అంతరిక్షంలోకి వెళ్లాలనుకుంది.. వెళ్తోంది!
భూమిపై నిల్చొని ఆకాశాన్ని అందరూ చూడగలరు... కానీ ఆకాశంలోకి వెళ్లి భూమిని చూడాలనే కోరిక అందరికీ ఉన్నా.. అది నెరవేరేది అతి కొద్దిమంది విషయంలోనే! తాజాగా అలాంటి అరుదైన అవకాశం దక్కించుకుంది శిరీషా బండ్ల. భారత సంతతి, అందులోనూ తెలుగు మూలాలున్న ఆమె చిన్నప్పటి నుంచి నింగిలోకి వెళ్లాలని కలలు కనేదట! ఇప్పుడు ఆ కలను సాకారం చేసుకునే సువర్ణావకాశం వచ్చింది.
Photo: Twitter
భూమిపై నిల్చొని ఆకాశాన్ని అందరూ చూడగలరు... కానీ ఆకాశంలోకి వెళ్లి భూమిని చూడాలనే కోరిక అందరికీ ఉన్నా.. అది నెరవేరేది అతి కొద్దిమంది విషయంలోనే! తాజాగా అలాంటి అరుదైన అవకాశం దక్కించుకుంది శిరీషా బండ్ల. భారత సంతతి, అందులోనూ తెలుగు మూలాలున్న ఆమె చిన్నప్పటి నుంచి నింగిలోకి వెళ్లాలని కలలు కనేదట! ఇప్పుడు ఆ కలను సాకారం చేసుకునే సువర్ణావకాశం వచ్చింది. అమెరికాకు చెందిన ప్రముఖ స్పేస్ ఫ్లైట్ సంస్థ ‘వర్జిన్ గెలాక్టిక్’ ఈనెల 11న ప్రయోగించనున్న అంతరిక్ష నౌకలో శిరీష కూడా ఆకాశయానానికి బయలుదేరుతోంది. దీంతో అంతరిక్షంలోకి అడుగుపెట్టనున్న తొలి తెలుగు మహిళగా ఖ్యాతి గడించిందీ సూపర్ ఉమన్.
ఆరుగురిలో ఆమె!
కల్పనా చావ్లా, సునీతా విలియమ్స్... అంతరిక్షంలోకి అడుగుపెట్టి చరిత్ర సృష్టించిన భారతీయ వనితలు. త్వరలో శిరీష పేరు కూడా ఈ జాబితాలోకి చేరనుంది. అంతరిక్ష పర్యటకాన్ని ప్రోత్సహించే ఉద్దేశంతో అమెరికాకు చెందిన వర్జిన్ గెలాక్టిక్ సంస్థ తమ అంతరిక్ష నౌకను ఈనెల 11న నింగిలోకి పంపించనుంది. ఇప్పటికే మూడుసార్లు స్పేస్ఫ్లైట్లను ఆకాశంలోకి పంపిన ఈ సంస్థ.. ఈ నాలుగో ప్రయోగంలో భాగంగా తొలిసారి మనుషుల్ని అంతరిక్షంలోకి తీసుకెళ్లేందుకు సిద్ధమైంది. దీంతో ఈ అరుదైన అవకాశం దక్కించుకునేందుకు ఇప్పటివరకు 600 మంది పేర్లు నమోదుచేసుకున్నారట. న్యూ మెక్సికో నుంచి బయలుదేరే ఈ స్పేస్క్రాఫ్ట్ ద్వారా మొత్తం ఆరుగురు కంపెనీ ప్రతినిధులు అంతరిక్షంలోకి వెళ్లనున్నారు. వీరిలో ఇద్దరు పైలట్లు, ఆ సంస్థ అధిపతి రిచర్డ్ బ్రాన్సన్తో పాటు అదే సంస్థకు చెందిన మరో ముగ్గురు ప్రతినిధులున్నారు. అందులో భారతీయ సంతతికి చెందిన శిరీష కూడా ఉంది. వర్జిన్ గెలాక్టిక్ ఉపాధ్యక్షురాలి(ప్రభుత్వ వ్యవహారాలు) హోదాలో ఆమె ఈ అంతరిక్షయానానికి బయలుదేరనుంది.
లెక్కలంటే ఇష్టం!
తమ మానవ సహిత అంతరిక్ష యానానికి శిరీష ఎంపికైందని వర్జిన్ గెలాక్టిక్ సంస్థ ప్రకటించగానే ఆమె స్వస్థలం గుంటూరు జిల్లాలో సంబరాలు మొదలయ్యాయి. శిరీష తల్లిదండ్రులు అనూరాధ, మురళీధర్ ఆంధ్రప్రదేశ్లోని గుంటూరు వాస్తవ్యులు. శిరీష పుట్టాక కుటుంబమంతా అమెరికా వెళ్లిపోయి అక్కడే స్థిరపడింది. ప్రస్తుతం వీరు వాషింగ్టన్లో నివాసముంటున్నారు. ఇక చిన్నప్పటి నుంచే ఆస్ట్రోనాట్ కావాలని కలలు కన్న శిరీషకు గణితమన్నా మహా ఇష్టమట! అక్కడి Purdue యూనివర్సిటీలో ఏరోనాటికల్ ఇంజినీరింగ్ పూర్తి చేసిన ఆమె.. ఆపై జార్జిటౌన్ విశ్వవిద్యాలయం నుంచి ఎంబీఏ పట్టా అందుకుంది. చదువు పూర్తయ్యాక కమర్షియల్ స్పేస్ఫ్లైట్ ఫెడరేషన్ (CSF)లో ఇంటర్న్షిప్ (Space Policy Job) చేసింది. అయితే అంతకంటే ముందు టెక్సాస్లోని గ్రీన్విల్లేలో ఉన్న L-3 టెక్నాలజీస్ (గతంలో దీన్ని L-3 కమ్యూనికేషన్స్గా పిలిచేవారు) అనే ఏరోస్పేస్, డిఫెన్స్ కంపెనీలో ఏరోస్పేస్ ఇంజినీర్గా విధులు నిర్వర్తించింది. ఈ క్రమంలో అధునాతన విమాన భాగాలను రూపొందించడంలో కీలక పాత్ర పోషించిందామె. ఇక 2017 నుంచి ‘వర్జిన్ గెలాక్టిక్’ సంస్థలో పనిచేస్తోంది. ప్రస్తుతం ఆ సంస్థ ప్రభుత్వ వ్యవహారాల ఉపాధ్యక్షురాలిగా కొనసాగుతోన్న ఆమె.. అదే హోదాలో అంతరిక్షంలోకి అడుగుపెట్టి తన చిన్ననాటి కలను సాకారం చేసుకోబోతోంది.
సేవలోనూ ముందే!
ప్రస్తుతం ‘అమెరికన్ ఆస్ట్రోనాటికల్ సొసైటీ’, ‘ఫ్యూచర్ స్పేస్ లీడర్స్ ఫౌండేషన్’ బోర్డ్ ఆఫ్ డైరెక్టర్లలో సభ్యురాలిగా కొనసాగుతోంది శిరీష. అంతేకాదు.. తాను చదివిన Purdue యూనివర్సిటీలో ‘యంగ్ ప్రొఫెషనల్ అడ్వైజరీ కౌన్సిల్’ సభ్యురాలిగానూ ఉందామె. ఎప్పుడూ కెరీర్, వృత్తి అంటూ బిజీగా ఉండడమే కాదు.. సేవలోనూ ఆమె ముందే ఉంటుంది. ఈ క్రమంలో కమర్షియల్ స్పేస్ టెక్నాలజీపై ఆసక్తి చూపే విద్యార్థుల కోసం రూపుదిద్దుకున్న ‘Matthew Isakowitz Fellowship Program’లో తన వంతుగా సహకారం అందిస్తోంది శిరీష. కెరీర్లో తాను అందుకున్న విజయాలకు గుర్తుగా 2014లో తానా (తెలుగు అసోసియేషన్ ఆఫ్ నార్త్ అమెరికా) నుంచి ‘యూత్ స్టార్ అవార్డు’ను సైతం అందుకుంది.
అంతరిక్ష యానానికి వెళ్లబోతోన్న తొలి తెలుగు మహిళ శిరీషకు సోషల్ మీడియా వేదికగా పలువురు ప్రముఖులు, నెటిజన్లు అభినందనలు తెలుపుతున్నారు. ‘క్షేమంగా వెళ్లి.. ఎన్నో మధురానుభూతులు మూటగట్టుకొని రమ్మం’టూ ఆశీర్వదిస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
ఆరోగ్యమస్తు
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
- ఎలక్ట్రోలైట్స్... తాగుతున్నారా?
అనుబంధం
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
యూత్ కార్నర్
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
'స్వీట్' హోం
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
- ప్రకృతికి కోపం తెప్పిస్తున్నారా?
వర్క్ & లైఫ్
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!