America: న్యూయార్క్‌లో ఘోర అగ్నిప్రమాదం: 19 మంది మృతి

న్యూయార్క్‌: అమెరికాలోని న్యూయార్క్‌ నగరంలో ఘోర అగ్ని ప్రమాదం చోటుచేసుకుంది.  అపార్ట్‌మెంట్‌లో మంటలు చెలరేగి 19 మంది మృతిచెందారు. మృతుల్లో 9 మంది పిల్లలు కూడా ఉన్నారు. సుమారు 60 మంది గాయపడ్డట్లు సమాచారం. గాయపడినవారిని స్థానిక ఆసుపత్రులకు తరలించారు. వీరిలో 13 మంది పరిస్థితి విషమంగా ఉన్నట్లు స్థానిక మీడియా తెలిపింది. 19 అంతస్తులున్న అపార్ట్‌మెంట్‌లో రెండు, మూడు అంతస్తులకు మంటలు చెలరేగాయి. దీంతో అపార్ట్‌మెంట్‌లో మొత్తం పొగచూరింది. చాలామంది పోగపీల్చడంతో తీవ్ర అస్వస్థతకు గురైనట్లు అధికారులు పేర్కొన్నారు. మంటలు చెలరేగగానే 200 మంది ఫైరింజన్‌ సిబ్బంది సహాయక చర్యలు చేపట్టారు. గత కొన్నేళ్లలో న్యూయార్క్‌ మహానగరంలో ఇలాంటి సంఘటన చూడనట్లు మేయర్‌ ఎరిక్‌ ఆడమ్స్‌ తెలిపారు. అమెరికా చరిత్రలో జరిగిన అగ్నిప్రమాదాల్లో ఇదొకటిగా మిగిలిపోతుందన్నారు.