Train: అక్కడ రైలు నడవాలంటే పట్టాలకు మంట పెట్టాల్సిందే!

చికాగో: పైచిత్రం చూసి ఏ తీవ్రవాదులో, నక్సలైట్లో రైల్వే ఆస్తుల్ని దహనం చేస్తున్నారని అనుకుంటే పొరపాటే. రైల్వే సిబ్బందే ఇలా పట్టాలకు నిప్పు పెట్టారు. ఎందుకంటారా..? చలికాలంలో రైళ్ల రాకపోకలు సజావుగా సాగడానికి ఈ విధంగా చేస్తుంటారట. యూఎస్‌లోని చికాగోలో ప్రస్తుతం చలి తీవ్రత ఎక్కువగా ఉంది. మైనస్‌ డిగ్రీల ఉష్ణోగ్రత నమోదవుతుంది. దీంతో మంచు పేరుకుపోయి పట్టాలు సంకోచించి రైళ్ల రాకపోకలకు అంతరాయం కలగకుండా పట్టాలకు నిప్పు పెడుతున్నారు. ఆ వెచ్చదనానికి పట్టాలు రైళ్ల ప్రయాణానికి అనుకూలంగా ఉంటాయి. అయితే, పట్టాల వెంట కనిపిస్తున్నది నిజమైన మంట కాదండోయ్‌. ప్రత్యేక ట్యూబులర్‌ హీటింగ్‌ వ్యవస్థతో ఏర్పడిన సెగలు. చూడటానికి అవి మంటల్లాగే కనిపిస్తుంటాయి. వీటి వల్ల రైళ్లకు ఎలాంటి ప్రమాదముండదు. చలికాలం పోగానే ఈ వ్యవస్థను తొలగిస్తారు.

► Read latest World News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.