Taiwan: ‘ఫిఫా’లో తైవాన్ పేరు వివాదం.. చైనా బెదిరింపులే కారణమన్న ద్వీపదేశం!
ఖతార్లో ఈ ఏడాది నిర్వహించనున్న ఫిఫా ప్రపంచ కప్లో భాగంగా క్రీడాభిమానులకు జారీ చేయనున్న గుర్తింపు కార్డులో తైవాన్ పేరును ‘చైనీస్ తైపీ’గా పేర్కొనడం వివాదానికి దారితీసింది......
ఇంటర్నెట్ డెస్క్: ఖతార్లో (Qatar) ఈ ఏడాది నిర్వహించనున్న ఫిఫా ప్రపంచ కప్లో (fifa world cup 2022) భాగంగా క్రీడాభిమానులకు జారీ చేయనున్న గుర్తింపు కార్డులో తైవాన్ (Taiwan) పేరును ‘చైనీస్ తైపీ’గా పేర్కొనడం వివాదానికి దారితీసింది. చైనా (China) బెదిరింపులకు భయపడి నిర్వాహకులు ఈ మేరకు మార్పులు చేపట్టారని తైవాన్ మంగళవారం ఆరోపించింది. నవంబర్- డిసెంబరులో జరగనున్న ఈ మెగా టోర్నీలో భాగంగా ‘హయా’ పేరిట జారీ చేయనున్న ఈ ఐడీ కార్డులు.. ఖతార్లో ప్రవేశానికి వీసాగా, స్టేడియాల్లో అనుమతించేందుకు ఓ పాస్గా పనిచేస్తాయి.
వాస్తవానికి క్రీడా ప్రపంచం తైవాన్ను ‘చైనీస్ తైపీ’ పేరిట గుర్తిస్తుంది. అయితే, తైవాన్ అభిమానులను చైనీయులుగా పరిగణించే యోచనలో ఉన్న నిర్వాహకులు.. తొలుత ‘హయా’ ఆన్లైన్ పోర్టల్లో ఈ దేశానికి సంబంధించి తైవాన్, చైనీస్ తైపీ.. ఈ రెండు పేర్లనూ పొందుపర్చలేదు. అయితే, గత వారం తైవాన్ ఫిర్యాదుతో అదే పేరును చేర్చారు. కానీ, దాన్ని మళ్లీ ‘చైనీస్ తైపీ’గా మార్చారు. డ్రాగన్ జోక్యం కారణంగానే నిర్వాహకులు ఈ నిర్ణయం తీసుకున్నట్లు తైవాన్ విదేశాంగ శాఖ ఆరోపించింది.
రాజకీయ శక్తుల అక్రమ జోక్యాన్ని నివారించడంలో ప్రపంచ కప్ నిర్వాహకులు విఫలమయ్యారని తైవాన్ ప్రతినిధి త్సూయి చింగ్-లిన్ విచారం వ్యక్తం చేశారు. చైనా ప్రభుత్వ బెదిరింపులను, అంతర్జాతీయ క్రీడా కార్యక్రమాల్లో రాజకీయ అవకతవకలను ఖండిస్తున్నామన్నారు. ఇదిలా ఉండగా.. తైవాన్ను చైనా తమ దేశంలో అంతర్భాగంగా పరిగణిస్తోన్న విషయం తెలిసిందే. అవసరమైతే బలప్రయోగంతో ఆ దేశాన్ని కలిపేసుకుంటామని స్పష్టం చేసింది. ఈ వైఖరిని తైవాన్ గట్టిగా తిరస్కరిస్తూ వస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘అవి డ్రోన్లు కాదు.. మాకు ఆటబొమ్మలే’.. ఇజ్రాయెల్ను హేళన చేసిన ఇరాన్
Iran-Israel: తమ ప్రయోజనాలకు వ్యతిరేకంగా ఇజ్రాయెల్ తీవ్ర నిర్ణయాలు తీసుకుంటే ప్రతిస్పందన చాలా కఠినంగా ఉంటుందని ఇరాన్ హెచ్చరించింది. ఈ సందర్భంగా టెల్ అవీవ్పై వ్యంగ్యాస్త్రాలు గుప్పించింది. -
సైబర్ యుద్ధాలను ఎదుర్కొనేందుకు చైనా సైన్యంలో కొత్త విభాగం
సైబర్ యుద్ధాలను దీటుగా ఎదుర్కొనేందుకు చైనా అధ్యక్షుడు షీ జిన్పింగ్ శుక్రవారం చైనా సైన్యంలో.. ఇన్ఫర్మేషన్ సపోర్ట్ ఫోర్స్ (ఐఎస్ఎఫ్) పేరుతో ఓ కొత్త విభాగాన్ని ప్రారంభించారు. -
ఇరాన్పై ఇజ్రాయెల్ ప్రతీకార దాడి!
