Home Office: చలికాలంలో ఈ మార్పులు చేసుకోవాల్సిందే!
సహజంగానే ఈ చలికాలంలో ఏ పనీ చేయాలనిపించదు.. ఆఫీస్లో కూర్చొని పనిచేయడం కూడా బద్ధకంగానే అనిపిస్తుంది. ఇక అలాంటిది ఇంటి వద్ద నుంచి పనంటే హాయిగా దుప్పటి కప్పుకొని పడుకోవాలనిపిస్తుంది. మరి, ఇలాంటి బద్ధకాన్ని వీడి చురుగ్గా పనిచేయాలంటే.. పని చేసే ప్రదేశంలో పలు మార్పులు చేర్పులు చేసుకోవాలంటున్నారు నిపుణులు.
సహజంగానే ఈ చలికాలంలో ఏ పనీ చేయాలనిపించదు.. ఆఫీస్లో కూర్చొని పనిచేయడం కూడా బద్ధకంగానే అనిపిస్తుంది. ఇక అలాంటిది ఇంటి వద్ద నుంచి పనంటే హాయిగా దుప్పటి కప్పుకొని పడుకోవాలనిపిస్తుంది. మరి, ఇలాంటి బద్ధకాన్ని వీడి చురుగ్గా పనిచేయాలంటే.. పని చేసే ప్రదేశంలో పలు మార్పులు చేర్పులు చేసుకోవాలంటున్నారు నిపుణులు. అప్పుడే చక్కటి ఉత్పాదకతనూ అందించచ్చంటున్నారు. మరి, వింటర్ బ్లూస్ను అధిగమించే ఆ మార్పులేంటో తెలుసుకుందాం రండి..
ఎండ పడేలా!
చలికాలంలో శరీరం వెచ్చదనాన్ని కోరుకోవడం సహజం. ఈ క్రమంలోనే కాసేపు ఎండలో గడుపుతాం. అలాగని గంటల తరబడి ఎండలో కూర్చోవడం సాధ్యం కాదు.. అయినా వెచ్చదనం అందాలంటే మీరు పనిచేసుకునే టేబుల్/కుర్చీని ఎండ పడే కిటికీ వద్దకు మార్చుకోవచ్చు. ఇక మీపై ఎండ నేరుగా పడకుండా ఉండేందుకు కిటికీ తలుపులు మూయడం, పల్చటి కర్టెన్ వేయడం.. వంటివి చేస్తే.. గదిలో వెచ్చదనం నిండి చలిగా ఉందన్న ఫీలింగే రాదు.. ఫలితంగా ఎలాంటి బద్ధకం లేకుండా హాయిగా పని చేసుకోవచ్చు. ఒకవేళ ఇలాంటి కిటికీ సదుపాయం లేని వాళ్లు రూమ్ వార్మర్స్ ఏర్పాటు చేసుకోవచ్చు.
ఫ్యాబ్రిక్తో మ్యాజిక్!
చలికాలంలో ఇంట్లో వెచ్చదనాన్ని పంచేలా పలు మార్పులు చేర్పులు ఎలాగైతే చేసుకుంటామో.. అలాగే పని ప్రదేశాన్ని వెచ్చగా మార్చుకోవచ్చంటున్నారు నిపుణులు. ఈ క్రమంలో మీరు కూర్చునే కుర్చీపై వెల్వెట్/ఉన్ని ఫ్యాబ్రిక్తో తయారుచేసిన కుషన్ని ఉపయోగించడం, కాళ్ల కింద మందపాటి కార్పెట్ పరచుకోవడం, గదిలోని వెచ్చదనం బయటికి పోకుండా కిటికీలకు వెల్వెట్ లేదా మందపాటి కర్టెన్లు అమర్చుకోవడం, బయటి వేడి గదిలోకి రావడానికి వీలుగా లేయర్డ్ కర్టెన్లు ఉపయోగించడం, చెక్క ఫర్నిచర్ (టేబుల్/కుర్చీ మొదలైనవి) వాడడం.. వల్ల గదిలో వెచ్చదనాన్ని నింపుకోవచ్చు. అలాగే గదినీ ఆకర్షణీయంగా మార్చుకోవచ్చు.
పచ్చదనం.. వెచ్చదనం!
పచ్చపచ్చటి మొక్కలు మన మనసుకు ఆహ్లాదాన్నిస్తాయి. అందుకే పని ప్రదేశంలో ఇండోర్ మొక్కల్ని ఏర్పాటు చేసుకోవడం చాలామందికి అలవాటుగా మారిపోయింది. అయితే ఈ చలికాలంలో వీటి వల్ల గదిలో చలి పెరిగిపోతుందేమో అనుకుంటారు చాలామంది. ఇది నిజమే అయినా.. వెచ్చదనాన్ని పంచే మొక్కలు కూడా కొన్నున్నాయంటున్నారు నిపుణులు. ఉదాహరణకు.. క్రిస్మస్ కాక్టస్, ఆర్చిడ్, పోల్కా డాట్ ప్లాంట్, డైసీ పుష్పాలు.. వంటి ఇండోర్ మొక్కల్ని పని ప్రదేశంలో ఏర్పాటు చేసుకుంటే అటు వెచ్చదనాన్ని ఆస్వాదించచ్చు. ఇటు వాటి రంగులతో మనసునూ ఉత్తేజపరచుకోవచ్చు.
ఒత్తిడి మాయం!
కొన్ని రకాల సువాసనలు మనసులోని ఒత్తిళ్లు, ఆందోళనల్ని మాయం చేసి మానసిక ప్రశాంతతను అందిస్తాయని పలు అధ్యయనాలు చెబుతున్నాయి. అందుకే ఈ రోజుల్లో చాలామంది రూమ్ ఫ్రెష్నర్స్, ఇతర పరిమళాల్ని ఆయా గదుల్లో ఏర్పాటు చేసుకుంటున్నారు. అయితే వీటితో పాటు సెంటెడ్ క్యాండిల్స్కి కూడా పని ప్రదేశంలో చోటిస్తే.. ఇటు పరిమళాల్నీ ఆస్వాదించచ్చు.. అటు క్యాండిల్ వేడికి గదిలో వెచ్చదనాన్నీ నింపుకోవచ్చు.
వీటితో పాటు శరీరాన్ని వెచ్చగా ఉంచేలా ఆహారంలో సైతం మార్పులు చేసుకోవాలంటున్నారు నిపుణులు. ముఖ్యంగా హెర్బల్ టీలు, ఓట్స్, చిలగడదుంప, అరటిపండు.. వంటివి తీసుకుంటే ఫలితం ఉంటుంది. అలాగే ఉన్ని దుస్తులు/మందపాటి దుస్తులు ధరించడం వల్ల కూడా చలి నుంచి రక్షణ పొందచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ధవళవర్ణంలో దేవకన్యలా..!
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- ప్రయోగాలతో నేర్పిద్దామా?
- పెంపకంబట్టి ఎదుగుతారు.!
- నాన్నంటే భయపడుతున్నారు..!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!