FIFO: వృథాకు చెక్ పెట్టండిలా..!
'అన్నం పరబ్రహ్మ స్వరూపం' అంటారు పెద్దలు. అంటే మనం తీసుకునే ఆహార పదార్థాలేవైనా.. అవి భగవంతుడితో సమానమన్నమాట. కానీ మనలో చాలామంది వండేటప్పుడు ఇష్టం వచ్చినంత మోతాదులో ఆహారపదార్థాలను వండేయడం.. ఆ తర్వాత వాటిని తినలేక పడేయడం..
'అన్నం పరబ్రహ్మ స్వరూపం' అంటారు పెద్దలు. అంటే మనం తీసుకునే ఆహార పదార్థాలేవైనా.. అవి భగవంతుడితో సమానమన్నమాట. కానీ మనలో చాలామంది వండేటప్పుడు ఇష్టం వచ్చినంత మోతాదులో ఆహారపదార్థాలను వండేయడం.. ఆ తర్వాత వాటిని తినలేక పడేయడం.. వంటివి ఎక్కువగా చేస్తుంటారు. అలాగే కొనుగోలు చేసే సమయంలో కూడా అవసరానికి మించి కొనుగోలు చేసేయడం.. అవి పాడైపోతే వృథాగా పారేయడం..! దీనివల్ల ఇటు విలువైన డబ్బు వృథా అవడమే కాకుండా.. ఆయా ఆహారపదార్థాలు ఎవరికీ పనికిరాకుండా పోతాయి. అందుకే ఇంట్లో ఆహారపదార్థాల వృథాకు ఎలా కళ్లెం వేయాలో తెలుసుకుంటే, వాటిని పాటిస్తూ.. ఇటు మీ బడ్జెట్ని, అటు ఆహారాన్ని కూడా కాపాడుకోవచ్చు.
షాపింగ్ నుంచే..
చాలామంది షాపింగ్కి వెళ్లేటప్పుడు ఇంట్లో ఏయే పదార్థాలున్నాయి.. ఏం లేవు.. అన్నవి చూసుకోకుండానే బయల్దేరుతుంటారు. దాంతో బజారుకు వెళ్లిన తర్వాత అన్నీ అవసరమే అనిపిస్తుంది. ఫలితంగా అవసరం లేని వస్తువులు సైతం కొంటుంటారు. దీనివల్ల పాతవి, కొత్తవి.. వస్తువులన్నీ కలిపి ఉపయోగించాల్సి రావడంతో కొన్ని పదార్థాలు పాడైపోయే అవకాశం లేకపోలేదు. అందుకే షాపింగ్కి వెళ్లేటప్పుడే ఏమేం కావాలో చూసుకోవడం మంచిది.
ఎక్కువ వద్దు..
మీరు వస్తువులను కొనాలనుకున్నప్పుడు ఎంత మొత్తంలో కావాలనుకుంటే అంతే మొత్తంలో కొనేలా చూసుకోండి. ఉదాహరణకు మీకు వారానికి కేవలం పావు కేజీ పచ్చిమిర్చి మాత్రమే అవసరం అనుకోండి. సూపర్మార్కెట్లో ప్యాకెట్ ఉంది కదా అని కేజీ కొనేయడం వల్ల అవి పాడయ్యే అవకాశం ఉంటుంది.
FIFO పద్ధతి పాటించండి..
నిత్యావసరాలు లేదా కూరగాయలు కొన్న తర్వాత కూడా అందులో ముందుగా పాడైపోయే వస్తువులేంటో గుర్తించి, వాటిని వీలైనంత త్వరగా ఉపయోగించడం వల్ల వృథాను అరికట్టే వీలు కలుగుతుంది. వృథాను అరికట్టడానికి FIFO అనే పద్ధతిని పాటించమని చెబుతారు నిపుణులు. ఫస్ట్ ఇన్, ఫస్ట్ అవుట్.. అంటే.. మొదట లోపల ఉంచిన లేదా కొనుగోలు చేసిన దాన్ని మొదట బయటకు తీసి, ఉపయోగించడం అన్నమాట. దీనికోసం కొత్తగా తీసుకొచ్చిన వస్తువులను వెనుకగా, అంతకంటే ముందు తీసుకొచ్చిన వస్తువులను ముందుగా ఉంచడం వల్ల ముందు వీటినే ఉపయోగించే వీలుంటుంది.
