చీరకట్టులోనే వ్యాయామాలు చేస్తూ..!
వృత్తిఉద్యోగాల్లో కొనసాగే మహిళలకు క్షణం తీరిక దొరకదు. అలాంటప్పుడు వ్యాయామం చేసే సమయమెక్కడిది! అలాగని దాన్ని దాటవేయకుండా రోజులో కాస్తైనా సమయం కేటాయించుకోవడం అవసరం అంటున్నారు పుణేకు చెందిన డాక్టర్ శార్వరి ఇనామ్దార్. ఓవైపు వృత్తిలో బిజీగా ఉన్నా.. శరీరాన్ని ఫిట్గా, చురుగ్గా ఉంచుకునేందుకు ప్రాధాన్యమిచ్చే ఆమె.. తన వర్కవుట్ వీడియోలతో మహిళలందరిలో స్ఫూర్తి నింపుతుంటారు. అంతేకాదు.. చీరకట్టులోనూ ఎలాంటి వ్యాయామమైనా అలవోకగా చేసేస్తూ వర్కవుట్ చేయడానికి చీర
Photo: Instagram
వృత్తిఉద్యోగాల్లో కొనసాగే మహిళలకు క్షణం తీరిక దొరకదు. అలాంటప్పుడు వ్యాయామం చేసే సమయమెక్కడిది! అలాగని దాన్ని దాటవేయకుండా రోజులో కాస్తైనా సమయం కేటాయించుకోవడం అవసరం అంటున్నారు పుణేకు చెందిన డాక్టర్ శార్వరి ఇనామ్దార్. ఓవైపు వృత్తిలో బిజీగా ఉన్నా.. శరీరాన్ని ఫిట్గా, చురుగ్గా ఉంచుకునేందుకు ప్రాధాన్యమిచ్చే ఆమె.. తన వర్కవుట్ వీడియోలతో మహిళలందరిలో స్ఫూర్తి నింపుతుంటారు. అంతేకాదు.. చీరకట్టులోనూ ఎలాంటి వ్యాయామమైనా అలవోకగా చేసేస్తూ వర్కవుట్ చేయడానికి చీర ఏమాత్రం అడ్డు కాదని నిరూపిస్తున్నారు. ఈ క్రమంలో ఇటీవలే తాను చీరకట్టులో చేసిన వర్కవుట్ వీడియో ఒకటి సోషల్ మీడియాలో తెగ వైరలైంది. కుటుంబ సభ్యుల ప్రోత్సాహం, మద్దతు ఉంటే మహిళలు అన్నింటా విజయం సాధించగలరంటోన్న శార్వరి.. తన ఫిట్నెస్ హాబీ గురించి ఏం చెబుతున్నారో తెలుసుకుందాం రండి..
డాక్టర్ శార్వరి ఇనామ్దార్.. పుణేకు చెందిన ఆమె వృత్తి రీత్యా ఆయుర్వేద వైద్యురాలు. ఎప్పుడూ నవ్వు మొహంతో, చలాకీగా, చురుగ్గా ఉండే ఆమె.. తన యాక్టివ్నెస్కి ప్రధాన కారణం వ్యాయామమే అంటారు. పుషప్స్, పులప్స్, బరువులెత్తడం.. వంటి కఠినమైన వ్యాయమాల్ని సైతం అలవోకగా చేసేస్తూ.. ఆ వీడియోలను ఇన్స్టాగ్రామ్లో అప్లోడ్ చేస్తూ ఎంతోమంది మహిళలకు స్ఫూర్తిగా నిలుస్తుంటారీ డాక్టరమ్మ. అంతేకాదు.. ఫిట్నెస్పై మక్కువ చూపే శార్వరి.. మహిళలుగా మనం అన్ని పనుల్ని సమన్వయంతో, సమర్థంగా పూర్తి చేయాలంటే అందుకు ఫిట్గా ఉండడం ఎంతో ముఖ్యమంటున్నారు.
చీరకట్టులో వర్కవుట్.. వీడియో వైరల్!
మహిళలకు ఎదురయ్యే ఆరోగ్య సమస్యలు, పోషకాహార ప్రాముఖ్యం.. తదితర అంశాల గురించి వివరిస్తూ వీడియోలు పోస్ట్ చేసే శార్వరి.. తన ఫిట్నెస్ వీడియోలను సైతం ఎప్పటికప్పుడు అప్లోడ్ చేస్తుంటారు. ఈ క్రమంలో ఇటీవలే చీరకట్టులో వ్యాయామాలు చేస్తోన్న ఓ వీడియోను సైతం పోస్ట్ చేశారామె. సంప్రదాయ చీరకట్టు, ఆభరణాలు ధరించి ముస్తాబైన ఆమె.. ఈ అవుట్ఫిట్లో పుషప్స్, పులప్స్, బరువులెత్తడం.. వంటి వ్యాయామాలు చేశారు. చీరలో ఉన్నా ఎంతో కంఫర్టబుల్గా వర్కవుట్స్ చేస్తూ ఆకట్టుకున్నారామె.
