పెళ్లి, పిల్లలే మన జీవితం కాదు... అందుకే అలా చేశాను!
అమ్మాయిలకు కాస్త వయసొస్తే చాలు ‘పెళ్లెప్పుడు?’ అంటారు. అదే పెళ్లైతే ‘పిల్లలెప్పుడు’ అని అడుగుతుంటారు. నిజానికి ఇలాంటి మాటలు మనలాంటి వారికే కాదు....సెలబ్రిటీలకూ ఎదురవుతుంటాయి. ఈ నేపథ్యంలో పెళ్లి, పిల్లలు అనేవి మహిళల జీవితంలో ఒక భాగమే... కానీ అవే మన పూర్తి జీవితాన్ని నిర్వచించలేవంటోంది బాలీవుడ్ నటి తనీషా ముఖర్జీ. ప్రముఖ బాలీవుడ్ తార కాజోల్ సోదరిగా సుపరిచితమైన ఆమె కొద్ది రోజుల క్రితం 43వ వసంతంలోకి అడుగుపెట్టింది.
అమ్మాయిలకు కాస్త వయసొస్తే చాలు ‘పెళ్లెప్పుడు?’ అంటారు. అదే పెళ్లైతే ‘పిల్లలెప్పుడు’ అని అడుగుతుంటారు. నిజానికి ఇలాంటి మాటలు మనలాంటి వారికే కాదు....సెలబ్రిటీలకూ ఎదురవుతుంటాయి. ఈ నేపథ్యంలో పెళ్లి, పిల్లలు అనేవి మహిళల జీవితంలో ఒక భాగమే... కానీ అవే మన పూర్తి జీవితాన్ని నిర్వచించలేవంటోంది బాలీవుడ్ నటి తనీషా ముఖర్జీ. ప్రముఖ బాలీవుడ్ తార కాజోల్ సోదరిగా సుపరిచితమైన ఆమె కొద్ది రోజుల క్రితం 43వ వసంతంలోకి అడుగుపెట్టింది. ఈ సందర్భంగా మాతృత్వం గురించి మాట్లాడిన ఈ ముద్గుగుమ్మ.. నాలుగేళ్ల క్రితం (39 ఏళ్ల వయసులో) తన అండాల్ని భద్రపరచుకున్నట్లు వెల్లడించింది.
కాజోల్ సోదరిగా!
ప్రముఖ బాలీవుడ్ అందాల తార కాజోల్ సోదరిగా హిందీ చిత్ర పరిశ్రమలోకి అడుగుపెట్టింది తనీషా. ‘సర్కార్’, ‘సర్కార్ రాజ్’, ‘ట్యాంగో ఛార్లీ’ సినిమాలతో మంచి గుర్తింపు తెచ్చుకుంది. ఎన్టీర్ సరసన ‘కంత్రి’, ‘నీవల్లే నీవల్లే’ సినిమాలతో తెలుగు సినీ ప్రియులను కూడా పలకరించింది. ప్రముఖ టీవీ రియాలిటీ షోలైన ‘బిగ్బాస్’, ‘ఖత్రోన్ కే ఖిలాడీ’లలో రన్నరప్గా నిలిచి టీవీ ప్రేక్షకులకూ చేరువైంది. అయితే కొన్నేళ్లుగా సినిమా పరిశ్రమకు దూరంగా ఉన్న తనీషా సోషల్ మీడియాలో మాత్రం చురుగ్గా ఉంటోంది. తన ఫ్యాషనబుల్ ఫొటోలతో పాటు తన సామాజిక సేవకు సంబంధించిన ఫొటోలను తరచుగా పంచుకుంటోంది.
39 ఏళ్ల వయసులో!
కెరీర్, సంతాన సమస్యలు, సరైన ప్రణాళిక లేకపోవడం...ఇలా కారణమేదైనా కొంతమంది మహిళలు తమ ప్రెగ్నెన్సీని వాయిదా వేస్తూ వస్తున్నారు. ఇక వయసు పెరిగిన కొద్దీ అండాల నిల్వ తగ్గిపోవడం వల్ల వయసులో ఉన్నప్పుడే తమ అండాల్ని భద్రపరచుకుంటున్న వారు కూడా ఉన్నారు. కొన్ని నెలల క్రితం ప్రముఖ బాలీవుడ్ నటి మోనాసింగ్ పెళ్లికి ముందే ఎగ్ ఫ్రీజింగ్ పద్ధతి (అండాల్ని శీతలీకరించే పద్ధతి)ని ఎంచుకున్నట్లు తెలిపింది. ఈ క్రమంలో తానూ తన 39 ఏళ్ల వయసులో అదే పని చేశానంటోంది తనీషా.
పదేళ్ల క్రితమే ఆ ఆలోచన వచ్చింది!
బాలీవుడ్లో బోల్డ్గా మాట్లాడే ముద్దుగుమ్మల్లో తనీషా కూడా ఒకరు. ఏ విషయం గురించైనా ముక్కుసూటిగా మాట్లాడే ఆమె తాజాగా పెళ్లి, మాతృత్వం గురించి తన అభిప్రాయాలను నిర్మొహమాటంగా పంచుకుంది.
‘పదేళ్ల క్రితమే (33 ఏళ్ల వయసులో) నా అండాలను భద్రపరచాలనుకున్నాను. కానీ వైద్యులు వద్దన్నారు. ఎగ్ ఫ్రీజింగ్ వల్ల శరీరాకృతి దెబ్బతింటుందని, పిల్లలు పుట్టరని ఏమాత్రం నమ్మకం లేనప్పుడే ఈ పద్ధతిని ఎంచుకోవాలన్నారు. దీంతో అప్పుడు ఆ ఆలోచనను విరమించుకున్నాను. కానీ సంతానం విషయంలో కొన్ని ప్రతికూల ఆలోచనలు నా మెదడు చుట్టూ తిరుగుతూనే ఉన్నాయి. దీంతో నాలుగేళ్ల క్రితం (39 ఏళ్ల వయసులో) మరోసారి వైద్యులను సంప్రదించాను. వారి పర్యవేక్షణలో ఎగ్ ఫ్రీజింగ్ పద్ధతిని అనుసరించాను.’
భారీగా బరువు పెరిగాను!
‘ఏ వయసులో పెళ్లి చేసుకోవాలి’? ‘ఎప్పుడు పిల్లల్ని కనాలి’? అనేవి మహిళల వ్యక్తిగత నిర్ణయాలు. ఎగ్ ఫ్రీజింగ్ అనేది కూడా పూర్తిగా నా వ్యక్తిగత నిర్ణయం. ఈ విధానం వల్ల నేను భారీగా బరువు పెరిగాను. ప్రొజెస్టిరాన్ నన్ను బొద్దుగా మార్చేసింది. బరువు సంగతి పక్కన పెడితే ఆ సమయంలో నేను చాలా సంతోషంగా ఉన్నాను. మహిళల జీవితంలో అత్యంత మధుర క్షణాలు ఏవంటే... వారు గర్భంతో ఉన్నప్పుడే. అందుకే గర్భం ధరించిన మహిళలను చూస్తుంటే నాకు ఎంతో సంతోషంగా ఉంటుంది’.
పిల్లలే కావాలనుకుంటే దత్తత తీసుకోవచ్చు!
అయితే- ‘రిలేషన్షిప్, పెళ్లి, పిల్లలు.. మహిళల జీవితంలో ఇవి కేవలం ఒక భాగం మాత్రమే. ఇవే మన పూర్తి జీవితాన్ని నిర్వచిస్తాయనడం నిజం కాదు. పిల్లలే కావాలనుకుంటే...ఈ ప్రపంచంలో ఏ తోడూ, నీడ లేని పిల్లలు ఎందరో ఉన్నారు. వారిని దత్తత తీసుకుని పెంచుకోవచ్చు. ఈ విషయం గురించి ధైర్యంగా మాట్లాడేందుకు మరికొందరు ముందుకు రావాల్సిన అవసరం ఉంది’ అని చెప్పుకొచ్చిందీ ముద్దుగుమ్మ.
ఈ క్రమంలో- వయసు పెరిగిన కొద్దీ అండాల నిల్వ తగ్గిపోయే కారణంగా తనీషా మాదిరిగా వయసులో ఉన్నప్పుడే తమ అండాల్ని భద్రపరుచుకునే వారు ఈ రోజుల్లో పెరిగిపోతున్నారు. పెళ్లి, పిల్లలు అన్నది వ్యక్తిగత నిర్ణయం అయినప్పటికీ - ఈ రకంగా పిల్లల్ని కనడం వాయిదా వేయడం వల్ల వచ్చే సమస్యలేవైనా ఉంటాయా? ప్రత్యేకించి మహిళలు, కుటుంబ వ్యవస్థ కోణం లోంచి ఆలోచిస్తే ఇలాంటి నిర్ణయాలు ఎంతవరకు సమంజసం? మీ అభిప్రాయాలను పంచుకోండి..!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
- పసిడి మెరుపులు... పంచలోహ పట్టీలు!
ఆరోగ్యమస్తు
- చనుబాలు ఎక్కువగా వస్తున్నాయి.. తగ్గేదెలా?
- హార్మోన్లు సమతులంగా ఉండాలంటే..!
- ఎలక్ట్రోలైట్స్... తాగుతున్నారా?
- భవిష్యత్తుపై బెంగతో నిద్రపోవట్లేదట...
- Mangoes: అందుకే తినేముందు నీళ్లలో నానబెట్టాలి!
అనుబంధం
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
యూత్ కార్నర్
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
- ఆ సమయంలో... అయిదేళ్ల పిల్లనైపోతా!
'స్వీట్' హోం
- ఈ డ్రింక్తో వేసవి వేడిని తరిమేయండి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
- ప్రకృతికి కోపం తెప్పిస్తున్నారా?
- ఎయిర్ ప్యూరిఫయర్కు బదులు ఇవి!
వర్క్ & లైఫ్
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!