వృథాను రాసేయండి..
వండిన పదార్థాలను తినగా మిగిలినవి పడేయడం చాలామందికి అలవాటే. కానీ వాటిని వృథా చేయకుండా వీలైనంతగా తిరిగి ఉపయోగించే ప్రయత్నం చేయండి. ఒకసారి వండిన పదార్థాలను మళ్లీ మరో రకంగా ఉపయోగించే వీలుందేమో ప్రయత్నించండి. ఫ్రిజ్లో 'క్విక్ ఈట్మీ బాక్స్' బాక్సును ఉంచడం వల్ల అందులో ఉంచిన పదార్థాలు త్వరగా తినే అవకాశం ఉంటుంది. తద్వారా వృథాకు చెక్ పెట్టవచ్చు. పాడయ్యే వస్తువులను, పడేసే వస్తువులను లిస్టు రాసుకోవడం వల్ల ఆ తర్వాత అలాంటివాటిని తక్కువగా కొనే వీలుంటుంది. అంతేకాదు.. ఫ్రిజ్ ఉష్ణోగ్రతను 1 నుంచి 5 డిగ్రీల మధ్య ఉంచుకోవడం వల్ల ఆహారపదార్థాలు తొందరగా పాడవకుండా జాగ్రత్తపడచ్చు.
చూశారుగా.. ఆహారపదార్థాల వృథాను ఎలా అరికట్టవచ్చో.. మరి, మీరూ వీటిని ప్రయత్నించి, వృథాకు కళ్లెం వేయండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వేసవిలో ట్యాన్ సమస్య తగ్గాలంటే..!
- అడ్డిగ... అందాల నగ!
- ఇలా చేస్తే.. అందం తగ్గదు..!
- నాకు ఏ క్రీమ్?
- స్ట్రెచ్ మార్క్స్.. తగ్గట్లేదా..?
ఆరోగ్యమస్తు
- అందుకే వీటిని ఇలా తీసుకోవాలట..!
- వసంతంలో ఆరోగ్య జాగ్రత్తలు..!
- ప్రెగ్నెన్సీ.. ఈ జాగ్రత్తలు పాటిస్తున్నారా?
- ఉత్తేజంగా మారాలంటే..!
- రక్తహీనత తగ్గించే బీట్రూట్!
అనుబంధం
- ఒక మెట్టు దిగితే చాలు...
- ఆ అమ్మాయితో ఆ చాటింగ్.. ఆయన్ని నమ్మలేకపోతున్నా..!
- అలా చదివితే మేలే...
- చిన్నవే... చక్కదిద్దుతాయి!
- యుక్త వయసు నుంచీ...!
యూత్ కార్నర్
- అప్పుడు ఫ్యాన్... ఇప్పుడందరి ఫేవరెట్!
- భూగోళాన్ని చుట్టేస్తానంటోంది!
- దాంతో మాట్లాడుతుంటే మతి పోయిందనేవాళ్లు!
- ఎరీ... ఆ ఊరి పట్టు..!
- అందరికీ నచ్చేవి.. నాకు నచ్చవు.. ఎందుకిలా?
'స్వీట్' హోం
- పుల్లటి పెరుగుతో.. పెరిగే రుచి!
- రిస్క్ లేకుండా దాచేద్దాం!
- వేసవిలో ఇల్లు చల్లగా...
- కళ్లు తిరిగే కార్పెట్లు...
- ఆ చోటు గుర్తిస్తే చాలు...
వర్క్ & లైఫ్
- మీకు ‘ట్రావెలింగ్’ అంటే ఇష్టమా..?
- పనికి ‘బ్రేక్’ వేయండి!
- ఇవి టైంపాస్ కోసమే కాదు.. సంపాదనకూ..!
- మారాలని గట్టిగా అనుకోండి!
- Samantha: చిన్న చిట్కాలతోనే 45 కిలోల బరువు తగ్గా..!