Published : 23 May 2022 17:29 IST

QUAD Meet: క్వాడ్‌ సదస్సు వేళ ఉలిక్కిపడుతోన్న చైనా

ఇండో పసిఫిక్‌ వ్యూహం విఫలమేనన్న డ్రాగన్‌

బీజింగ్‌: ఇండో పసిఫిక్‌ ప్రాంతంలో చైనా ఆధిపత్యానికి చెక్‌ పెట్టేందుకు అమెరికా ప్రయత్నాలు చేస్తోన్న సంగతి తెలిసిందే. ఈ క్రమంలో అమెరికా అధ్యక్షుడు జో బైడెన్‌ ఈ ప్రాంతంలో పర్యటిస్తూ మిత్రదేశాలతో కలిసి సంప్రదింపులు జరుపుతున్నారు. ఈ పరిస్థితులను నిశితంగా గమనిస్తోన్న చైనా.. అమెరికా, దాని మిత్రదేశాల ప్రయత్నాలపై ఉలిక్కిపడుతోంది. తాజాగా వీటిపై స్పందించిన చైనా.. ఇండో పసిఫిక్‌ ప్రాంతంలో అమెరికా అనుసరిస్తోన్న వ్యూహం విఫలమవడం ఖాయం అంటూ వ్యాఖ్యానించింది.

‘ఇండో పసిఫిక్‌ వ్యూహం’ పేరుతో అమెరికా చేస్తోన్న ప్రయత్నాలు ఈ ప్రాంతంలో విభజనలను సృష్టించే, ఘర్షణ ప్రేరేపించే, శాంతిని నాశనం చేసే వ్యూహాలని వాస్తవాలే నిరూపిస్తాయి’ అని చైనా విదేశాంగశాఖ మంత్రి వాగ్‌ యీ పేర్కొన్నారు. పాకిస్థాన్‌ విదేశాంగ మంత్రి బిలావల్‌ భుట్టోతో భేటీ అయిన సమయంలో చైనా మంత్రి ఈ విధంగా మాట్లాడారు. స్వేచ్ఛ, బహిరంగత అని చెప్పుకుంటోన్న అమెరికా ఈ వ్యూహాన్ని అనుసరిస్తున్నప్పటికీ.. చైనాను అదుపు చేసేందుకు ఓ ముఠాగా ఏర్పడి చిన్న చిన్న గ్రూపులను ఏర్పాటు చేయడంపైనే ప్రధానంగా ఆసక్తి చూపిస్తోందని విమర్శించారు.

ఇదిలాఉంటే, అమెరికా అధ్యక్షుడిగా బాధ్యతలు స్వీకరించిన తర్వాత జో బైడెన్‌ తొలిసారిగా ఆసియాలో పర్యటిస్తున్నారు. ఈ సందర్భంగా దక్షిణ కొరియా నూతన అధ్యక్షుడు యూన్‌ సుక్‌ యేల్‌తో భేటీ అయ్యారు. ఈ మధ్యాహ్నం జపాన్‌ ప్రధాని ఫుమియో కిషిదాతోనూ సమావేశమైన జో బైడెన్‌.. జపాన్‌, ఆస్ట్రేలియా, భారత్‌ అధినేతలతోనూ క్వాడ్‌ సదస్సులో పాల్గొననున్నారు. ఈ సందర్భంగా ఇండో పసిఫిక్‌ ప్రాంతంలో అనుసరించే ఆర్థిక ప్రణాళిక (IPEF)పైనా కుటమి దేశాల నేతలతో చర్చించనున్నారు. ఈ సదస్సులో పాల్గొనేందుకు భారత ప్రధాని నరేంద్ర మోదీ కూడా జపాన్‌కు చేరుకున్న సంగతి తెలిసిందే.

Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts