
పాలుగారే చెక్కిళ్లు.. తేనెలూరే అధరాల వెనకున్న రహస్యాలివే!
‘జగాన అతిశయాలు ఏడైనా... ఓ మాట్లాడే పువ్వా... నువ్వు ఎనిమిదో అతిశయమే.. నింగి లాంటి నీ కళ్లు.. పాలుగారే చెక్కిళ్లు.. తేనెలూరే అధరాలు అతిశయమే..’ అంటూ మగువల సౌందర్యాన్ని వర్ణించడానికి మాటలు చాలక పాట రూపంలో వర్ణించాడో సినీ కవి. ఇంతటి అపురూప లావణ్యానికి తామేమీ తీసిపోమని, అందుకు పూర్వీకుల నుంచి తరతరాలుగా పాటిస్తూ వస్తోన్న సహజసిద్ధమైన సౌందర్య ఉత్పత్తులే కారణమంటున్నారు ‘స్పెయిన్ అతివలు’. బామ్మల సౌందర్య చిట్కాలను క్రమం తప్పకుండా అనుసరిస్తూ తమ అందానికి మెరుగులు దిద్దుతున్నారు. మరి, స్పెయిన్ ముద్దుగుమ్మల ఆ న్యాచురల్ బ్యూటీ సీక్రెట్సేంటో మనమూ తెలుసుకుందాం రండి..
‘ఆలివ్ నూనె’తో అందంగా..!
ఆలివ్ నూనె.. ఆరోగ్యానికి, అందానికి ఇది చేసే మేలు గురించి ఎన్నిసార్లు చెప్పినా, ఎంత చెప్పినా తక్కువనే చెప్పాలి. ప్రకృతి ప్రసాదించిన ఈ తైలం.. చర్మ సమస్యలతో పాటు జుట్టు సమస్యలకూ చెక్ పెడుతుంది. అందుకే ఆలివ్ నూనెను తమ బ్యూటీ రొటీన్లో భాగం చేసుకుంటున్నారు స్పెయిన్ భామలు. స్నానం చేయడానికి గంట లేదా రెండు గంటల ముందు శరీరమంతా ఈ నూనెను అప్లై చేసుకుని నెమ్మదిగా మర్దన చేసుకుంటారు. ఫలితంగా చర్మానికి లోలోపలి నుండి పోషణ అంది.. మేను తేమను కోల్పోకుండా చేస్తుందీ నూనె. అలాగే ఎలాంటి ఫేస్మాస్క్ వేసుకోవాలన్నా.. గోరు వెచ్చని ఆలివ్ నూనెను ముఖానికి రాసుకుని ఆపై మాస్క్ని పూతలా రాసుకుంటారు స్పెయిన్ అతివలు. దీనివల్ల చర్మకణాలకు డ్యామేజ్ జరగకుండా కాపాడుకోవచ్చంటున్నారీ ముద్దుగుమ్మలు. ఇక తమ కురులకు కుదుళ్ల నుండి పోషణను అందించడంలో ముఖ్య పాత్ర ఆలివ్ నూనెదేనట. ఇందుకోసం జుట్టు కుదుళ్ల నుంచి చివర్ల వరకు ఈ నూనెను పట్టించి.. ఆపై రెండు గంటల తర్వాత గాఢత తక్కువగా ఉండే షాంపూతో తలస్నానం చేస్తారు. అంతేకాదు.. తాము తినే ఆహారంలో కూడా ఆలివ్ నూనెను భాగం చేసుకోవడం వల్ల సంపూర్ణ ఆరోగ్యం, అందం తమ సొంతమవుతుందంటున్నారు స్పెయిన్ భామలు.
‘ఉప్పు’తో స్క్రబ్..
పెరిగిపోతున్న కాలుష్యం, దుమ్ము శరీరంపై పేరుకుపోయి ఎన్నో చర్మ సమస్యలకు కారణమవుతున్నాయి. వీటి వల్ల అలర్జీ, మొటిమలు, మచ్చలు, ముడతలు, చర్మం తేమను కోల్పోయి పొడిబారడం.. ఇలా చెప్పుకుంటూ పోతే చర్మ సమస్యలకు సంబంధించి పెద్ద లిస్టే తయారుచేయచ్చు. మరి, ఈ సమస్యలన్నింటి నుంచి విముక్తి పొందాలంటే.. చర్మంపై పేరుకుపోయిన మురికిని స్క్రబ్ ద్వారా శుభ్రం చేస్తే సరి. ఆ ప్రక్రియ కోసం ఉప్పును వాడుతూ తమ శరీరాన్ని మృదువుగా మార్చుకుంటున్నారు స్పెయిన్ అందాలు. స్నానమాచరించడానికి ముందు లేదా తీరిక సమయాల్లో ఉప్పుకి కాస్త తేనె, ఆలివ్ లేదా కొబ్బరి నూనె, ఏదైనా ఎసెన్షియల్ నూనెలను కలిపి స్క్రబ్లా తయారుచేసుకోవాలి. దీన్ని శరీరానికి మాస్క్లా పట్టించి.. ఆపై మృదువుగా రుద్దాలి. ఈ ప్రక్రియ వల్ల ఉప్పు చర్మంపై పేరుకున్న మురికిని వదలగొడుతుంది. తేనె, నూనెలు చర్మానికి మాయిశ్చరైజర్గా పనిచేస్తాయి. ఇక ఎసెన్షియల్ నూనె వల్ల చర్మం పరిమళభరితంగా మారుతుంది. ఇలా స్పెయిన్ మహిళలు తమ చర్మాన్ని శుభ్రపరచుకోవడంతో పాటు.. అదే సమయంలో మేనికి పోషణను కూడా అందిస్తున్నారు.
‘బంగాళాదుంప’తో కంటికి స్వాంతన!