‘మనం రోజూ చీరలో ముస్తాబవ్వం.. కానీ మన సంప్రదాయం ప్రకారం చేసుకునే ప్రతి వేడుకలోనూ చీరకట్టుకు ప్రాధాన్యమిస్తుంటాం. ఇక ఇంట్లో ఉండే చాలామంది మహిళలు రోజంతా చీరలోనే కనిపిస్తుంటారు.. ఆ డ్రస్లోనే ఇంటి పనులన్నీ కంఫర్టబుల్గా పూర్తి చేస్తారు. అందుకే చీరకట్టులో వ్యాయామం చేయడం కూడా సులభమే అని నిరూపించాలనుకున్నా..’ అంటారు శార్వరి.
మనమూ బరువులెత్తచ్చు!
ఇలా తన ఫిట్నెస్ వీడియోలతో ఎంతోమందిలో స్ఫూర్తి నింపే ఈ డాక్టరమ్మ.. బరువు తగ్గి నాజూగ్గా మారిన కొంతమంది మహిళల వెయిట్ లాస్ జర్నీని సైతం ఇన్స్టాలో పంచుకుంటుంటారు. అంతేకాదు.. బరువులెత్తడం గురించి ప్రత్యేకంగా ప్రస్తావిస్తుంటారామె. ఎందుకంటే ఇది మగాళ్ల వ్యాయామం అనుకునే వారే చాలామంది ఉంటారు. కానీ నిజానికి ఈ వ్యాయామం చేయడానికి ఆడ-మగ అన్న తేడా లేదని, పైగా దీనివల్ల మహిళలకు శారీరకంగా, మానసికంగా ఎన్నో ప్రయోజనాలు చేకూరతాయంటున్నారు శార్వరి.
‘చాలామంది అమ్మాయిలు, మహిళలు.. యోగా, ధ్యానం, నడక, డ్యాన్స్.. వంటి వ్యాయామాలు ఎంచుకుంటుంటారు.. బరువులెత్తడానికి అంతగా ఆసక్తి చూపరు. కానీ వయసు పెరిగే కొద్దీ మనలో ఎముకల సామర్థ్యం క్రమంగా తగ్గిపోతుంటుంది. ఆ సమస్య రాకూడదంటే ముందు నుంచే వెయిట్ లిఫ్టింగ్ చేయడం మంచిది. అయితే ఈ క్రమంలో చక్కటి పోషకాహారం తీసుకోవడమూ ముఖ్యమే! తద్వారా అటు శారీరకంగా, ఇటు మానసికంగా, ఎమోషనల్గానూ దృఢంగా మారచ్చు..’ అంటూ బరువులెత్తే వ్యాయామాలపై మహిళల్లో ఉన్న అపోహలు, మూసధోరణుల్ని తొలగించే ప్రయత్నం చేస్తున్నారామె.
‘ఏ పని చేయడానికైనా చీరకట్టు అడ్డు కానే కాదు.. అలాగే వ్యాయామం చేయడానికి కూడా!’ అంటోన్న శార్వరి.. ఆరోగ్యం, ఫిట్నెస్ విషయాల్లో మహిళల్లో స్ఫూర్తి నింపడానికి తానెప్పుడూ రడీగానే ఉంటానంటున్నారు. వృత్తిరీత్యా డాక్టర్, ఫిట్నెస్ ఇన్స్ట్రక్టర్ అయిన ఆమె భర్త, ఇద్దరు కొడుకుల అండతోనే.. అటు ఇంటిని, ఇటు వృత్తిని సమన్వయం చేసుకోగలుగుతున్నానంటోన్న శార్వరి.. కుటుంబ సభ్యుల ప్రోత్సాహం ఉంటే మహిళలు అన్నింటా విజయం సాధించగలరంటున్నారు. 17, 14 ఏళ్ల వయసున్న ఇద్దరు కొడుకులకు తల్లైన శార్వరి.. తన చలాకీతనం రహస్యం కూడా ఫిట్నెస్సే అని చెప్పకనే చెబుతున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పొడవైన శిరోజాలతో... గిన్నిస్బుక్లో..!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
ఆరోగ్యమస్తు
- మెనోపాజా... వ్యాయామం చేయండి!
- ఎండకో గొడుగు..!
- చనుబాలు ఎక్కువగా వస్తున్నాయి.. తగ్గేదెలా?
- హార్మోన్లు సమతులంగా ఉండాలంటే..!
- ఎలక్ట్రోలైట్స్... తాగుతున్నారా?
అనుబంధం
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
యూత్ కార్నర్
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
'స్వీట్' హోం
- రాత్రివేళకి... సుగంధాల రాణి!
- ఈ డ్రింక్తో వేసవి వేడిని తరిమేయండి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
- ప్రకృతికి కోపం తెప్పిస్తున్నారా?
వర్క్ & లైఫ్
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!