పశ్చిమాసియా మళ్లీ వేడెక్కింది. ప్రతీకారం తప్పదని గత కొన్ని రోజులుగా హెచ్చరికలు జారీచేస్తున్న ఇజ్రాయెల్.. శుక్రవారం తెల్లవారుజామున ఇరాన్పై దాడి చేసింది. -
సిరియాలో ఐఎస్ ఉగ్రవాదుల దాడి
సిరియాలో ఇస్లామిక్ స్టేట్ (ఐఎస్) ఉగ్రవాదుల ముఠా మరోసారి రెచ్చిపోయింది. గురువారం రాత్రి బస్సుపై దాడి చేసి 22 మందిని హతమార్చింది. -
పాలస్తీనాకు వ్యతిరేకంగా అమెరికా ఓటు
ఐక్యరాజ్యసమితిలో పాలస్తీనాకు పూర్తి స్థాయి సభ్యత్వాన్ని కల్పించాలంటూ భద్రతామండలిలో ప్రవేశపెట్టిన ఓ తీర్మానానికి వ్యతిరేకంగా అమెరికా ఓటేసింది. -
కూలిన రష్యా సూపర్ సోనిక్ బాంబర్ విమానం
రష్యా అమ్ములపొదిలో వ్యూహాత్మక సూపర్ సోనిక్ బాంబర్ విమానం టీయూ-22ఎం3ని కూల్చివేసినట్లు ఉక్రెయిన్ శుక్రవారం ప్రకటించింది. -
ట్రంప్ విచారణ జరిగే కోర్టు వద్ద వ్యక్తి ఆత్మహత్యాయత్నం!
అమెరికా మాజీ అధ్యక్షుడు ట్రంప్నకు సంబంధించిన కేసు విచారణ జరుగుతున్న న్యూయార్క్లోని మాన్హటన్ కోర్టు వెలుపల ఒక వ్యక్తి అగ్నికీలల్లో చిక్కుకోవడం కలకలం సృష్టించింది. -
కలరా టీకాలో కొత్త వెర్షన్కు డబ్ల్యూహెచ్వో ఆమోదం
విస్తృతంగా వినియోగంలో ఉన్న కలరా టీకాకు సంబంధించిన ఒక కొత్త వెర్షన్కు ప్రపంచ ఆరోగ్య సంస్థ (డబ్ల్యూహెచ్వో) ఆమోదం తెలిపింది. -
పారిస్లోని ఇరాన్ దౌత్య కార్యాలయం వద్ద వ్యక్తి అరెస్టు
ఆయుధాలతో సంచరిస్తున్నాడన్న అనుమానంతో పారిస్లోని ఇరాన్ దౌత్య కార్యాలయం వద్ద ఓ వ్యక్తిని స్థానిక పోలీసులు శుక్రవారం అదుపులోకి తీసుకున్నారు. -
జపాన్ పౌరుల వాహనమే లక్ష్యంగా పాక్లో ఆత్మాహుతి దాడి యత్నం
పాకిస్థాన్లో జపాన్ దేశీయులు ప్రయాణిస్తున్న వాహనమే లక్ష్యంగా ఆత్మాహుతి దాడి యత్నం జరిగింది. -
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
ఇరాన్పై డ్రోన్ దాడి విషయంలో ఇజ్రాయెల్ నుంచి తమకు చివరి క్షణంలో సమాచారం అందిందని అమెరికా చెప్పినట్లు ఇటలీ విదేశాంగ మంత్రి ఆంటోనియో టజానీ తెలిపారు.
తాజా వార్తలు (Latest News)
-
స్మిత ఇంట సీతారాముల కల్యాణం.. నాని సందడి
-
కుప్పంలో చంద్రబాబు జన్మదిన వేడుకలు.. కేక్ కట్ చేసిన నారా భువనేశ్వరి
-
భారత్లో ఎలాన్ మస్క్ పర్యటన వాయిదా
-
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
-
ధోనీ ఎంట్రీ ఎఫెక్ట్.. వామ్మో వినికిడి కోల్పోమా..? : లఖ్నవూ స్టార్ వైఫ్
-
‘అవి డ్రోన్లు కాదు.. మాకు ఆటబొమ్మలే’.. ఇజ్రాయెల్ను హేళన చేసిన ఇరాన్