రుచిలోనే కాదు అందానికి మెరుగులద్దడంలోనూ బంగాళాదుంప కింగ్ అని చెప్పచ్చు. అందుకే స్పెయిన్ మగువలు కూడా తమ అందానికి అదనపు హంగులద్దడానికి బంగాళాదుంపను తమ బ్యూటీ రొటీన్లో చేర్చుకుంటున్నారు. విశ్రాంతి లేకపోవడం, నిద్రలేమి.. వంటి పలు కారణాల వల్ల కళ్లు అలసిపోవడం సహజం. ఈ సమస్యను పోగొట్టి కంటిని తిరిగి పునరుత్తేజితం చేయాలంటే బంగాళాదుంపని స్లైసుల్లా సన్నగా కట్ చేసి అలసిన కళ్లపై కాసేపు ఉంచుకుంటే సరిపోతుంది. అచ్చం కీరదోసలాగే కళ్లకు సాంత్వన అందిస్తుందీ దుంప. అంతేకాకుండా ఈ చిట్కాను క్రమం తప్పకుండా పాటించడం వల్ల కళ్ల కింద ఏర్పడిన నల్లటి వలయాలను దూరం చేసుకోవచ్చు. అలాగే మోచేతులు, మోకాళ్లు, మెడ భాగంలో కూడా చాలామందికి నల్లగా ఉంటుంది. అలాంటి వారు ఆయా ప్రదేశాల్లో గుండ్రంగా కట్ చేసిన బంగాళాదుంప ముక్కలతో కాసేపు రుద్దుకొని చల్లని నీటితో శుభ్రం చేసుకోవాలి. ఇలా క్రమం తప్పకుండా చేయడం వల్ల ఆ సమస్య నుంచి త్వరగా బయటపడచ్చు.
కురులకు నేచురల్ కలర్..
ఫ్యాషన్ అని, అందంగా కనిపిస్తామని ప్రస్తుతం చాలామంది అమ్మాయిలు తమ జుట్టుకు రకరకాల రంగులను అద్దడం కామనైపోయింది. కానీ ఆ కలర్స్లో వాడే రసాయనాల వల్ల జుట్టు పొడిబారడం, రాలిపోవడం వంటి సమస్యలను ఎదుర్కోవాల్సి వస్తుంది. జుట్టుకు ఆరోగ్యాన్నందించడంతో పాటు.. కలర్ని అందించే అద్భుతమైన చిట్కా తమ వద్ద ఉందంటున్నారు స్పెయిన్ అతివలు. అది కూడా సహజసిద్ధమైనదేనట! అందుకోసం వారు పావు కప్పు క్రాన్ బెర్రీ రసానికి, పావు కప్పు నీళ్లను కలిపి మిశ్రమంగా తయారుచేస్తారు. తలస్నానం అనంతరం జుట్టును ఈ నీటితో శుభ్రం చేసుకుంటారు. ఫలితంగా జుట్టు సహజంగానే చక్కటి రంగులోకి మారడంతో పాటు కుదుళ్లకు పోషణ కూడా అందుతుంది. అలాగే ఈ మిశ్రమం జుట్టుకు కండిషనర్గానూ పనిచేస్తుంది. అందులో కాస్త లేత రంగు కావాలనుకుంటే దానికి ఓ చెంచా నిమ్మరసం కలిపితే సరి. ఈ చిట్కా వల్ల కురులకు లేత రంగును అద్దడంతో పాటు.. చుండ్రు కూడా మటుమాయం అవుతుంది.
హమామ్ బాత్..
హమామ్.. ఈ ప్రక్రియ ఇస్లామిక్ బ్యూటీ పద్ధతుల్లో ఒకటి. కొన్ని వందల సంవత్సరాల క్రితం ఆ దేశం నుంచి వలస వచ్చిన వారి ద్వారా ఈ పద్ధతి స్పెయిన్లోకి ప్రవేశించింది. అప్పటి నుండి దీన్ని తమ న్యాచురల్ బ్యూటీ ట్రీట్మెంట్స్లో ఒకటిగా ఆచరిస్తున్నారు స్పెయిన్ బ్యూటీస్. ఆవిరి స్నానాన్ని పోలి ఉండే ఈ బాత్ ద్వారా నఖశిఖపర్యంతం ఏకకాలంలో శుభ్రం చేసుకోవచ్చు. దీని కోసం ముందుగా ఏదైనా న్యాచురల్ స్క్రబ్ని ఉపయోగించి శరీరమంతా నెమ్మదిగా, మృదువుగా రుద్దుకోవాలి. ఆపై గోరువెచ్చని నీటితో స్నానం చేయాలి. ఇక స్నానమాచరించిన అనంతరం శరీరం మొత్తానికి ఏకకాలంలో ఆవిరి పట్టించాలి. ఫలితంగా చర్మగ్రంథులు తెరచుకొని లోపల ఉండిపోయిన మురికి, దుమ్ము బయటికి వెళ్లిపోతుంది. అలాగే ఈ ప్రక్రియ వల్ల రక్తప్రసరణ మెరుగుపడుతుంది. కనీసం వారానికి ఒక్కసారైనా ఈ హమామ్ బాత్ చేయడం వల్ల శరీరం శుభ్రమవడంతో పాటు మానసిక ఒత్తిళ్లు మటుమాయమై ప్రశాంతత దరిచేరుతుంది. ఇలా అటు అందానికి, ఇటు ఆరోగ్యానికి.. మరోవైపు మానసికంగానూ ఎంతో మేలు చేస్తుందీ స్నానం.
చూశారుగా.. ఇంట్లోనే లభించే సహజసిద్ధమైన పదార్థాలతో స్పెయిన్ మగువలు ఎంత అందంగా మెరిసిపోతున్నారో! మరి, మనం కూడా ఈ న్యాచురల్ బ్యూటీ ట్రీట్మెంట్స్ని మన రోజువారీ బ్యూటీ రొటీన్లో భాగం చేసుకొని అందాల రాణులుగా వెలిగిపోదామా!!
Advertisement
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని

కాలి మెట్టె.. కాస్త నాజూగ్గా!
నగల్లో భారీతనం నేటి అమ్మాయిలకు నప్పడం లేదు. సన్నగా, నాజూగ్గా ఉండేవాటికే వారి ఓటు. మెట్టెలూ అందుకు మినహాయింపు కాదు. అలా చూసే వారికోసమే వస్తున్నాయీ నాజూకైన టో రింగ్స్. సన్నటి తీగకు చిన్న పూసలు, ముత్యాలు, రాళ్లతో సిద్ధమవుతున్నాయిలా. మహిళల మృదువైన పాదాల వేళ్లకు మరింత అందాన్ని తెచ్చేస్తూ బాగున్నాయి కదూ!తరువాయి

పట్టుచీరను ప్రత్యేకంగా..
శుభకార్యాలకు వెళ్లాలన్నా, ప్రత్యేక సందర్భం, పండుగలకైనా ధరించేది పట్టుచీరే. వీటి ఖరీదు వేల నుంచి లక్షల్లోనే ఉంటుంది. నచ్చిన పట్టుచీర కొనుక్కోగానే సరిపోదు, వాటిని జాగ్రత్తగా పరిరక్షిస్తే దశాబ్దాల తరబడి ఉపయోగించుకోవచ్చు అంటున్నారు నిపుణులు. ఇందుకు కొన్ని చిట్కాలూ.. చెబుతున్నారు.తరువాయి

