United Nations: ఐదుగురు ఐక్యరాజ్య సమితి అధికారుల కిడ్నాప్

సనా: ఐదుగురు ఐక్యరాజ్య సమితి అధికారులు అపహరణకు గురవడం కలకలం రేపింది. దక్షిణ యెమెన్​లో ఐదుగురు ఐక్యరాజ్య సమితి సిబ్బందిని అల్​ఖైదా ఉగ్రవాదులు అపహరించినట్లు యెమన్​ అధికారులు వెల్లడించారు. శుక్రవారం సాయంత్రం వారిని ఎత్తుకెళ్లి, గుర్తుతెలియని ప్రదేశానికి తరలించినట్లు పేర్కొన్నారు. కిడ్నాప్‌నకు గురైన వారిలో నలుగురు యెమన్ దేశస్థులు కాగా, ఒకరు విదేశీయుడు. కాగా ఈ వ్యవహారంపై తమకు సమాచారం అందిందన్న ఐక్యరాజ్య సమితి.. వారిని విడిపించేందుకు ప్రయత్నాలు చేస్తున్నట్లు యూఎన్​ అధికార ప్రతినిధి స్టెఫనీ డుజారిక్ అన్నారు.

యూఎన్​ సిబ్బందిని విడిపించేందుకు ప్రయత్నాలు చేస్తున్నట్లు అక్కడి​ ప్రభుత్వం కూడా తెలిపింది. అయితే కొంత డబ్బుతో పాటు యెమన్​లో బందీలుగా ఉన్న తమ వారిని విడిచిపెట్టాలని ఉగ్రవాదులు డిమాండ్ చేసినట్లు పేర్కొంది. యెమన్​లో అపహరణలు సర్వసాధారణంగా మారాయి. ఇక్కడ సాయుధ గిరిజనులు, అల్​ఖైదాతో సంబంధమున్న ఉగ్రవాదులు.. డబ్బులు డిమాండ్‌ చేస్తూ, బందీలుగా ఉన్న తమవారిని విడిపించుకునేందుకు కిడ్నాప్‌లకు పాల్పడుతుంటారు.