారి ఎప్పటిలా బయట దొరికే మామూలు చాక్లెట్స్ కాకుండా, ఇంట్లోనే హెల్దీగా ట్రై చేయండి..

కావలసినవి..

* మీకు నచ్చిన డ్రైఫ్రూట్ - 100 గ్రాములు

(బాదం, అక్రోట్, జీడిపప్పు, ఎండు ద్రాక్ష, ఉప్పు లేని పిస్తాపప్పు మొదలైనవి)

* బటర్ లేదా నెయ్యి - పావు టీ స్పూను

* ప్లెయిన్ చాక్లెట్ - 100 గ్రాములు

(వైట్ చాక్లెట్ కూడా వాడచ్చు)

తయారీ..

* మీరు ఎంచుకున్న డ్రైఫ్రూట్‌ని శుభ్రంగా కడిగి, తడి లేకుండా ఆరబెట్టాలి.

* ఒక ప్యాన్ లో పావు టీస్పూన్ బటర్ లేదా నెయ్యిని వేడి చేయాలి. అందులో డ్రైఫ్రూట్స్‌ని వేసి, సన్నని మంట మీద దోరగా వేయించాలి. అవి వేగిన తర్వాత వేడి చల్లారేలా గాలికి ఉంచాలి.

* చాక్లెట్‌ని ముక్కలుగా చేసి లేదా తురిమి ఒక బౌల్‌లో వేయాలి.

* ఇప్పుడు ఒక వెడల్పాటి గిన్నెలో సగానికి నీరు పోసి మరిగించాలి. చాక్లెట్ బౌల్‌ని పట్టకార సహాయంతో మరుగుతున్న నీటిలో ముంచి విస్క్ లేదా స్పూన్‌తో కలపాలి.

* ఇలా చేస్తున్నప్పుడు చాక్లెట్ బౌల్ నీటిలో మునగకుండా జాగ్రత్త పడాలి. నీటి వేడికి చాక్లెట్ పూర్తిగా కరిగాక స్టౌ ఆఫ్ చేయాలి.

* ఇప్పుడు వేగిన డ్రైఫ్రూట్స్‌ని కరిగిన చాక్లెట్‌లో వేయాలి.

* ఒక బేకింగ్ షీట్‌ని లేదా కాస్త బటర్ రాసిన ప్లేట్‌ని తీసుకుని, చాక్లెట్ కలిసిన డ్రై ఫ్రూట్స్‌ని ఒక్కొక్కటిగా దానిపై పరచాలి.

* పది నిమిషాలపాటు ఫ్రిజ్‌లో ఉంచితే చాలు 'చాక్లెట్ కోటెడ్ డ్రై ఫ్రూట్స్' రడీ..!


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని