మీరు ఏ దువ్వెన వాడుతున్నారు?
సాధారణంగా జుట్టు దువ్వుకోవడానికి మీరు ఏ దువ్వెన వాడతారు? అయినా అదేం ప్రశ్న.. అది అందరూ వాడేదేగా.. ప్లాస్టిక్ దువ్వెన! అంటారా? అది నిజమే అనుకోండి.. కానీ ప్లాస్టిక్ దువ్వెన వల్ల పర్యావరణానికే కాదు.. జుట్టుకూ నష్టమేనంటున్నారు సౌందర్య నిపుణులు.
సాధారణంగా జుట్టు దువ్వుకోవడానికి మీరు ఏ దువ్వెన వాడతారు? అయినా అదేం ప్రశ్న.. అది అందరూ వాడేదేగా.. ప్లాస్టిక్ దువ్వెన! అంటారా? అది నిజమే అనుకోండి.. కానీ ప్లాస్టిక్ దువ్వెన వల్ల పర్యావరణానికే కాదు.. జుట్టుకూ నష్టమేనంటున్నారు సౌందర్య నిపుణులు.
జిడ్డుదనం నుంచి విముక్తికి..
సాధారణంగా కుదుళ్ల నుంచి సహజసిద్ధమైన నూనెలు విడుదలవుతుంటాయి. ఈ క్రమంలో మనం ప్లాస్టిక్ లేదా ఏ ఇతర లోహాలతో తయారుచేసిన దువ్వెనలను ఉపయోగించినా ఆ నూనెలు కేశాలకు అందకుండా ఆయా దువ్వెనలకు అంటుకుపోతాయి. అదే చెక్కతో చేసిన దువ్వెనైతే.. ఈ నూనెల్ని సులభంగా జుట్టంతా పరచుకునేలా చేస్తుంది. తద్వారా కేశాలకు పోషణ అందుతుంది. అలాగే జుట్టు జిడ్డుగా మారకుండా, అదే సమయంలో నిర్జీవంగా కనిపించకుండా జాగ్రత్తపడచ్చు. ఫలితంగా కేశాలు ఆరోగ్యంగా కనిపిస్తాయి.
కుదుళ్లకు ‘మర్దన’!
ప్లాస్టిక్ లేదా ఏ ఇతర లోహాలతో తయారుచేసిన దువ్వెనల కంటే చెక్కతో చేసిన దువ్వెనలు అత్యంత సున్నితంగా ఉంటాయి. మన కుదుళ్లకు కావాల్సింది కూడా ఆ సున్నితత్వమే! అలాకాకుండా కొందరు కుదుళ్లు దురదగా ఉందని పదునుగా ఉండే దువ్వెనతో బలంగా దువ్వుతుంటారు. దానివల్ల కుదుళ్లు డ్యామేజ్ అవుతాయి. అలాకాకుండా సున్నితమైన చెక్క దువ్వెనతో నెమ్మదిగా దువ్వుకోవడం వల్ల ఈ ప్రక్రియ కుదుళ్లకు మసాజ్లా ఉపయోగపడుతుంది. అలాగే ఈ దువ్వెన బ్రిజిల్స్ కుదుళ్లపై ఉండే ఆక్యుపంక్చర్ పాయింట్స్కి సున్నితంగా ఒత్తిడి కలగజేసి.. తద్వారా అక్కడ రక్తప్రసరణ సవ్యంగా జరిగి జుట్టు ఒత్తుగా పెరిగేందుకు దోహదం చేస్తుంది. కావాలంటే ఓసారి ట్రై చేసి చూడండి.. చెక్క దువ్వెనతో దువ్వినప్పుడు ఎంత హాయిగా అనిపిస్తుందో!!
చుండ్రుకు చెక్!
కుదుళ్లు పొడిబారిపోవడం, జిడ్డుదనం, ఆ భాగంలో రాపిడి వల్ల చుండ్రు రావడం మనకు తెలిసిందే. ఈ క్రమంలో- చెక్కతో చేసిన దువ్వెనతో దువ్వడం మంచిదట. ఎందుకంటే- చెక్క దువ్వెన
బ్రిజిల్స్ సున్నితంగా ఉంటాయి.. దీనితో దువ్వినప్పుడు కుదుళ్లలో విడుదలయ్యే సహజ నూనెల్ని జుట్టంతా పరచుకునేలా చేస్తుంది. కాబట్టి ఆ భాగంలో జిడ్డుగా మారదు. తద్వారా కుదుళ్లు ఎప్పటికప్పుడు పరిశుభ్రంగా ఉండి.. చుండ్రు వచ్చే అవకాశం చాలా తక్కువగా ఉంటుంది.
అలర్జీలకు బైబై!
కొంతమందికి కుదుళ్లలో చర్మం సున్నితంగా ఉంటుంది. అలాంటి వారికి ప్లాస్టిక్ లేదా ఏ ఇతర లోహాలతో తయారుచేసిన దువ్వెనలైనా అలర్జీలను కలిగించచ్చు. కాబట్టి అలాంటి వారు చెక్కతో తయారుచేసిన దువ్వెనలు వాడడం వల్ల చెక్కలోని సహజసిద్ధమైన సమ్మేళనాలు కుదుళ్లకు ఎలాంటి హానీ కలిగించవు. ఫలితంగా అటు కుదుళ్లు, ఇటు జుట్టు ఆరోగ్యం దెబ్బతినకుండా జాగ్రత్తపడచ్చు.
ఇవి కూడా!
* ప్లాస్టిక్ దువ్వెనతో బలంగా దువ్వడం వల్ల జుట్టు చివర్లు చిట్లిపోతుంటాయి. అదే చెక్క దువ్వెన సున్నితంగా ఉంటుంది కాబట్టి ఆ సమస్య ఉండదు.
* వెంట్రుకల్లో చిక్కుకున్న దుమ్ము, ధూళిని చెక్క దువ్వెనలు ఈజీగా తొలగిస్తాయి. అదే ప్లాస్టిక్ దువ్వెనలైతే ఈ దుమ్ము, ధూళిని ఆకర్షించి.. మరోసారి దువ్వినప్పుడు అవి మళ్లీ జుట్టులోకి చేరడం, వెంట్రుకలు చిక్కులు పడేలా చేయడం, కేశాల ఆరోగ్యాన్ని దెబ్బతీయడం.. వంటి సమస్యలు తలెత్తుతాయి.
* చెక్క దువ్వెనలు ఎక్కువ కాలం మన్నడంతో పాటు అన్ని జుట్టు తత్వాల వారికీ చక్కగా సరిపోతాయి. అలాగే వీటివల్ల పర్యావరణానికీ ఎలాంటి నష్టమూ జరగదు.
చెక్క దువ్వెనను ఉపయోగించడం వల్ల జుట్టు ఆరోగ్యానికి ఎంత మంచిదో తెలుసుకున్నారుగా! అయితే ఆలస్యమెందుకు.. ప్లాస్టిక్ వాటికి స్వస్తి చెప్పి చెక్క దువ్వెనను ఎంచుకుందాం.. మన కురుల ఆరోగ్యాన్ని కాపాడుకుందాం..!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- హెయిర్ బన్.. స్టైలిష్గా వేసేద్దాం!
- సన్స్క్రీన్... పౌడర్లో!
- వేసవిలో వీటి విషయంలో జాగ్రత్త!
- వ్యాయామం వల్ల మొటిమలు రాకుండా..!
- గడువు దాటితే వద్దు...
ఆరోగ్యమస్తు
- రాగుల్లో దాగున్న ‘ఆరోగ్యం’!
- వేరుశనక్కాయలు తింటే... ధ్యానం చేసినట్లే!
- తేలిగ్గా తీసుకోవద్దు!
- ప్రసవానంతరం పొట్టను ఇలా తగ్గించుకుందాం!
- వ్యాయామం చేయలేకపోతున్నారా?
అనుబంధం
- పోనీ ఇలా చెప్పి చూద్దామా?
- పెళ్లికి ముందు సరేనన్నాడు.. ఇప్పుడు వద్దంటున్నాడు!
- నో చెప్పండిలా!
- అనుమానిస్తున్నాడని నిరూపించేదెలా?
- పిల్లలకీ కావాలో రొటీన్!
యూత్ కార్నర్
- Miss Universe : ఈ ముద్దుగుమ్మదే.. ఆ ఘనత!
- ఆ చక్రాలని నడిపించేది వాళ్లే!
- దాచగలరు..!
- మన గచ్చకాయలాట... కొరియాలో!
- విరాళాలకు వారధిగా.. ఆమె సేవలు!
'స్వీట్' హోం
- వేసవిలో.. ఇల్లు చల్లగా!
- గోవర్ధనాల గుబాళింపు!
- ఇనుప కడాయిలో ఇవొద్దు!
- Green Vegetables : వీటిని ఎలా వండుతున్నారు?
- వాచీ రింగు పూల హంగు!
వర్క్ & లైఫ్
- ఒక్క రోజులోనే.. ఒంటరిగా.. ఆ ప్రాంతాలన్నీ చుట్టేశా!
- ఆ అల్లరి పిల్లే ఇప్పుడు టీచరైంది.. ఈ స్టూడెంట్-టీచర్ కథ చదివారా?!
- ప్రయాణాలకు... చిన్ని సాయాలు!
- ఆర్థికంగా ఎదగాలంటే...
- ఇది మహిళల హోలీ.. మగాళ్లకు నో ఎంట్రీ!