జీన్స్తో కుర్తీ జత కలిస్తే..
వదులైన లేదా ఒంటికి పట్టినట్లుండే చొక్కా, స్వెట్ బనియన్ వంటివి గతంలో జీన్స్పై అందంగా ఇమిడిపోయేవి. ప్రస్తుతం అదే జీన్స్తో అసిమెట్రికల్ ప్రింట్ బ్లవుజు, హై లో టాప్ ఫ్రంట్ ఓపెన్ షర్ట్ ఫ్రాక్, లాంగ్లైన్ షర్ట్, స్ప్లిట్ షర్ట్, మెర్మెయిడ్ బ్లవుజు, లాంగ్ కోట్, ట్యూనిక్ బ్లవుజు, షిప్ట్ టాప్ అంటూ రకరకాల టాప్స్, కుర్తీలు జత కడుతున్నాయి. కొంగొత్తగా కనిపిస్తూ.. నయా ట్రెండ్కు అర్థం చెబుతున్నాయి....తరువాయి

మొటిమల నొప్పా?
అందమైన ముఖంపై దిష్టిచుక్కల్లా మొటిమలు కనిపిస్తుంటేనే చిరాకు. అలాంటిది కొన్నిసార్లు నొప్పీ పెడుతుంటాయి. భరించలేక పోతున్నారా? ఈ చిట్కాలను పాటించేయండి. సలిపినట్లుగా నొప్పి వస్తోంటే చాలామంది గిల్లుతుంటారు. అది పరిస్థితిని దిగజారుస్తుంది. కాబట్టి ఆ అలవాటు మానుకోండి. ముందు ముఖాన్ని శుభ్రంగా కడిగి, పొడి వస్త్రంతో తుడవాలి...తరువాయి

గుడ్డుతో మచ్చలు మాయం...
ముఖంపై మచ్చలు, ఎండవల్ల కమిలి నలుపుగా మారిన ప్రాంతాన్ని మళ్లీ పూర్వ స్థితికి తీసుకురావచ్చు. ఇందుకోసం కొన్ని టిష్యూపేపర్లు, కోడిగుడ్డు ఉంటే చాలు. కోడిగుడ్డులోని తెల్లసొనను ఓ గిన్నెలోకి తీసుకోవాలి. ముఖాన్ని మురికి లేకుండా శుభ్రం చేసి మెత్తని వస్త్రంతో తుడవాలి. తెల్లసొనలో బ్రష్ ముంచి దాన్ని ముఖంపై లేపనంలా రాసి, కంటిభాగం తప్ప, మిగతా...తరువాయి

నెక్టైలా.. నగ
పార్టీ లేదా సమావేశాలకు ధరించే షర్ట్, బ్లేజర్ వంటి అవుట్ఫిట్స్తో జతకట్టే నెక్టై ఇప్పుడు నగలా మారింది. చోకర్ నెక్లెస్లా మెరిసే క్రిస్టల్స్ టై నక్లెస్, రాళ్లు పొదిగిన పెండెంట్స్, ముత్యాలు, పూసలు, రకరకాల బీడ్స్తో రూపొందించిన అందమైన డిజైన్లు ఇప్పుడు నెక్టై నగలయ్యాయి. నయా ట్రెండ్గా నిలుస్తూ.. ఆధునికతకు సంప్రదాయ మెరుపును అందించి, మెడలో తళుక్కుమంటున్న ఈ కొత్త ఆభరణాలు చూడటానికి భలేగున్నాయి కదూ..తరువాయి

నేను తిరిగి నా జుట్టుని పొందగలనా?
మేడమ్.. నా వయసు 21 సంవత్సరాలు. నేను నాలుగేళ్ల క్రితం రక్తహీనతతో బాధపడ్డాను. ఆ సమయంలో జుట్టు రాలిపోయి పల్చగా మారింది. దానివల్ల మా ఇంట్లో వాళ్లు నాకు గుండు చేయించారు. అయినా నా జుట్టు ఆరోగ్యంగా పెరగలేదు. డాక్టర్ దగ్గరికి వెళ్తే శరీరంలో రక్తం తక్కువగా ఉందని....తరువాయి

కురులు వేగంగా పెరగాలా?
పొడవైన జుట్టు చాలామంది అమ్మాయిల కల. కానీ అదేమో త్వరగా ఎదగట్లేదు అని బాధపడుతున్నారా? ఇందుకు షాంపూలు మారుస్తూ పోతే సరిపోదు. లోపల్నుంచీ పోషణ కావాలంటున్నారు నిపుణులు. కొన్నింటిని రోజువారీ ఆహారంలో భాగం చేసుకోమంటున్నారు. గుడ్డు.. జుట్టు పెరుగుదలలో తోడ్పడే బయోటిన్ అనే ప్రొటీన్ దీనిలో పుష్కలం. వెంట్రుకల ఫాలికిల్స్ ప్రొటీన్తో నిర్మితమై ఉంటాయి. అది లోపించిందో పెరుగుదల నెమ్మదించడమే కాదు.. వెంట్రుకలుతరువాయి

Tattooed Skin : ఈ జాగ్రత్తలు తీసుకోవాల్సిందే!
ఫ్యాషన్, అభిరుచితో శరీరంపై ట్యాటూలు వేయించుకోవడం ఇప్పుడు ట్రెండ్గా మారింది. అయితే వాటిని చూసుకొని మురిసిపోవడం కాకుండా.. అక్కడి చర్మం విషయంలో ప్రత్యేక శ్రద్ధ వహించాలని చెబుతున్నారు నిపుణులు. లేకపోతే.. పచ్చబొట్టు పొడిపించుకున్న చర్మం, దాని చుట్టూ.....తరువాయి

మీ మేకప్లో ఇవి ఉన్నాయా?
వర్షాకాలం కదా... మేకప్ చెక్కు చెదరకూడదని కంటికి వాటర్ప్రూఫ్ మస్కారా వేస్తున్నారా? నూనె తక్కువ పడుతుంది... పాత్రలు కష్టపడి తోమే శ్రమ తప్పుతుందని నాన్స్టిక్ పాత్రల్నే వాడుతున్నారా? మరకలు పడని దుస్తులు, మిసమిసలాడే రగ్గులపై మనసు పారేసుకుంటున్నారా? ఈ అలవాట్లు మీకూ ఉంటే ఫరెవర్ కెమికల్స్ మీ ఆరోగ్యాన్ని దెబ్బతీసే ప్రమాదం ఉందని అంటున్నారు నిపుణులు..తరువాయి

మెంతులతో ముఖం మెరుపు...
ఏ,సీ,కే విటమిన్లు, పొటాషియం, కాపర్, జింక్ వంటి ఖనిజ లవణాలున్న మెంతులు ముఖాన్ని మెరుపులీనేలా చేస్తాయి. ఆరోగ్యానికే కాదు, అందాన్ని పరిరక్షించడంలోనూ ఇవి ముందుంటాయి అంటున్నారు నిపుణులు. రెండు చెంచాల మెంతులను శుభ్రం చేసి రాత్రంతా గ్లాసు నీటిలో నాననివ్వాలి. ఆ తర్వాత మిక్సీలో పేస్టులా చేసి వడకట్టగా వచ్చిన నీటిని ఓ గిన్నెలో తీసుకోవాలి. ఇందులో చెంచా మొక్కజొన్నపొడి వేసితరువాయి

ఆభరణాల్లో అలనాటి నాణేలు..
వందల ఏళ్లనాటి విలువైన నాణేలు, ప్రతిష్ఠాత్మకమైన జ్ఞాపకచిహ్నాల ప్రతిరూపాలు ఆభరణాల్లో ఒదిగిపోతే ఎలా ఉంటుందని కల కంటున్నారా. ఇదే ఆలోచన డిజైనర్లకూ.. వచ్చింది. ఎలిజబెత్ జ్ఞాపక చిహ్నం, స్టాట్యూ ఆఫ్ లిబర్టీగుర్తు, దేశాల స్వాతంత్య్ర చిహ్నాలు, ప్రపంచదేశ నాణేలన్నీ లాకెట్ డాలర్లుగా, బ్రాస్లెట్స్, ఉంగరాల్లో ఇమిడితరువాయి

ఫోనుంటే చాలు!
స్మార్ట్ఫోను వచ్చాక కెమెరా, ఐపాడ్.. ఇలా ఎన్నో పక్కకు వెళ్లిపోయాయి. డబ్బులకూ స్కాన్ చేస్తే సరిపోతుంది. అయినా ఇయర్ఫోన్, ఐపాడ్స్, కార్డులు ఇతర అవసరాలకు పర్సు, హ్యాండ్ బ్యాగ్ కావాల్సిందే! ఆ పరిస్థితీ మార్చాలనుకున్నట్లున్నారు తయారీదారులు. వీటినే కాదు మేకప్, లిప్బామ్, అద్దం, కార్డ్హోల్డర్ వంటి వాటినీ ఫోన్కేస్కే అమరుస్తున్నారిలా! ఇకపై ఫోన్ ఒక్కటి చేతిలో ఉంటే చాలన్నమాట!తరువాయి

పత్రం... పుష్పం... సోయగం!
బంగారం, వెండి నగలు ఎన్ని పెట్టుకున్నా... ఇవన్నీ సహజమైన ప్రకృతి అందం ముందు దిగతుడుపే కదా! మాకూ ప్రకృతి అందాలంటేనే ఇష్టం అనుకొనేవారికోసం కొత్తరకం నగలు వస్తున్నాయి. అసలైన ఆకులు, పూలతో చేసిన నగలు ఇవి. చెవిపోగులు, పెండెంట్లు, ఉంగరాలుగా సందడి చేస్తున్న ఈ ఒరిజనల్ లీఫ్ ఫ్యాషన్ సొగసులని ఓసారి చూసేయండి..తరువాయి
ఆరోగ్యమస్తు
- పొరపాటు చేస్తున్నారేమో..!
- ప్రసవం తర్వాత.. ఆ భాగం బిగుతుగా మారాలంటే..
- ఈ పోషకాలతో సంతాన భాగ్యం!
- అరచేతుల్లో విరబూసే గోరింట ఆరోగ్యానికీ మంచిదే..!
- యోగా చేస్తున్నది ఏడు శాతమే!
అనుబంధం
- సారీతో నేర్పించొచ్చు
- బంధానికి ‘బ్రేక్’ ఇవ్వకండి..!
- పండంటి జీవితానికి పంచ సూత్రావళి
- పిల్లల్ని వాళ్ల గదిలో ఎప్పుడు పడుకోబెట్టాలి?
- వేధింపులకు గురవుతున్నారేమో..
యూత్ కార్నర్
- అలుపు లేదు... గెలుపే!
- కోట్ల మందిని నవ్విస్తోంది
- ఒకటే గొప్పనుకుంటే.. ఆరు చోట్ల సాధించింది!
- అందాల.. గిరి కన్య
- Down Syndrome: అప్పుడు ప్రతి క్షణాన్ని ఆస్వాదించా..!
'స్వీట్' హోం
- పిల్లలు తక్కువ బరువుంటే..
- మొక్కలకు ఆహార కడ్డీలు..
- Cleaning Gadgets: వీటితో సులభంగా, శుభ్రంగా..!
- వర్షాల వేళ వార్డ్రోబ్ జాగ్రత్త!
- ఈ మొక్కతో ఇంటికి అందం, ఒంటికి ఆరోగ్యం!
వర్క్ & లైఫ్
- ఆఫీసులో ఆవేశాలొద్దు...
- Notice Period: ఉద్యోగం మానేస్తున్నారా?
- ఫుల్టైం ఉద్యోగం చేయమంటున్నారు!
- కొత్త పెళ్లికూతుళ్లు.. వీటి గురించే తెగ వెతికేస్తున్నారట!
- పెదనాన్న ఆస్తి నేను రాయించుకోవచ్చా?
సూపర్ విమెన్
- అందుకే పీహెచ్డీ వదిలేసి వ్యవసాయం చేస్తోంది!
- Miss India Sini Shetty: చిన్నప్పటి నుంచే కలలు కంది.. సాధించింది!
- 70ల్లో... 80 పతకాలు!
- ఆమె నగ... దేశదేశాలా ధగధగ
- ఆహార సేవకులు