Most Wanted List: మరి నా సంగతి ఏంటన్న క్రిమినల్.. పోలీసుల గట్టి షాక్!
అమెరికాలో విచిత్ర సంఘటన చోటుచేసుకుంది! పోలీసులు రూపొందించిన ‘మోస్ట్ వాంటెడ్ లిస్ట్’లో తన పేరు లేదంటూ పరారీలో ఉన్న ఓ నేరస్థుడు ఫేస్బుక్ వేదికగా కామెంట్ పెట్టాడు. అంతే.. దీని ఆధారంగా పోలీసులు అతన్ని అరెస్టు చేయడం గమనార్హం.
వాషింగ్టన్: అమెరికాలో విచిత్ర సంఘటన చోటుచేసుకుంది! పోలీసులు రూపొందించిన ‘మోస్ట్ వాంటెడ్ లిస్ట్’లో తన పేరు లేదంటూ పరారీలో ఉన్న ఓ నేరస్థుడు ఫేస్బుక్ వేదికగా కామెంట్ పెట్టాడు. అంతే.. దీని ఆధారంగా పోలీసులు అతన్ని అరెస్టు చేయడం గమనార్హం. అమెరికా జార్జియాలోని టాప్ 10 మోస్ట్ వాంటెడ్ నేరస్థుల జాబితాను రాక్డేల్ కౌంటీ షెరీఫ్ ఆఫీస్ అధికారులు ఇటీవల విడుదల చేశారు. హత్యలు, సాయుధ దోపిడీ, కిడ్నాప్ వంటి తీవ్రమైన నేరాలకు పాల్పడిన వ్యక్తులు ఇందులో ఉన్నారు. ఈ లిస్ట్ను ఫేస్బుక్లోనూ పోస్ట్ చేశారు. అయితే, ఇందులో తన పేరు లేదని గుర్తించిన క్రిస్టఫర్ స్పాల్డింగ్ అనే నేరస్థుడు ‘మరి నా సంగతి ఏంటి?’ అని ఆ పోస్ట్పై కామెంట్ చేశాడు.
దీనిపై స్పందించిన పోలీసులు.. ‘నువ్వు చెప్పింది నిజమే. నీ మీదా రెండు వారెంట్లు ఉన్నాయి. వస్తున్నాం..’ అని రిప్లై ఇచ్చారు. అన్నట్లుగానే.. మరుసటి రోజే అతన్ని అరెస్టు చేశారు. ‘నిన్ను పట్టుకోవడంలో నీ సహాయాన్ని అభినందిస్తున్నాం’ అని అతని ఫొటోతోసహా ఫేస్బుక్లో వ్యంగ్యంగా మరో పోస్ట్ పెట్టారు. నేరస్థుల జాబితాలో లేనంత మాత్రాన వారి గురించి వెతకడం లేదని అర్థం కాదని అందులో పేర్కొన్నారు. మరోవైపు.. ఈ వ్యవహారంపై నెటిజన్లు విస్మయం వ్యక్తం చేశారు. ఇటీవలి కాలంలో నేను చూసిన అత్యంత హాస్యాస్పద విషయం ఇదేనని ఓ నెటిజన్ కామెంట్ చేశారు. ‘ఇది నిజమేనా..? ఒకసారి చెక్ చేస్తా ఆగండి’ అని మరొక ఇంటర్నెట్ యూజర్ పేర్కొన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
భారత వ్యతిరేకి.. మాల్దీవులు మాజీ అధ్యక్షుడు విడుదల
భారత వ్యతిరేక విధానాలు అవలంబించిన మాల్దీవులు మాజీ అధ్యక్షుడు అబ్దుల్లా యమీన్కు పడిన జైలుశిక్షను స్థానిక హైకోర్టు రద్దు చేసింది. -
కిమ్ ‘జీవాయుధ’ కార్యక్రమం.. వ్యాధుల వ్యాప్తికి ‘విషపు పెన్నులు’, స్ప్రేలు!
జీవాయుధ (Biological Weapons) కార్యక్రమంలో భాగంగా ప్రాణాంతక బ్యాక్టీరియా, వైరస్లను ఉత్తర కొరియా అభివృద్ధి చేస్తున్నట్లు తాజా నివేదిక హెచ్చరించింది.
తాజా వార్తలు (Latest News)
-
వీలైతే ఒకసారి వీళ్లపై తీసిన సినిమాలు చూడండి: పూరి జగన్నాథ్
-
గూగుల్ మ్యాప్స్లో మరో కొత్త ఫీచర్.. ఈవీ స్టేషన్లు వెతకడం ఇక సులువే!
-
స్వీపర్ తనయుడు.. సివిల్స్లో సత్తా చాటాడు
-
40 గంటల బ్యాటరీ లైఫ్తో నథింగ్ నుంచి 2 కొత్త ఇయర్బడ్స్
-
కాలేజీ క్యాంపస్లో ఘోరం.. కార్పొరేటర్ కుమార్తె దారుణ హత్య
-
అమ్మ చనిపోయారు.. నేను పోటీ చేయలేను: ‘హిమాచల్’ డిప్యూటీ సీఎం కుమార్తె