Published : 18 Jan 2022 01:47 IST

China: చైనాలో గణనీయంగా తగ్గిన బర్త్‌రేట్‌!

బీజింగ్‌ : చైనాలో బర్త్‌ రేట్‌ (జననాల రేటు) గణనీయంగా తగ్గింది. 2021లో 1000కి 7.52 శాతం తగ్గినట్లు ఆ దేశ నేషనల్‌ బ్యూరో ఆఫ్‌ స్టాటస్టిక్స్‌ చెబుతున్నాయి. గతేడాదే చైనా ప్రధాన భూభాగంలో జననాల రేటు గణనీయంగా తగ్గినట్లు లెక్కల్లో తేలింది. దీనికి అడ్డుకట్ట వేసేందుకు అక్కడి ప్రభుత్వం అప్పుడే ప్రయత్నాలు మొదలుపెట్టింది. ప్రతి జంట ముగ్గురు పిల్లల్ని కనేందుకు అనుమతులు మంజూరు చేసింది.

జనాభా తగ్గితే.. ఆ ప్రభావం ఆర్థిక వ్యవస్థపై ప్రతికూలంగా ఉంటుందని 2016లోనే చైనా గుర్తించింది. దీంతో అదే ఏడాది గతంలో ఉన్న ‘వన్‌ చైల్డ్‌ పాలసీ’కి ముగింపు పలికింది. ఈ స్థానంలో ఇద్దరు పిల్లల్ని కనేందుకు అనుమతిచ్చింది. కానీ, చైనా పట్టణ ప్రాంతాల్లో వ్యయాలు భారీగా ఉండటంతో ప్రజలు రెండో బిడ్డను కనేందుకు పెద్దగా ఆసక్తి చూపలేదు. దీంతో పరిస్థితి మరింత చేజారక ముందే ముగ్గురు పిల్లల్ని కనేందుకు అవకాశం కల్పిస్తూ గతేడాది ఆదేశాలు జారీ చేసింది. చైనాలో 2021లో 10.62 మిలియన్ల మంది పిల్లలు జన్మించగా, 2020లో ఈ సంఖ్య 12 మిలియన్లుగా ఉండటం గమనార్హం.

Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని